Onuň Alyhezreti Türkmenistanyň Prezidenti jenap Gurbanguly Berdimuhamedowa Siziň Alyhezretiňiz, Biziň ýurtlarymyzyň arasyndaky bar bolan dostlukly gatnaşyklary we hyzmatdaşlygy has-da berkitmek maksady bilen, şeýle hem Gana Respublikasynyň Türkmenistandaky bähbitlerine wekilçilik etmegi üçin men ygtybarly we mynasyp saýylýan watandaşymyz, jenap Alhaji Bawa Gilbert Aembillahy Siziň Alyhezretiňiziň ýanynda Gana Respublikasynyň Adatdan daşary we Doly ygtyýarly ilçisi hökmünde belledim. Onuň kabulhanasy Tähran (Eýran) şäherinde ýerleşýär. Jenap Alhaji Bawa Gilbert Aembillahyň döwlet işlerindäki jogapkärli wezipeleri ýerine ýetirende görkezen şahsy häsiýetleri onuň özüne tabşyrylan möhüm işleri Siziň Alyhezretiňiz tarapyndan makullanýan we hormat goýulýan derejede berjaý etjekdigine bolan ynamymy pugtalandyrýar. Şunuň bilen baglylykda men Siziň Alyhezretiňizden jenap Alhaji Bawa Gilbert Aembillahy mähirli kabul etmegiňizi hem-de Size meniň adymdan aýtjak ähli zatlaryna, aýratyn-da Siziň Alyhezretiňize berk jan saglyk, Türkmenistanyň halkyna bolsa rowaçlyk barada tüýs ýürekden çykýan arzuwlarymy ýetirende, oňa ynanmagyňyzy haýyş edýärin. Jon Dramani Mahama, Gana Respublikasynyň Prezidenti