Onuň Alyhezreti, Türkmenistanyň Prezidenti jenap Gurbanguly Berdimuhamedowa Siziň Alyhezretiňiz, Hindistanyň Hökümetiniň we halkynyň adyndan Sizi Türkmenistanyň Prezidenti wezipesine täzeden saýlanmagyňyz bilen gutlaýaryn. Siziň ýolbaşçylygyňyzda Türkmenistanyň mundan beýläk-de rowaçlanjakdygyna we gülläp ösjekdigine ynanýaryn. Hindistan Respublikasy ykdysadyýetiň dürli pudaklarynda Türkmenistan bilen gatnaşyklary has-da işjeňleşdirmegi we pugtalandyrmagy maksat edinýär. Siziň Alyhezretiňize berk jan saglyk we üstünlikler, doganlyk türkmen halkyna bolsa mundan beýläk-de rowaçlyk we gülläp ösüş baradaky iň oňat arzuwlarymy beýan edýärin. Siziň Alyhezretiňiz, meniň belent hormat goýýandygym baradaky ynandyrmalarymy kabul ediň. Pranab Mukerji, Hindistan Respublikasynyň Prezidenti