Mähirli dostumyz! Patyşalyk bilen Türkmenistanyň arasynda ýola goýlan dostlukly gatnaşyklary we oňyn özara düşünişmegi saklamak isleginden ugur alyp, hormatly Torhilda Meri Wiwia Ebbott—Uatty Beýik Britaniýanyň we Demirgazyk Irlandiýanyň Birleşen Patyşalygynyň Türkmenistandaky Adatdan daşary we Doly ygtyýarly ilçisi wezipesine bellemek kararyna geldik. Hanym Ebbott-Uattyň şahsy häsiýetleri onuň özüne ynanylan wezipäni Siziň Alyhezretiňiziň makullamagyny we hormatyny gazanmak üçin degerli derejede ýerine ýetirjekdigine umyt baglamaga esas döredýär. Şunuň bilen baglylykda, hanym Ebbott-Uattyň Size biziň adymyzdan aýtjak ähli zatlaryna, aýratyn-da, Türkmenistanyň abadançylygy we gülläp ösmegi barada biziň hoşniýetli arzuwlarymyzy hem-de ynandyrmalarymyzy ýetirende, oňa ynanjakdygyňyza umyt edýäris. Goý, Beýik Biribar Sizi öz penasynda aman saklasyn! Siziň hoşniýetli dostuňyz, Ýelizaweta II, Beýik Britaniýanyň we Demirgazyk Irlandiýanyň Birleşen Patyşalygynyň Şa zenany