Iki Mukaddesligiň hyzmatkäri Salman ben Abdel-Aziz Al-Saud, Saud Arabystany Patyşalygynyň Patyşasy: Onuň Alyhezreti, Türkmenistanyň Prezidenti doganym Gurbanguly Berdimuhamedowa Mukaddes Oraza baýramy mynasybetli öz adymdan, Saud Arabystanynyň hökümetiniň we halkynyň adyndan Siziň Alyhezretiňize iň gowy doganlyk gutlaglarymy we tüýs ýürekden çykýan arzuwlarymy ýollamaga örän şatdyryn. Şunuň bilen baglylykda, Gudratygüýçli Allatagaladan Sitziň Alyhezretiňize berk jan saglyk, bagt, doganlyk Türkmenistanyň halkyna we bütin musulman ymmatyna ösüş, rowaçlyk we sahawatlylyk dileg edýärin. Siziň Alyhezretiňiz, Size çuňňur hormat goýýandygym baradaky ynandyrmalarymy kabul etmegiňizi haýyş edýärin. *** Toni Tang Keng Ýam, Singapur Respublikasynyň Prezidenti: Onuň Alyhezreti, Türkmenistanyň Prezidenti jenap Gurbanguly Berdimuhamedowa Mukaddes Oraza baýramy mynasybetli iň gowy arzuwlarymy ýollaýaryn.