Şu günler milli Liderimiz Gurbanguly Berdimuhamedowy döwlet we jemgyýetçilik işgärleri, edaralaryň, guramalaryň ýolbaşçylary şanly waka—Türkmenistanyň Prezidentligine täze möhlete saýlanylmagynyň üç ýyllygy mynasybetli tüýs ýürekden gutlaýarlar. Gutlag hatlarynda döwlet Baştutanymyzyň ýolbaşçylygynda ýurdumyzda ähli ugurlarda giň gerimli özgerişlikleriň bolup geçýändigi nygtalýar. Hatlary we telegrammalary iberenler milli Liderimiziň alyp barýan ägirt uly işleri netijesinde Türkmenistanyň Berkarar döwletimiziň bagtyýarlyk döwründe belent sepgitlere ýetendigini bellemek bilen, döwlet Baştutanymyza berk jan saglyk, uzak we bagtly ömür, eziz Watanymyzyň mundan beýläk-de gülläp ösmeginiň, türkmen halkynyň asuda we abadan durmuşynyň bähbidine alyp barýan giň gerimli işlerinde täze üstünlikleri arzuw edýärler. Şanly waka mynasybetli milli Liderimiz Gurbanguly Berdimuhamedowy Türkmenistanyň Ministrler Kabinetiniň Başlygynyň orunbasarlary M.Artykow, Ş.Durdylyýew, A.Goçyýew, B.Ereşow, B.Hojamuhammedow, R.Meredow, S.Satlykow, P.Taganow, S.Toýlyýew, A.Ýazmyradow, M.Ýazmuhammedowa mähirli we tüýs ýürekden gutladylar. Türkmenistanyň Mejlisiniň deputatlarynyň adyndan döwlet Baştutanymyzy Türkmenistanyň Prezidentligine saýlanylmagynyň üç ýyllygy mynasybetli A.Nurberdiýewa gutlady. Hormatly Prezidentimiz Gurbanguly Berdimuhamedowa Türkmenistanyň Prezidentiniň Diwanynyň jogapkär işgärleri Ş.Durdylyýew, W.Hramow, G.Hojaberdiýew, K.Çaryýardurdyýew, A.Žadan, Y.Paromow mähirli gutlaglaryny ýolladylar. Milli Liderimiz Gurbanguly Berdimuhamedowa iň gowy arzuwlaryny Ahal welaýatynyň häkimi M.Nurmämmedow, Balkan welaýatynyň häkimi B.Hojamämmedow, Daşoguz welaýatynyň häkimi E. Orazgeldiýew, Lebap welaýatynyň häkimi M.Joraýew, Mary welaýatynyň häkimi B.Annagurbanow, Aşgabat şäheriniň häkimi R.Nurmämmedow beýan etdiler. Hormatly Prezidentimiz Gurbanguly Berdimuhamedowy şanly waka bilen Türkmenistanda saýlawlary we sala salşyklary geçirmek baradaky Merkezi toparyň başlygy G.Myradow, Türkmenistanyň Demokratik partiýasynyň başlygy K. Babaýew, Türkmenistanyň Senagatçylar we telekeçiler partiýasynyň Merkezi geňeşiniň başlygy O.Mämmedow, Türkmenistanyň Agrar partiýasynyň Merkezi geňeşiniň başlygy R.Bazarow, Türkmenistanyň Uruş weteranlary guramasynyň Merkezi geňeşiniň başlygy G.Nepesow, Türkmenistanyň Kärdeşler arkalaşyklarynyň Milli merkeziniň başlygy, Türkmenistanyň Zenanlar birleşiginiň Merkezi geňeşiniň başlygy G.Baýramowa, Türkmenistanyň Magtymguly adyndaky Ýaşlar guramasynyň Merkezi geňeşiniň başlygy Ö.Enermyradow, Türkmenistanyň Ýaşulularynyň maslahatynyň Başlygynyň orunbasary A. Täşliýew, Dünýä türkmenleriniň ynsanperwer birleşiginiň Prezidentiniň orunbasary M. Abilow, Türkmenistanyň Parahatçylyk gaznasynyň müdiriýetiniň başlygy M.Saryýewa we beýlekiler gutladylar.