Baş sahypa
\
Sport
\
Türkmen futbolçylary 2022-nji ýylyň Dünýä çempionatynyň saýlama oýunlaryny geçirerler
Sport
Türkmen futbolçylary 2022-nji ýylyň Dünýä çempionatynyň saýlama oýunlaryny geçirerler
Çap edildi 16.03.2021
10206

Türkmenistanyň ýygyndy toparynyň futbolçylary 2022-nji ýylyň dünýä çempionatyna galan saýlama oýunlarynyň üçüsini Koreýa Respublikasynda geçirerler. Aziýa futbol konfederasiýasy şeýle karar kabul etdi.

Türkmenistanyň ýygyndy toparynyň bäş tapgyrdan soň 9 utuk bilen«Н» toparda birinji orny eýeleýandigini, onda Koreýa Respublikasynyň (8 utuk) Liwanyň (8 utuk), KHDR-nyň (8 utuk), Şri-Lankanyň (utuksyz) ýygyndy toparlarynyň çykyş edýändigini ýatladýarys. Ýöne Koreýa Respublikasynyň futbolçylary bir oýun az oýnadylar.

Bu toparyň ýaryşy 2019-njy ýylyň 5-nji sentýabrynda başlanypdy. Onuň barşynda türkmenistanlylar öz meýdançasynda we myhmançylykda Şri-Lankanyň toparyny şol bir 2:0 hasabynda utupdylar, Aşgabatda KHDR-yň toparyndan 3:1 hasabynda üstün çykyp, öz meýdançasynda Koreýa Respublikasyndan bäsdeşlerinden 0:2 we myhmançylykda Liwanyň ýygyndysyndan 1:2 hasabynda utulypdylar.

2022-nji ýylyň dünýä çempionatyna galan saýlama oýunlaryny Türkmenistanyň ýygyndy topary öz meýdançasynda Liwanyň topary, myhmançylykda -- Koreýa Respublikasyndan we KHDR-dan bäsdeşleri bilen oýnamalydy. Emma milli Assosiýasiýalar bilen maslahatlar netijesinde Aziýa futbol konfederasiýasy 2022-nji ýylyň dünýä çempionatyna jemleýji saýlama oýunlaryny 8 ýurtda geçirmegi karar etdi.

«Н» toparyň saýlama ýaryşy 3-nji iýundan 15-nji iýun aralygynda Koreýa Respublikasynda geçiriler, onuň çäklerinde Türkmenistanyň ýygyndy topary 3-nji iýunda Koreýa Respublikasynyň ýygyndysy bilen duşuşar, 11-nji iýunda Liwanyň futbolçylarynyň garşysyna oýnar we 15-nji iýunda KHDR-yň ýygyndysynyň garşysyna oýun bilenem ýaryşy jemlär.

Saýlama ýaryşyň ikinji tapgrynyň netijesi boýunça 2022-nji ýylyň dünýä çempionatynyň aýgytlaýjy tapgyryna ýygyndylaryň 12-si – toparlaryň ýeňijileriniň 8-si we toparlarda ikinji orny eýelän güýçli ýygyndylaryň 4-si çykar.

Soňky habarlar
23.09
Türkmenistanyň Prezidenti Gurbanguly Berdimuhamedowyň Birleşen Milletler Guramasynyň Baş Assambleýasynyň 76-njy mejlisindäki sanly ulgam arkaly çykyşy
23.09
Döwlet Baştutanymyz Saglygy goraýyş we derman senagaty ministrliginiň hasabyna 10 sany «Tiz kömek» awtoulagy bermegi belledi
23.09
Hormatly Prezidentimiz Gurbanguly Berdimuhamedow BMG-niň Baş Assambleýasynyň mejlisinde sanly ulgam arkaly çykyş etdi
22.09
Türkmenistanyň ykdysady strategiýasy: durnukly ösüşiň milli nusgasy
22.09
Türkmenistanyň Garaşsyzlygynyň 30 ýyllygy dünýä metbugatynyň sahypalarynda
22.09
Türkmenistanyň Prezidenti Russiýa Federasiýasynyň Prezidentine gynanç bildirdi