Türkmenistanyň wekiliýeti 12-14-nji maýda Magtymguly Pyragynyň we Döwletmämmet Azadynyň Eýran Yslam Respublikasynda ýerleşýän aramgähine zyýaraty amala aşyrar. Bu çäre Konstitusiýa gününe we Magtymguly Pyragynyň şygryýet gününe bagyşlanýar.

Türkmenistanda - Ahal hem-de Lebap welaýatlarynyň çäklerinde ýene-de döwrebap şypahanalaryň ikisi gurlar.

Ýurdumyzyň Ministrler Kabinetiniň mejlisinde 10-njy iýun – 10-njy sentýabr aralygynda Gazagystan Respublikasynyň Astana şäherinde geçiriljek “EKSPO-2017” ýöriteleşdirilen halkara sergisinde türkmen ekspozisiýasyny taýýarlamak meseleleri ara alnyp maslahatlaşyldy.

Türkmenistanyň wekiliýeti iş sapary bilen Owganystan Yslam Respublikasyna baryp gördi we Owganystan Yslam Respublikasynyň Prezidenti Muhammad Aşraf Gani tarapyndan kabul edildi.

11-nji maýda Aşgabatda Bilelikdäki türkmen-german iş toparynyň 7-nji mejlisi geçiriler, onda söwda-ykdysady hyzmatdaşlygy we medeni-ynsanperwer gatnaşyklary ösdürmegiň meseleleri ara alnyp maslahatlaşylar.

Hazarýaka sebitinde ýerleşen Uzynada meýdanynda “Türkmennebit” döwlet konserniniň hünärmenleri ýurdumyzda ilkinji gezek çuňlygy 7 müň 150 metre deň bolan guýunyň buraw işlerini tamamladylar. Geçirilen geofiziki barlaglaryň netijesinde, bu guýuda 6689-6695 metr aralyk özleşdirilende gazyň senagat akymy alyndy.

Türkmenistanda 16-njy maýda «Türkmenistanyň Konstitusiýasy – ösüşiň hukuk binýady» atly Halkara ylmy-amaly maslahaty geçiriler. Türkmenistanyň syýasy we döwlet gurluşynda toplan tejribesi dünýä jemgyýetçiliginiň uly gyzyklanmasyna eýe bolýar, giňden wagyz edilmegine mynasypdyr.

Awaza"" milli syýahatçylyk zolagynda Ulag we logistika boýunça halkara maslahaty öz işini tamamlady. Maslahatyň gün tertibine sebit we ählumumy möçberde ulag ulgamynda özara bähbitli hyzmatdaşlygyň höweslendirilmegine hem-de ösdürilmegine degişli meseleleriň giň toplumy girizildi. Demir ýol ulaglary düzümlerini ösdürmek hem-de bu möhüm ugurda hyzmatdaşlygyň meseleleri “Berkarar” myhmanhanasynda geçirilen bölüm mejlislerinde ara alnyp maslahatlaşyldy.

Paýtagtymyzda Palestina Döwletiniň Türkmenistandaky Medeniýet günleriniň ýapylyş dabarasy boldy. “Türkmenistan” kinokonsert merkezinde geçirilen iki ýurduň sungat ussatlarynyň konserti döredijilik çäresiniň jemleýji wakasyna öwrüldi.

Türkmenistanda welaýatlaryň dolandyryş-çäk düzüminiň üýtgemegi mynasybetli halk maslahatlarynyň, Geňeşleriň agzalarynyň 21-nji maýda boljak saýlawlaryna işjeň taýýarlyk görülýär.