Berkarar döwletimiziň bagtyýarlyk döwründe Garaşsyz Watanymyzda amala aşyrylýan duýpli özgertmeleri ylmy taýdan esaslandyrmak, ýurdumyzyň ykdysadyýetine, ylym-bilim, medeniýet ulgamlaryna ylmyň gazananlaryny ornaşdyrmak, halkymyzyň taryhyny, medeniýetini, sungatyny, dilini we edebiýatyny ylmy esaslarda öwrenmek hem-de ýokary derejeli hünärmenleri we ylmy işgärleri taýýarlamak maksady bilen, Türkmenistanyň Prezidenti buýruga gol çekdi. Resminama laýyklykda 2017-nji ýylda ylmyň ugurlary boýunça aspirantura we doktorantura kabul ediljek, alymlyk derejelerine dalaşgärlige hasaba alynjak, şeýle hem kliniki ordinatura kabul ediljek dalaşgärleriň sany tassyklanyldy.