1619
Daşary ýurt walýutasyna Türkiýe Respublikasyndan we Gazagystan Respublikasyndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen polipropileni, nebit koksuny satyn aldylar. Mundan başga-da, daşary ýurt walýutasyna tekiz boýalan hem-de žakkard tüýjümek önümler, jinsi önümleri, azyklyk bugdaý, arassalanan pagta ýagy, ýüplük we nah mata önümleri, dikeldilen süýüm, pagta süýümi, nah ýüplügiň galyndylary ýerlenildi. Bu önümleri Russiýa Federasiýasyndan, Beýik Britaniýadan, BAE-den, Şweýsariýa Konfederasiýasyndan, Türkiýe Respublikasyndan, Singapurdan, Owganystan Yslam Respublikasyndan, Ermenistandan we beýleki ýurtlardan gelen telekeçiler satyn aldylar. Geleşikleriň jemi bahasy ABŞ-nyň 10 million 249 müň dollaryndan gowrak boldy. Ýurdumyzyň telekeçileri içerki bazar üçin jemi bahasy 519 müň manatdan gowrak nebit ýol bitumyny we azyklyk bugdaýy satyn aldylar.
