Ulag aragatnaşyk pudagyny mundan beýläk-de döwrebaplaşdyrmak we ösdürmek boýunça geçirilen iş maslahatynda hormatly Prezidentimiz Gurbanguly Berdimuhamedowyň amala aşyrýan özgertmelerini durmuşa geçirmekde ähli ugurlaryň tagallalarynyň utgaşdyrylmagynyň, wezipeleriň çözgüdine jogapkärçilikli hem-de oýlanyşykly çemeleşmegiň zerurdygy bellenildi. Hususan-da, demir ýol pudagynyň mundan beýläkki ösüşi bilen baglanyşykly taslamalaryň durmuşa geçirilmegi bilen bagly ähli işleriň utgaşykly, ýokary hilli hem-de wagtynda berjaý edilmeginiň möhümdigi nygtaldy. Şunda, ulag düzüminde ýükleri daşamakda we ýolagçy gatnatmak hyzmatlaryny ýerine ýetirmekde öňdäki orunlary eýeleýän demir ýol pudagyna möhüm ornuň degişlidigi bellenildi. Maslahatda pudak düzümlerini döwrebaplaşdyrmagyň we ony köpugurly esasda ösdürmegiň barşynda öňdebaryjy tejribeleri, täzeçil usullary ulanmagyň, pudaklara kämil enjamlary ornaşdyrmagyň möhümdigi bellenildi. Häzirki döwürde ýurdumyzda aragatnaşygyň, tele hem-de radio merkezleriniň köpşahaly ulgamy, sanly görnüşi hereket edýär we maglumat serişdeleriniň terminaly işlenip taýýarlanylýar. Şeýle hem şu gün gurluşyk, energetika pudaklarynda we jemagat hojalygynda, şeýle hem welaýatlarda Aşgabat şäherinde, «Awaza» Milli syýahatçylyk zolagynda alnyp barylýan işleriň ýagdaýyna hem-de olaryň geljekki ugurlaryna bagyşlanan iş maslahaty geçirildi.