Berkarar döwletiň täze eýýamynyň Galkynyşy döwründe ykdysadyýetimiziň ähli pudaklarynda buýsandyryjy netijeler gazanylýar. Bitarap ýurdumyzyň her güni zähmet ýeňişleri bilen şöhratlanýar. Ata Watanymyzy mundan beýläk-de ösdürmek boýunça kabul edilen maksatnamalar üstünlikli amala aşyrylýar. Alnyp barylýan bu beýik işlere zähmetsöýer zenanlarymyz öz mynasyp goşantlaryny goşýarlar.

Eziz enelerimiz ýurdumyzyň jemgyýetçilik durmuşyna işjeň gatnaşyp, ogul-gyzlaryna, agtyk-çowluklaryna mynasyp edep-terbiýe bermekde, sowatly, giň gözýetimli, watançy, zähmetsöýer nesilleri kemala getirmekde, sagdyn durmuş kadalaryny ornaşdyrmakda bahasyna ýetip bolmajak işleri bitirýärler. Garaşsyz, Bitarap döwletimiziň alyp barýan içeri hem-de daşary syýasatyny wagyz etmekde we durmuşa geçirmekde hem zenanlarymyzyň bitirýän hyzmatlary uly hormata mynasypdyr.

Türkmenistanyň Garaşsyzlygyny, özygtyýarlylygyny we hemişelik Bitaraplyk hukuk ýagdaýyny berkitmäge, türkmen jemgyýetiniň hem-de her bir maşgalanyň agzybirligini, bitewüligini we ahlak sütünlerini pugtalandyrmaga, türkmen halkynyň ruhy başlangyçlarynyň we däpleriniň yzygiderliligini üpjün etmäge goşan uly şahsy goşantlary, medeniýeti ösdürmekde, bilim ulgamyny kämilleşdirmekde, ilata lukmançylyk hyzmatlaryny etmekde, ösüp gelýän ýaş nesli okatmakda, ýaşlary türkmen halkynyň milli gymmatlyklaryna, taryhy mirasyna, gadymy däp-dessurlaryna we adatlaryna hormat goýmak duýgusynda, watançylyk, zähmetsöýerlik, edermenlik we mertlik häsiýetlerinde terbiýelemekde bitiren hyzmatlaryny hem-de aýratyn önjeýli jemgyýetçilik işlerini nazara alyp, şeýle hem hemişelik Bitarap Türkmenistanyň beýik Garaşsyzlygynyň şanly 35 ýyllyk baýramy mynasybetli, karar edýärin:

Ýurdumyzyň şu raýatlaryny Türkmenistanyň «Zenan kalby» ordeni bilen sylaglamaly:

Türkmenistanyň Telewideniýe, radiogepleşikler we kinematografiýa baradaky döwlet komitetiniň «Miras» teleradioýaýlymynyň «Miras» radioýaýlymynyň tolkuna goýberiş bölüminiň jogapkär kätibi — topar ýolbaşçysy Nurjahan Durdyýewna Saparowany,

Türkmenistanyň Bilim ministrliginiň Arkadag şäherindäki 7-nji çagalar bakja-bagynyň şepagat uýasy Ogulkeýik Kakalyýewna Hojamýarowany,

Türkmenistanyň Bilim ministrliginiň Ahal welaýatynyň Altyn asyr etrabyndaky Resul Hojaberdiýew adyndaky 4-nji orta mekdebiniň müdiri Ogulşeker Aşyrowna Muhammedowany,

Türkmenistanyň Bilim ministrliginiň Balkan welaýatynyň Balkanabat şäherindäki Çagalar we ýetginjekler döredijilik öýüniň bezegçisi Amantäç Bagyýewany,

Daşoguz welaýatynyň Gubadag etrabynyň Bereketli geňeşliginiň Uşak obasynyň ýaşaýjysy, pensioner Aksoltan Muhammedowna Annaýewany,

Türkmenistanyň Bilim ministrliginiň Lebap welaýatynyň Çärjew etrabyndaky 10-njy orta mekdebiniň iňlis dili mugallymy Aknabat Gulmuradowna Amanowany,

Türkmenistanyň Bilim ministrliginiň Mary welaýatynyň Garagum etrabyndaky 4-nji orta mekdebiniň türkmen dili we edebiýaty mugallymy Nurygözel Sahatowna Muhammedowany.

Türkmenistanyň Prezidenti
Serdar BERDIMUHAMEDOW.

Aşgabat şäheri, 2026-njy ýylyň 23-nji sentýabry.