Ahal, Daşoguz, Lebap we Mary welaýatlarynyň dolandyryş-çäk bölünişiginiň üýtgemegi bilen bagly hem-de “Türkmenistanyň prokuraturasy hakynda” Türkmenistanyň Kanunynyň 14-nji maddasyna laýyklykda, Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Serdar Berdimuhamedow Karara gol çekdi. Resminama laýyklykda, Türkmenistanyň prokuratura edaralarynyň umumy işgär sanynyň çäklerinde:

Ahal welaýatynyň Altyn asyr etrabynyň prokuraturasy;

Daşoguz welaýatynyň Garaşsyzlyk we Gubadag etraplarynyň prokuraturalary;

Lebap welaýatynyň Döwletli, Farap we Garabekewül etraplarynyň prokuraturalary;

Mary welaýatynyň Oguzhan etrabynyň prokuraturasy döredildi.

***

“Türkmenistanyň prokuraturasy hakynda” Türkmenistanyň Kanunynyň 16-njy maddasyna laýyklykda, Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy Serdar Berdimuhamedowyň Karary bilen:

1-nji derejeli ýurist Eziz Bäşimdurdyýewiç Agaýew Türkmenistanyň Baş prokurorynyň orunbasary wezipesine bellenilip, ol Daşoguz welaýatynyň Köneürgenç etrabynyň prokurory wezipesinden boşadyldy;

ýustisiýanyň geňeşçisi Begenç Bäşimgulyýewiç Ýowşanow Ahal welaýatynyň prokurorynyň orunbasary wezipesine bellenilip, ol Balkan welaýatynyň Etrek etrabynyň prokurory wezipesinden boşadyldy;

ýustisiýanyň geňeşçisi Serdar Babajanowiç Çaryýew Daşoguz welaýatynyň prokurorynyň orunbasary wezipesine bellenilip, ol Balkan welaýatynyň prokurorynyň orunbasary wezipesinden boşadyldy.

ýustisiýanyň kiçi geňeşçisi Nurmuhammet Meretseýidowiç Saparlyýew Balkan welaýatynyň prokurorynyň orunbasary wezipesine;

2-nji derejeli ýurist Çynar Amangulyýewiç Imamgulyýew Aşgabat şäheriniň Köpetdag etrabynyň prokurory wezipesine;

2-nji derejeli ýurist Babanepes Kemal ogly Ballyýew Balkan welaýatynyň Etrek etrabynyň prokurory wezipesine;

2-nji derejeli ýurist Abahajy Jumadurdyýewiç Abaýew Daşoguz welaýatynyň Köneürgenç etrabynyň prokurory wezipesine bellenildi;

ygtyýarlyk möhletiniň tamamlanmagy sebäpli, ýustisiýanyň geňeşçisi Rahim Hekimowiç Ataýew Türkmenistanyň Baş prokurorynyň orunbasary wezipesinden boşadyldy.