Baş sahypa
\
Jemgyýet
\
Halk Maslahatynyň Başlygy ýurdumyzyň bitaraplyk hukugynyň ähmiýetini belledi
Jemgyýet
Halk Maslahatynyň Başlygy ýurdumyzyň bitaraplyk hukugynyň ähmiýetini belledi
Çap edildi 24.09.2024
1476

Gahryman Arkadagymyz Gurbanguly Berdimuhamedow Türkmenistanyň Halk Maslahatynyň Başlygy 2025-nji ýylda şanly senäni – Türkmenistanyň hemişelik Bitaraplygynyň 30 ýyllyk baýramyny halkara derejesinde giňden belläp geçiriljekdigini aýtdy.

«Bilşiňiz ýaly, Birleşen Milletler Guramasynyň Baş Assambleýasynyň 78-nji sessiýasynyň 63-nji plenar mejlisinde Türkmenistanyň başlangyjy bilen «2025-nji ýyl – Halkara parahatçylyk we ynanyşmak ýyly» diýlip yglan edildi» diýip, Halk Maslahatynyň Başlygy nygtady.

Şunuň bilen baglylykda, biz Garaşsyz döwletimiziň hemişelik Bitaraplygynyň 30 ýyllygynyň bellenýän Halkara parahatçylyk we ynanyşmak ýylynda dünýäde hyzmatdaşlygy hem-de özara düşünişmegi pugtalandyrmagy ählumumy wezipe hasaplanýandygyny bellenildi.

«Bitaraplyk biziň parahatçylygy we hyzmatdaşlygy ündeýän, halklary dost-doganlyga hem-de agzybirlige çagyrýan, ynsanperwerligi wagyz edýän işlerimizi dünýä ýaýýan taglymatdyr. Bu taglymat eziz Watanymyzyň beýik geljeginiň şanyna döredýän we gurýan merdana halkymyza täze üstünlikleri gazanmaga güýç-kuwwat berýär» diýip, türkmen halkynyň Milli Lideri aýratyn ünsi çekdi.

Geçen 30 ýylyň dowamynda Bitarap döwletimiz bu ugurda baý tejribe toplap, ylalaşygyň we dostlugyň merkezine öwrüldi. Gahryman Arkadagymyz ýurdumyz halkara bileleşiginiň jogapkär agzasy hökmünde bitaraplyk hukuk ýagdaýyna daýanyp, «Dialog – parahatçylygyň kepili» atly filosofiýa esasynda halkara gatnaşyklarynyň geljekde hem ösüşine mynasyp goşant goşar diýip, aýtdy.

Soňky habarlar
21.07
Türkmenistanyň Prezidenti iş maslahatyny geçirdi
21.07
TDHÇMB-nyň söwdalarynda geleşikleriň jemi bahasy ABŞ-nyň 69 million 190 müň dollaryndan gowrak boldy
20.07
Watanymyzy mundan beýläk-de ösdürmegiň we abadançylygyň bähbidine
18.07
Türkmenistanyň Ministrler Kabinetiniň mejlisi
18.07
M.B.Maşalow hakynda Türkmenistanyň Prezidentiniň PERMANY
18.07
Türkmenistanda alkogolyň zyýanly täsiriniň öňüni almak boýunça 2025–2028-nji ýyllar üçin Milli maksatnamasy tassyklanyldy
17.07
Ýaşlar — ösüşiň hereketlendiriji güýji
17.07
Gahryman Arkadagymyzyň Azerbaýjan Respublikasyna sapary tamamlandy
16.07
Durnukly ösüşiň bähbidine halkara hyzmatdaşlygy işjeňleşdirip
16.07
Türkmenistan — BMG: azyk howpsuzlygyny üpjün etmek ulgamynda bilelikdäki hereketler
top-arrow