Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Gadyrly doganym!

Siziň Alyhezretiňizi Gurban baýramy mynasybetli tüýs ýürekden gutlaýaryn. Agzybirligiň we jebisligiň nyşany bolan bu baýramyň ähli adamzada parahatçylyk, asudalyk getirmegini arzuw edýärin.

Beýik Biribardan Siziň Alyhezretiňize berk jan saglyk, bagtyýarlyk, Türkmenistanyň doganlyk halkyna bolsa rowaçlyk hem-de abadançylyk dileýärin.

Hormatlamak bilen,

Rejep Taýyp ÄRDOGAN,
Türkiýe Respublikasynyň Prezidenti.

***

Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Siziň Alyhezretiňizi hem-de Türkmenistanyň dostlukly halkyny mukaddes Gurban baýramy mynasybetli tüýs ýürekden gutlaýaryn. Bu mübärek baýram gününde Ýer ýüzündäki ähli musulmanlaryň agzybirliginiň, jebisliginiň, birek-birege hormat goýmagynyň pugtalanmagyny arzuw edýärin.

Beýik Allatagaladan Siziň Alyhezretiňize berk jan saglyk, üstünlik, Türkmenistanyň halkyna we ähli musulman ymmatyna bolsa bagtyýarlyk hem-de abadançylyk dileýärin.

Hormatlamak bilen,

Seýed Ebrahim RAISI,
Eýran Yslam Respublikasynyň Prezidenti.

***

Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Siziň Alyhezretiňiz!

Hindistanyň halkynyň adyndan we öz adymdan Sizi hem-de Türkmenistanyň dostlukly halkyny mukaddes Gurban baýramy mynasybetli tüýs ýürekden gutlaýaryn. Mukaddes Gurban baýramy Hindistanyň ähli künjeginde musulmanlaryň millionlarçasy tarapyndan bellenilýär. Bu baýram agzybirligi, rehimdarlygy, raýdaşlygy alamatlandyrýar.

Size belent hormat goýýandygym baradaky ynandyrmalarymy kabul etmegiňizi haýyş edýärin.

Narendra MODI,
Hindistan Respublikasynyň Premýer-ministri.

***

Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA

Mukaddes Gurban baýramy mynasybetli Size we Siziň maşgalaňyza, şeýle hem Türkmenistanyň halkyna, Hökümetine mähirli arzuwlarymy beýan edýärin.

Gudraty Güýçli Allatagaladan biziň ählimize rehmet we bereket eçilmegini dileýärin.

Iň gowy arzuwlar bilen,

Husraw NOZIRI,
Ykdysady Hyzmatdaşlyk Guramasynyň Baş sekretary.