Baş sahypa
\
Sport
\
Aşgabatda geçirilýän tennis boýunça Merkezi Aziýa ýurtlarynyň sebitleýin ýaryşy deslapky tapgyra gadam basdy
Sport
Aşgabatda geçirilýän tennis boýunça Merkezi Aziýa ýurtlarynyň sebitleýin ýaryşy deslapky tapgyra gadam basdy
Çap edildi 07.06.2023
2528

Şu gün Aşgabat şäherinde 12 ýaşly we şondan kiçi ýetginjek oglan-gyzlaryň arasynda tennis boýunça Merkezi Aziýa ýurtlarynyň sebitleýin ýaryşynyň üçünji gününiň oýunlary geçirildi.

Bu günde Türkmenistanyň ýygyndy topary sport ýaryşynyň geçen ýyl Daşkent şäherinde geçirilen oýunlarynyň ýeňijisi Gazagystanyň topary bilen duşuşdy. Olimpiýa şäherjiginiň tennis toplumyndaky meýdançada iki topar hem çekeleşikli bäsleşdiler.

Ýadymyzda bolsa, paýtagtymyzda geçirilýän sport ýaryşynyň açylyş gününde Gazagystanyň ýygyndysy owganystanly garşydaşlaryny 3:0 hasabynda ýeňillik bilen üstün çykdylar. Sport ýaryşynyň ikinji gününde hem gazagystanly ýaş tennisçiler şu hasap bilen Täjigistandan gelen oglanlar we gyzlar ýygyndylaryny ýeňmegi başardylar.

Gazagystanyň ýygyndysyna garşy geçirilen oýunlar ildeşlerimiz üçin turuwbaşdan ýeňil bolmady. Muňa garamazdan, ýaş tennisçi oglan gyzlarymyz gazagystanly ýaş sport ussatlaryna garşy mynasyp oýun görkezmegi başardylar. Türkmenabat şäherindäki tennis sport mekdebiniň ýaş türgeni Aly Geldiýew gazagystanly Arnur Tursunhanowa garşy geçiren duşuşygynda soňuna çenli göreşdi we oýnuň her aýlawynda bir utuk gazanmagy başardy. Muňa garamazdan ildeşimiziň gazanan utuklary ýeňiş üçin ýeterlik bolmady: 1:6, 1:6.

Sport ýaryşyna gatnaşýan gyzlar ýygyndymyzyň wekili Aýlar Kakabaýewanyň garşydaşy Ýasmin Dussembaýewa garşy görkezen garşylyklary hem ýeňşe ýetmäge mümkinçilik bermedi: 1:6, 2:6.

Şu günki geçirilen ýekeleýin we toparlaýyn duşuşyklarda Gazagystanyň oglanlar we gyzlar toparlary sport ýaryşynda ýeňiji bolmak üçin uly ädim ätdiler. Ýeňiji bolmak üçin olar Gyrgyzystanyň we Özbegistanyň toparlary bilen duşuşyklary geçirerler. Özbegistanyň ýygyndysy 8-nji iýunda ýer eýeleri – ýurdumyzyň ýygyndy topary bilen duşuşyklary geçirerler.

Ertirki oýunlaryň geçiş tertibine laýyklykda, Gazagystan Gyrgyzystan bilen, Täjigistan hem Owganystan bilen duşuşyklary geçirer.

12 ýaşly we şondan kiçi ýetginjek oglan-gyzlaryň arasynda tennis boýunça Merkezi Aziýa ýurtlarynyň sebitleýin ýaryşy 9-njy iýunda tamamlanar.

Soňky habarlar
18.07
Hormatly Prezidentimiziň adyna gelen hat
18.07
Türkmen halkynyň Milli Lideriniň adyna gelen hat
18.07
Türkmenistanyň taryhy-medeni gymmatlyklary — adamzadyň mirasy
17.07
Türkmenistanyň Prezidenti ÝUNISEF-NIŇ ýurdumyzdaky täze wekilini kabul etdi
17.07
Türkmenistanyň Prezidenti Gazagystan Respublikasynyň Adatdan daşary we Doly ygtyýarly ilçisini kabul etdi
17.07
Hormatly Prezidentimiziň adyna gelen hatlar
17.07
Ýer böleklerini eýeçilige, peýdalanmaga we kärendä bermek boýunça namalary resmileşdirmegiň, hasaba almagyň we bermegiň Tertibi tassyklanyldy
16.07
Ekologik talaplar — milli ýangyç-energetika toplumyndaky özgertmeleri kesgitleýän möhüm görkeziji
16.07
Hormatly Prezidentimiziň adyna gelen hatlar
15.07
Hünärmenleri taýýarlamak — döwletiň intellektual kuwwatyny artdyrmagyň möhüm şerti
top-arrow