Baş sahypa
\
Jemgyýet
\
Dalaşgärleriň halk maslahatlarynyň agzalary bilen duşuşyklary başlandy
Jemgyýet
Dalaşgärleriň halk maslahatlarynyň agzalary bilen duşuşyklary başlandy
Çap edildi 10.03.2021
4737

Şu ýylyň 28-nji martynda geçiriljek Türkmenistanyň Milli Geňeşiniň Halk Maslahatynyň agzalarynyň saýlawlaryna taýýarlyk görmek we ony geçirmek boýunça işler meýilnama laýyklykda dowam edýär. Milli Geňeşiň Halk Maslahatyna agzalyga bellige alnan dalaşgärler saýlawçylar — welaýatlaryň, Aşgabat şäheriniň halk maslahatlarynyň agzalary bilen duşuşyk ýygnaklaryna başladylar.

Milli Liderimiz Gurbanguly Berdimuhamedowyň parlamentiň wekilleri bilen geçiren duşuşygynda belleýşi ýaly, öňde duran saýlawlar syýasy ulgamy kämilleşdirmek, ýurdumyzyň döwlet we jemgyýetçilik durmuşyny demokratiýalaşdyrmak wezipelerinden ugur alnyp, ýokary derejede, aç-açanlyk we aýdyňlyk ýagdaýynda geçirilmelidir.

Şu maksat bilen ähli dalaşgärlere öz maksatnamalaryny halk maslahatlarynyň agzalaryna wagyz etmekde deň şertleriň döredilýändigini bellemek gerek. Türkmenistanyň Milli Geňeşiniň Halk Maslahatynyň agzalygyna dalaşgärleriň maglumatlary metbugatda çap edildi, şeýle hem saýlawlar baradaky maglumatlar, habarlar Merkezi saýlaw toparynyň saýtynda yzygiderli ýerleşdirilýär.

Ahal, Balkan welaýatlarynda hem-de Aşgabat şäherinde geçirilen duşuşyklarda saýlawçylar dalaşgärleriň ynanylan adamlarynyň çykyşlary arkaly olaryň terjimehaly bilen giňden tanyşdyryldy. Duşuşygyň dowamynda dalaşgärler öz maksatnamalary bilen giňişleýin tanyşdyrýarlar.

Dalaşgärler saýlawçylaryň bildiren ynamyny ödemek üçin yhlas etjekdiklerine, hormatly Prezidentimiz Gurbanguly Berdimuhamedowyň ýurdumyzy durmuş-ykdysady, medeni taýdan ösdürmek barada öňde goýan wezipelerini ýerine ýetirmekde gujur-gaýrat bilen zähmet çekjekdiklerine ynandyryp, sowallara jogap berdiler.

Duşuşyklara gatnaşyjylar milli parlamentiň hil taýdan täze, iki palataly düzüminiň döredilmeginiň Garaşsyz Türkmenistanyň syýasy ösüşiniň hukuk esaslaryny pugtalandyrmak, döwlet häkimiýet edaralarynyň işiniň netijeliligini ýokarlandyrmak üçin amatly şertleri döretjekdigini bellediler.

Soňky habarlar
27.03
Türkmenistanyň Prezidenti Ykdysady Hyzmatdaşlyk Guramasynyň Baş sekretaryny kabul etdi
27.03
Türkmenistanyň Prezidenti BMG-niň Bütindünýä Syýahatçylyk Guramasynyň Baş sekretaryny kabul etdi
27.03
Türkmenistanyň Prezidenti Halkara we Aziýanyň tennis federasiýalarynyň ýolbaşçylaryny kabul etdi
27.03
Türkmenistanyň Prezidenti Türki Döwletleriň Guramasynyň Baş sekretaryny kabul etdi
27.03
Türkmen halkynyň Milli Lideri, Türkmenistanyň Halk Maslahatynyň Başlygy Änew şäherindäki täze metjidiň açylyşyna gatnaşdy
27.03
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Änew şäherindäki täze metjidiň açylyşy mynasybetli çykyşy
27.03
Türkmen halkynyň Milli Lideri, Türkmenistanyň Halk Maslahatynyň Başlygynyň Koreýa Respublikasynyň işewür toparlarynyň wekilleri bilen duşuşygy
27.03
Türkmenistanda Wenesuela Boliwarian Respublikasynyň Adatdan daşary we Doly ygtyýarly ilçisi işe başlady
27.03
Daşoguzly ekerançylar gowaça ekişine girişdiler
27.03
Gadymy Änew medeniýeti — adamzadyň gymmatly mirasy
top-arrow