Baş sahypa
\
Jemgyýet
\
Türkmenistan Täze ýyly garşylaýar – ýurdumyzyň Baş arçasy ýaş myhmanlary garşylaýar
Jemgyýet
Türkmenistan Täze ýyly garşylaýar – ýurdumyzyň Baş arçasy ýaş myhmanlary garşylaýar
Çap edildi 29.12.2020
4179

Şu gün Mejlisiň başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, maliýe-bank ulgamynyň, obasenagat toplumynyň, şeýle hem milli parlamentiň komitetleriniň ýolbaşçylary çagalary hem-de agtyklary bilen bilelikde “Älem” medeni-dynç alyş merkeziniň öňündäki meýdançada oturdylan ýurdumyzyň Baş arçasyna bardylar. Däp boýunça myhmanlary Täze ýyl baýramynyň baş gahrymanlary — Aýazbaba hem-de onuň agtygy Garpamyk garşylap, olary ertekiler şäherjigine gezelenç etmäge çagyrdylar. “Älem” medeni-dynç alyş merkeziniň öňündäki meýdança her ýyl öz açylan wagtyndan bäri “gyşky ertekiler” üçin esasy ýere öwrülýär. Bu ýerde ýagty bezeg serişdeleri hem-de öwüşgin atýan oýnawaçlar bilen bezelen belent arçanyň töwereginde ertekiler dünýäsi ýaýbaňlandyrylyp, oňa syýahat etseň, ýatdan çykmajak täsirleri bagyşlaýar. Çagalardan başga ulular hem Täze ýyl baýramçylygynyň jadylaýjy täsirini başdan geçirmäge höwes bilen taýýar. Bu baýramçylyk sowgatlardan doly. Täze ýyl şäherjiginde şeýle hem dürli ýadygärlik önümleriniň söwdasy guraldy. Şol önümleri, hasaplaşyk üçin milli bank kartlaryny ulanyp satyn almak mümkin. Sowgat almak we gowşurmak tüýs ýürekden amala aşyrylanda, birmeňzeş şatlykdyr. Ýurdumyzyň Baş arçasynyň häzirki ýaşajyk myhmanlary ýakyn hossarlaryndan ýadygärlik sowgatlary almak bilen birlikde, Täze, 2021-nji ýyly garşylamagyň ýatdan çykmajak täsirlerini hem aldylar. Çagalar jogap hökmünde dürli dillerde goşgulary okadylar. Bu köpöwüşginli şahyrana çykyşlar hormatly Prezidentimiz Gurbanguly Berdimuhamedowyň başlangyjy boýunça BMG tarapyndan «Halkara parahatçylyk we ynanyşmak ýyly» diýlip yglan edilen öňümizdäki ýyla ajaýyp waspnama öwrüldi.

Soňky habarlar
27.03
Türkmenistanyň Prezidenti Ykdysady Hyzmatdaşlyk Guramasynyň Baş sekretaryny kabul etdi
27.03
Türkmenistanyň Prezidenti BMG-niň Bütindünýä Syýahatçylyk Guramasynyň Baş sekretaryny kabul etdi
27.03
Türkmenistanyň Prezidenti Halkara we Aziýanyň tennis federasiýalarynyň ýolbaşçylaryny kabul etdi
27.03
Türkmenistanyň Prezidenti Türki Döwletleriň Guramasynyň Baş sekretaryny kabul etdi
27.03
Türkmen halkynyň Milli Lideri, Türkmenistanyň Halk Maslahatynyň Başlygy Änew şäherindäki täze metjidiň açylyşyna gatnaşdy
27.03
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Änew şäherindäki täze metjidiň açylyşy mynasybetli çykyşy
27.03
Türkmen halkynyň Milli Lideri, Türkmenistanyň Halk Maslahatynyň Başlygynyň Koreýa Respublikasynyň işewür toparlarynyň wekilleri bilen duşuşygy
27.03
Türkmenistanda Wenesuela Boliwarian Respublikasynyň Adatdan daşary we Doly ygtyýarly ilçisi işe başlady
27.03
Daşoguzly ekerançylar gowaça ekişine girişdiler
27.03
Gadymy Änew medeniýeti — adamzadyň gymmatly mirasy
top-arrow