«Türkmenistanyň prokuraturasy hakyndaky» Türkmenistanyň Kanunynyň 16-njy maddasyna laýyklykda, Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly Berdimuhamedow Karara gol çekdi. Resminama bilen, 2-nji derejeli ýurist Didar Suhanberdiýewiç Orazow Ahal welaýatynyň prokurorynyň orunbasary wezipesine bellenip, Ahal welaýatynyň Ak bugdaý etrabynyň prokurory wezipesinden boşadyldy; 1-nji derejeli ýurist Tirkeş Çarymyradowiç Mämmedow Mary welaýatynyň prokurorynyň orunbasary wezipesine bellenip, Mary welaýatynyň Mary etrabynyň prokurory wezipesinden boşadyldy; 1-nji derejeli ýurist Myratasyl Myratgeldiýewiç Myratgeldiýew Lebap welaýatynyň prokurorynyň orunbasary wezipesine bellenildi; 2-nji derejeli ýurist Gurbanguly Azadyýewiç Naýýaýew Ahal welaýatynyň Ak bugdaý etrabynyň prokurory wezipesine bellenildi; 2-nji derejeli ýurist Didar Babajanowiç Durdyýew Ahal welaýatynyň Kaka etrabynyň prokurory wezipesine bellenildi; 1-nji derejeli ýurist Magtymguly Bäşsähedowiç Çerreýew Daşoguz welaýatynyň Gubadag etrabynyň prokurory wezipesine bellenildi; 2-nji derejeli ýurist Şükür Baýramdurdyýewiç Annalyýew Mary welaýatynyň Mary etrabynyň prokurory wezipesine bellenildi; ygtyýarlyk möhletiniň tamamlanandygy sebäpli, ýustisiýanyň geňeşçisi Döwletgeldi Gurbanmämmedowiç Mämmetamanow Ahal welaýatynyň Kaka etrabynyň prokurory wezipesinden boşadyldy; ygtyýarlyk möhletiniň tamamlanandygy sebäpli, ýustisiýanyň kiçi geňeşçisi Şamyrat Daňatarowiç Meretnyýazow Daşoguz welaýatynyň Gubadag etrabynyň prokurory wezipesinden boşadyldy.

* * * Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly Berdimuhamedow Buýruga gol çekdi. Resminama laýyklykda, wezipe borçlaryny talabalaýyk ýerine ýetirmän, işde goýberen kemçilikleri üçin, Türkmenistanyň Ministrler Kabinetiniň Başlygynyň orunbasary, Türkmenistanyň Döwlet howpsuzlyk geňeşiniň sekretary Amanow Çarymyrat Kakalyýewiçe käýinç yglan edildi. * * * Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly Berdimuhamedow Buýruga gol çekdi. Resminama laýyklykda, wezipe borçlaryny talabalaýyk ýerine ýetirmän, garamagyndaky şahsy düzümiň arasynda düzgün-nyzamyň berjaý edilmegine gözegçiligi gowşadandygy üçin, Türkmenistanyň Döwlet serhet gullugynyň başlygy — Serhet goşunlarynyň serkerdebaşysy Durdyýew Şadurdy Amanmuhammedowiçe berk käýinç yglan edildi.