Baş sahypa
\
Sport
\
«Altyn asyr» topary — futbol boýunça Türkmenistanyň naýbaşy kubogynyň alty gezek eýesi
Sport
«Altyn asyr» topary — futbol boýunça Türkmenistanyň naýbaşy kubogynyň alty gezek eýesi
Çap edildi 29.09.2020
24699

Şu gün paýtagtymyzyň köpugurly «Aşgabat» stadionynda futbol boýunça Türkmenistanyň 2020-nji ýylda Naýbaşy kubogyny almak ugrunda Aşgabadyň «Altyn asyr» toparynyň we “Ahal” toparynyň arasynda bäsleşik geçirildi. Duşuşygyň 68-nji minudynda «Ahalyň» ýarym goragçysy Gurban Annaýew hasaby açdy. Emma, birnäçe minutdan soňra, «Altyn asyryň» futbolçylary hasaby deňlediler, bu hasap oýun tamamlanýança üýtgemedi. Goşmaça wagtda hem hasap üýtgemedi we eminler topary 1:1 deňme-deň hasapdan soň, 11 metrlik urgulary geçirmegi karar etdiler. 11 metrlik urgulary ýerine ýetirmekde iki toparyň futbolçylary hem ýokary ussatlyk görkezdiler, emma «Ahal» toparynyň goragçysy Serdar Annaorazowyň ýalňyşy bu toparyň bäsdeşine ýeňiş getirdi. Paýtagtymyzyň «Altyn asyr» topary on bir metrlik urgularyň jemleri boýunça 5:4 hasabynda ýeňiş gazanyp, futbol boýunça Türkmenistanyň Naýbaşy kubogyna altynjy gezek mynasyp boldy. Bu toparyň futbolçylary bu hormatly sport baýragyny 2015-nji ýyldan bäri yzygiderli eýeläp gelýärler. Milli futbol federasiýasy tarapyndan döredilen Türkmenistanyň Naýbaşy kubogy ugrunda bäsleşikler ýurdumyzyň çempionynyň hem-de Kubogyň eýesi bolan toparyň arasynda geçirilýär. Geçen ýylda «Altyn asyr» topary çempion hem-de Türkmenistanyň Kubogynyň eýesi bolupdy. Şol sebäpli hem bu gezek Naýbaşy kubok ugrundaky bäsleşigi ýurdumyzyň çempionynyň hem-de milli birinjilikde ikinji orny eýelän toparyň arasynda geçirmeli boldy.

Soňky habarlar
27.03
Türkmenistanyň Prezidenti Ykdysady Hyzmatdaşlyk Guramasynyň Baş sekretaryny kabul etdi
27.03
Türkmenistanyň Prezidenti BMG-niň Bütindünýä Syýahatçylyk Guramasynyň Baş sekretaryny kabul etdi
27.03
Türkmenistanyň Prezidenti Halkara we Aziýanyň tennis federasiýalarynyň ýolbaşçylaryny kabul etdi
27.03
Türkmenistanyň Prezidenti Türki Döwletleriň Guramasynyň Baş sekretaryny kabul etdi
27.03
Türkmen halkynyň Milli Lideri, Türkmenistanyň Halk Maslahatynyň Başlygy Änew şäherindäki täze metjidiň açylyşyna gatnaşdy
27.03
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Änew şäherindäki täze metjidiň açylyşy mynasybetli çykyşy
27.03
Türkmen halkynyň Milli Lideri, Türkmenistanyň Halk Maslahatynyň Başlygynyň Koreýa Respublikasynyň işewür toparlarynyň wekilleri bilen duşuşygy
27.03
Türkmenistanda Wenesuela Boliwarian Respublikasynyň Adatdan daşary we Doly ygtyýarly ilçisi işe başlady
27.03
Daşoguzly ekerançylar gowaça ekişine girişdiler
27.03
Gadymy Änew medeniýeti — adamzadyň gymmatly mirasy
top-arrow