«Türkmenistanyň prokuraturasy hakyndaky» Türkmenistanyň Kanunynyň 16-njy maddasyna laýyklykda, karar edýärin: 1-nji derejeli ýurist Kakajan Kanalowiç Amanmyradowy Balkan welaýatynyň prokurory wezipesine belläp, ony Lebap welaýatynyň prokurorynyň orunbasary wezipesinden boşatmaly; ýustisiýanyň geňeşçisi Oraz Döwletgeldiýewiç Rozyýewi Balkan welaýatynyň prokurory wezipesinden boşatmaly; ýustisiýanyň kiçi geňeşçisi Rahim Hekimowiç Ataýewi, başga işe geçmegi sebäpli, Mary welaýatynyň prokurory wezipesinden boşatmaly; ýustisiýanyň kiçi geňeşçisi Allanazar Ataýewiç Nyýazlyýewi Mary welaýatynyň prokurory wezipesine belläp, ony Daşoguz welaýatynyň prokurorynyň orunbasary wezipesinden boşatmaly. Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Gurbanguly BERDIMUHAMEDOW. Aşgabat şäheri, 2020-nji ýylyň 12-nji awgusty.