Onuň Alyhezreti, Türkmenistanyň Prezidenti jenap Gurbanguly BERDIMUHAMEDOWA Hormatly jenap Prezident! Sizi Türkmenistana Bütindünýä söwda guramasynda synçy derejesiniň berilmegi bilen tüýs ýürekden gutlaýaryn. Bu baradaky çözgüt onuň agzalary tarapyndan 2020-nji ýylyň 22-nji iýulynda Bütindünýä söwda guramasynyň Baş geňeşiniň mejlisinde kabul edildi. Bu gazanylan üstünlik Siziň 2013-nji ýylyň ýanwarynda Bütindünýä söwda guramasy bilen resmi gatnaşyklary ýola goýmak maksady bilen başlan işiňiziň netijesidir. Synçy derejesiniň Türkmenistana köptaraply söwda ulgamyna hem-de dünýä ykdysadyýetine goşulyşmak üçin täze mümkinçilikleri açjakdygyna ynanýaryn. Bütindünýä söwda guramasynyň Sekretariaty Türkmenistana özüniň synçy hökmündäki wezipesini amala aşyrmaga hem-de agzalyk baradaky gepleşiklere taýýarlyk görmäge ýardam bermäge taýýardyr. Jenap Prezident, Size çuňňur hormat goýýandygym baradaky ynandyrmalarymy kabul etmegiňizi haýyş edýärin. Roberto AZEWEDO, Bütindünýä söwda guramasynyň Baş direktory.