Kakageldi Atajanowiç Saryýewi Mary welaýatynyň Mary şäheriniň häkimi wezipesinden boşatmaly.
Artyk Çaryýewiç Bäşimowy Mary welaýatynyň Mary şäheriniň häkimi wezipesine belläp, ony Mary welaýatynyň Mary şäheriniň häkiminiň orunbasary wezipesinden boşatmaly.
Muhammetdurdy Rahmatullaýewiç Mämiýewi Mary welaýatynyň Ýolöten etrabynyň häkimi wezipesinden boşatmaly.
Şagylyç Şagulyýewiç Berdiýewi Mary welaýatynyň Ýolöten etrabynyň häkimi wezipesine belläp, ony Mary welaýatynyň häkiminiň orunbasary wezipesinden boşatmaly.
Maksat Kakabaýewiç Amanmyradowy Mary welaýatynyň Mary etrabynyň häkimi wezipesinden boşatmaly.
Maksatmyrat Agamyradowiç Saparmyradowy Mary welaýatynyň Mary etrabynyň häkimi wezipesine belläp, ony Mary welaýatynyň Murgap etrabynyň häkiminiň orunbasary wezipesinden boşatmaly.
Sizi Berkarar döwletiň täze eýýamynyň Galkynyşy döwrüniň Halkara parahatçylyk we ynanyşmak ýylynyň jemleri boýunça durmuş, ykdysady we medeni taýdan ähli görkezijiler babatda Daşoguz welaýatynyň Köneürgenç etrabynyň iň ýokary netijeleri gazanyp, bäsleşikde ýeňiji diýlip yglan edilmegi hem-de etrabyň häkimliginiň 1 million amerikan dollary möçberinde pul baýragy bilen sylaglanylmagy mynasybetli tüýs ýürekden gutlaýaryn.
«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda», “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasynda” bellenen wezipeleri üstünlikli durmuşa geçirmek, “Garaşsyz, baky Bitarap Türkmenistan — bedew batly at-myradyň mekany” ýyly diýlip atlandyrylan 2026-njy ýylda ýurdumyzyň durmuş-ykdysady ösüşini üpjün etmek we sebitleriň depginli ösmegini gazanmak, işjeň maýa goýum syýasatyny alyp barmak, önümçilik we durmuş maksatly desgalaryň gurluşyklaryna maýa goýumlaryň möçberini artdyrmak, Watanymyzyň ykdysady kuwwatyny pugtalandyrmak, senagat kärhanalarynyň önümçilik kuwwatyny doly güýjünde peýdalanmak, eksport ugurly we importyň ornuny tutýan önümleri öndürýän önümçilikleri höweslendirmek, döwrebap sanly tehnologiýalary, “ýaşyl” ykdysadyýeti ornaşdyrmagy dowam etdirmek, kiçi we orta telekeçiligi giňden goldamak, sebitlerde täze iş orunlaryny döretmek, raýatlaryň ýaşaýyş-durmuş derejesini has-da ýokarlandyrmak maksady bilen, Türkmenistanyň Prezidenti Karara gol çekdi. Resminama laýyklykda, “Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasy” tassyklanyldy.
«Garaşsyz, baky Bitarap Türkmenistan — bedew batly at-myradyň mekany» ýylynda ata Watanymyz parahatçylyk söýüjilik, hoşniýetli goňşuçylyk, sebitleýin we ählumumy derejede deňhukukly hyzmatdaşlyk ýörelgelerine esaslanýan daşary syýasy ugruna üýtgewsiz ygrarlydygyny iş ýüzünde tassyklaýar. Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli durmuşa geçirilýän öňdengörüjilikli strategiýa eýerýän Türkmenistan gyzyklanma bildirýän ähli daşary ýurtly hyzmatdaşlar bilen netijeli gatnaşyklary mundan beýläk-de ösdürmegi maksat edinýär. Ýurdumyzyň sebit we dünýä giňişliginde işjeň alyp barýan netijeli işleriniň logiki dowamy hem hut şu hakykatda öz beýanyny tapýar.
Şu günler Berkarar döwletiň täze eýýamynyň Galkynyşy döwründe ösüş we döredijilik ýoly bilen ynamly öňe barýan Watanymyzda açyklyk esasynda, ýurdumyzyň raýatlarynyň işjeň gatnaşmaklarynda 29-njy martda geçiriljek saýlawlar boýunça saýlaw möwsüminiň möhüm tapgyrlarynyň biri bolan dalaşgärleri hödürlemek işleri dowam edýär.
