Siziň Alyhezretiňiz, Polşa Respublikasy bilen Türkmenistanyň arasynda diplomatik gatnaşyklaryň ýola goýulmagynyň 25 ýyllygy mynasybetli polýak halkynyň adyndan hem-de hut öz adymdan Size tüýs ýürekden gutlaglarymy ýollaýaryn. Polşa Respublikasy Türkmenistanyň türkmen döwletiniň howpsuzlygynyň, garaşsyzlygynyň hem-de ykbalyny özbaşdak çözmäge hukugynyň pugtalandyrylmagyna gönükdirilen syýasatyna hormat bilen garaýar. Türkmenistanyň durnukly ösmeginiň ýurduň rowaçlygyna hem-de onuň halkynyň abadançylygyna ýardam berjekdigine berk ynanýaryn. Jenap Prezident, Polşanyň Türkmenistan bilen gatnaşyklary işjeňleşdirmäge gyzyklanma bildirýändigine Sizi ynandyrmak isleýärin, munuň özi ýurtlarymyzyň arasynda, hususan-da, ykdysady, medeni hem-de howpsuzlygy pugtalandyrmak ulgamynda hyzmatdaşlygyň ähli mümkinçiliklerini herekete getirmäge ýardam eder. Jenap Prezident, Türkmenistanyň, onuň ähli raýatlarynyň hem-de hut Siziň abadançylygy baradaky iň gowy arzuwlarymy kabul ediň.