Baş sahypa
\
Syýasy habarlar
\
Türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyz «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy­na gat­naş­dy
Syýasy habarlar
Türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyz «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy­na gat­naş­dy
Çap edildi 09.10.2026
2778

Şu gün türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyzyň gat­naş­ma­gyn­da «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy bol­dy.

Hal­ky­my­zyň sag­ly­gy ba­ra­da­ky ala­da Gahryman Arkadagymyzyň bin­ýa­dy­ny go­ýan we hä­zir­ki wagt­da hor­mat­ly Prezidentimiziň pa­ra­sat­ly baş­tu­tan­ly­gyn­da al­nyp ba­ryl­ýan dur­muş ugur­ly döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri bo­lup dur­ýar. Ýur­du­myz­da ila­tyň sag­ly­gy­ny go­ra­mak we ber­kit­mek, jem­gy­ýe­ti­miz­de sag­dyn dur­muş ýö­rel­ge­le­ri­ni ber­ka­rar et­mek hä­zir­ki döw­rüň mö­hüm we­zi­pe­le­ri­niň ha­ta­ryn­da kes­git­le­nil­di. Şun­da şy­pa­ha­na dü­züm­le­ri­ne mö­hüm orun de­giş­li­dir. Şu­nuň bi­len bag­ly­lyk­da, ýur­du­my­zyň paý­tag­tyn­da hem-de we­la­ýat­la­ryn­da luk­man­çy­lyk, şy­pa­ha­na-dynç alyş, sy­ýa­hat­çy­lyk ug­ru­na de­giş­li tä­ze des­ga­lar gur­lup ulan­ma­ga be­ril­ýär. Hä­zir­ki za­man şy­pa­ha­na­la­ry­nyň en­jam­laş­dy­ry­ly­şy we olar­da hö­dür­len­ýän hyz­mat­lar ýo­ka­ry hal­ka­ra öl­çeg­le­re do­ly la­ýyk gel­ýär. Bu ugur­da «Arç­man» şy­pa­ha­na­sy ýur­du­my­zyň esa­sy be­je­riş mer­kez­le­ri­niň bi­ri­dir. Şy­pa­ha­na­da ýo­la goý­lan hyz­mat­lar, onuň be­je­riş su­wu­nyň de­re­je­si bu ýer­de sag­ly­gy­ny ber­kid­ýän­le­re özü­niň oňyn tä­si­ri­ni ýe­tir­ýär. Şeý­le­lik­de, ýo­ka­ry de­re­je­li dynç al­mak, sag­ly­gy­ny ber­kit­mek üçin bu ýe­re gel­ýän­le­riň sa­ny yzy­gi­der­li art­ýar. Mu­nuň özi şy­pa­ha­na­da ila­ta hö­dür­le­nil­ýän hyz­mat­la­ryň ýo­ka­ry hal­ka­ra gör­ke­zi­ji­le­re we sag­ly­gy go­ra­ýyş ul­ga­my­nyň hä­zir­ki za­man ta­lap­la­ry­na do­ly la­ýyk gel­ýän­di­gi­niň aý­dyň gü­wä­si­dir.

Mä­lim bol­şy ýa­ly, «Arç­man» şy­pa­ha­na­syn­da gö­nü­den-gö­ni Gahryman Arkadagymyzyň ta­gal­la­sy bi­len giň ge­rim­li iş­le­re ba­dal­ga be­ril­di. 2009-njy ýyl­da bu ýer­de 400 orun­lyk tä­ze bi­na gu­rul­dy. Şy­pa­ha­na 7 ki­lo­metr uzak­lyk­dan agyz su­wy çe­kil­di we giň ge­rim­li aba­dan­laş­dy­ryş iş­le­ri ýaý­baň­lan­dy­ryl­dy. Mun­dan baş­ga-da, şy­pa­ha­na­nyň çäk­le­rin­de Sag­lyk ýo­ly çe­kil­di. Bu bol­sa şy­pa­ha­na­nyň mel­hem su­wy arkaly be­je­ri­şiň spor­tuň dür­li gör­nüş­le­ri bi­len ut­gaş­dy­ryl­ma­gy­ny üp­jün ed­ýär.

Ra­ýat­la­ra hö­dür­le­nil­ýän hyz­mat­la­ry has-da kä­mil­leş­dir­mek mak­sa­dy bi­len, şy­pa­ha­na­nyň bi­na­la­ry­ny döw­re­bap­laş­dyr­mak we tä­ze bi­na­la­ry gur­mak bo­ýun­ça de­giş­li iş­ler dur­mu­şa ge­çi­ril­di. Şu ýy­lyň aw­gust aýyn­da hor­mat­ly Prezidentimiz Serdar Berdimuhamedow «Arç­man» şy­pa­ha­na­syn­da bo­lup, bu ýer­de goş­ma­ça tä­ze be­je­riş mer­ke­zi­niň bi­na­lar top­lu­my­ny gur­mak hem-de kä­bir bi­na­la­ry has-da döw­re­bap­laş­dyr­mak bo­ýun­ça al­nyp ba­ryl­ýan iş­ler bi­len ta­nyş­dy. Bu ýer­de mi­ne­ral suw içil­ýän bi­na­nyň, ça­ga­lar üçin oýun otag­la­ry­nyň, dür­li maşk­la­ry ýe­ri­ne ýe­tir­mä­ge ni­ýet­le­nen tür­gen­le­şik za­ly­nyň, şy­pa­ly suw bi­len be­je­riş bi­na­sy­nyň gur­lu­şyk iş­le­ri ýe­ri­ne ýe­ti­ril­di. Mu­nuň özi şy­pa­ha­na­nyň hyz­mat­la­ry­nyň we müm­kin­çi­lik­le­ri­niň dün­ýä stan­dart­la­ry­na la­ýyk gel­me­gi ug­run­da döw­let de­re­je­sin­de ala­da edil­ýän­di­gi­niň aý­dyň gü­wä­si­dir.

...Ir bi­len Gahryman Arkadagymyz «Arç­man» şy­pa­ha­na­sy­nyň tä­ze açyl­ýan 400 orun­lyk be­je­riş mer­ke­zi­niň öňün­dä­ki meý­dan­ça gel­di. Hem­me­ler Milli Liderimizi uly ru­hu­be­lent­lik bi­len gar­şy­la­dy­lar. Bu ýer­de aý­dym-saz­ly çy­kyş­lar ýaý­baň­lan­dy­ryl­dy.

Soň­ra Gahryman Arkadagymyz ýö­ri­te taý­ýar­la­ny­lan mün­be­re bar­dy.

Türk­men hal­ky­nyň Milli Lideri hem­me­le­ri mä­hir­li mü­bä­rek­läp, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de, «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýy­lyn­da ýe­ne-de bir şat­lyk­ly wa­ka­nyň şa­ýa­dy bol­ýan­dy­gy­my­zy, Sag­ly­gy go­ra­ýyş we der­man se­na­ga­ty iş­gär­le­ri­niň gü­ni my­na­sy­bet­li Ahal we­la­ýa­ty­nyň Bä­her­den et­ra­byn­da­ky «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy­nyň ge­çi­ril­ýän­di­gi­ni aýt­dy hem-de da­ba­ra gat­na­şy­jy­la­ry we ýur­du­my­zyň sag­ly­gy go­ra­ýyş ul­ga­my­nyň äh­li iş­gär­le­ri­ni hü­när baý­ra­my, hal­ky­my­za hyz­mat et­jek bu döw­re­bap şy­pa­ha­na­nyň tä­ze bi­na­lar top­lu­my­nyň ulan­ma­ga be­ril­me­gi bi­len tüýs ýü­rek­den gut­la­dy. Bel­le­ni­li­şi ýa­ly, ata-ba­ba­la­ry­my­zyň «Äh­li za­dyň sa­ka­sy sag­lyk», «Sag­ly­gym — baş baý­ly­gym», «Sag­lyk bol­sa, beg­lik bo­lar» di­ýen pä­him­le­rin­den ugur alyp, Ga­raş­syz döw­le­ti­miz­de il sag­ly­gy ýurt baý­ly­gy­na de­ňel­ýär.

Gur­lup ulan­ma­ga be­ril­ýän sag­ly­gy go­ra­ýyş mer­kez­le­ri, has­sa­ha­na­lar, şy­pa­ha­na­lar, sa­gal­dyş we dynç alyş mer­kez­le­ri, dür­li sport des­ga­la­ry ýur­du­myz­da baş baý­ly­gyň hal­kyň sag­ly­gy bo­lup dur­ýan­dy­gy­ny aý­dyň gör­kez­ýär. Hor­mat­ly Prezidentimiziň baştutan­ly­gyn­da ýur­du­my­zyň sag­ly­gy go­raý­şy­ny we der­man se­na­ga­ty­ny in­no­wa­sion ösüş ýo­lu­na gö­nük­dir­mek döw­let sy­ýa­sa­ty­nyň mö­hüm ugur­la­ry­nyň bi­ri bo­lup dur­ýar.

Gahryman Arkadagymyz ýur­du­myz­da «Sag­lyk» Döw­let mak­sat­na­ma­sy­nyň ka­bul edi­le­ni­ne 30 ýyl do­lan­dy­gy­ny, mu­nuň aý­ra­tyn şan­ly se­ne bo­lup dur­ýan­dy­gy­ny bel­läp, mak­sat­na­ma­nyň ka­bul edi­len wag­tyn­dan bä­ri luk­man­çy­lyk ul­ga­my­na hä­zir­ki döw­rüň iň kä­mil teh­no­lo­gi­ýa­la­ry­nyň we öň­de­ba­ry­jy dün­ýä tej­ri­be­si­niň giň­den or­naş­dy­ryl­ýan­dy­gy­ny, bu ugur­da döw­le­ti­miz ta­ra­pyn­dan köp se­riş­de­le­riň goý­be­ril­ýän­di­gi­ni aýt­dy.

Nyg­ta­ly­şy ýa­ly, Aş­ga­bat we Arkadag şä­her­le­rin­de, şeý­le hem se­bit­le­ri­miz­de döw­re­bap sag­ly­gy go­ra­ýyş eda­ra­la­ryn­da ila­ty­my­za ýo­ka­ry hil­li luk­man­çy­lyk kö­me­gi ýo­la goý­lup, sag­ly­gy go­raý­şyň milli nus­ga­sy kä­mil­leş­di­ril­ýär. Arkadag şä­he­rin­de dö­re­di­len «Arkadag Me­di­si­na Klas­te­ri Me­nej­ment» kär­ha­na­sy uly iş­le­ri dur­mu­şa ge­çir­ýär. Kär­ha­na­da sag­ly­gy go­ra­ýyş ul­ga­myn­da yzy­gi­der­li ula­nyl­ýan dür­li gör­nüş­li luk­man­çy­lyk önüm­le­ri ön­dü­ril­ýär.

Gurbanguly Berdimuhamedow adyn­da­ky Ho­wan­dar­ly­ga mä­täç ça­ga­la­ra he­ma­ýat ber­mek bo­ýun­ça ha­ýyr-sa­ha­wat gaz­na­sy hä­zir­ki za­man türk­men jem­gy­ýe­ti­niň bin­ýa­dy­ny eme­le ge­tir­ýän yn­san­per­wer iş­le­riň da­ba­ra­lan­ýan­dy­gy­nyň ny­şa­ny­dyr.

– Bu gaz­na­nyň se­riş­de­le­ri­niň ha­sa­by­na köp san­ly ça­ga­la­ryň sag­ly­gy di­kel­dil­di. Biz bu yn­san­per­wer işi gel­jek­de hem do­wam ede­ris. Bu iş­le­riň äh­li­si hal­ky­my­zyň sag­ly­gy we aba­dan­çy­ly­gy ba­ra­da­ky ala­da­nyň il­kin­ji orun­da dur­ýan­dy­gy­ny aý­dyň gör­kez­ýär — di­ýip, Gahryman Arkadagymyz sö­zü­ni do­wam et­di.

Türk­men top­ra­gy sag­ly­gy di­kelt­mek we go­ra­mak üçin özün­de ägirt uly güýç­le­ri jem­le­ýän ha­ky­ky mel­hem­ler me­ka­ny bo­lup dur­ýar. Hä­zir­ki wagt­da ýur­du­my­zyň her we­la­ýa­tyn­da döw­re­bap şy­pa­ha­na­lar he­re­ket ed­ýär. Olar­da ke­sel­le­riň öňü­ni al­ma­gyň we be­jer­me­giň dä­be öw­rü­len usul­la­ry, şeý­le hem in­no­wa­sion luk­man­çy­lyk teh­no­lo­gi­ýa­la­ry tä­sin te­bi­gy we ho­wa şert­le­ri bi­len ut­gaş­dy­ryl­ýar. Milli Liderimiziň nyg­taý­şy ýa­ly, ja­na şy­pa­ly ho­wa­sy bo­lan «Arç­man» we «Ýy­ly suw» şy­pa­ha­na­la­ry bol­sa ýur­du­my­zyň çäk­le­rin­den alys­lar­da hem meş­hur­ly­ga eýe­dir. Bu ýer­de äh­li zat — tä­sin suw, aras­sa dag ho­wa­sy we el­bet­de, sag­ly­gy go­ra­ýyş iş­gär­le­ri­niň ýo­ka­ry hü­när taý­ýar­ly­gy nä­sag­la­ryň tiz sa­gal­ma­gy­na ýar­dam ed­ýär.

Türk­men hal­ky­nyň Milli Lideri «Arç­man» şy­pa­ha­na­syn­da tä­ze gur­lan 400 orun­lyk goş­ma­ça tä­ze be­je­riş mer­ke­zi­niň bi­na­lar top­lu­myn­da bir­nä­çe kö­pu­gur­ly bö­lüm­le­riň he­re­ket et­jek­di­gi­ni, olaryň dün­ýä­niň öň­de­ba­ry­jy ýurt­la­ryn­da ön­dü­ri­len döw­re­bap luk­man­çy­lyk en­jam­la­ry bi­len üp­jün edi­len­di­gi­ni aý­dyp, şy­pa­ha­na­da ra­ýat­la­ry­my­zyň sag­ly­gy­ny di­kelt­me­gi we dynç al­ma­gy üçin äh­li şert­le­riň dö­re­di­len­di­gi­ni, dynç al­ýan­la­ryň, şeý­le hem maş­ga­la bo­lup dynç al­ýan­la­ryň amat­ly ýa­şa­ma­gy üçin äh­li şert­le­ri üp­jün ed­ýän otag­la­ryň ýer­leş­di­ri­len­di­gi­ni bel­le­di.

Bel­le­ni­li­şi ýa­ly, tä­ze gur­lan be­je­riş bi­na­lar top­lu­my dört gat­dan yba­rat bo­lup, on­da dür­li ýaş­da­ky adam­la­ra sag­ly­gy­ny be­jert­mek we di­kelt­mek üçin äh­li amat­ly şert­ler dö­re­dil­di. Şy­pa­ly suw bi­len be­je­riş bi­na­sy bir wag­tyň özün­de 100 ada­ma wan­na be­jer­gi­si­ni ber­mä­ge ni­ýet­le­nen­dir. Mun­dan baş­ga-da, bi­na­da mi­ne­ral suw bi­len be­jer­mek usul­la­ry­ny amala aşyr­mak üçin bir­nä­çe be­je­riş otag­la­ry ýer­leş­di­ril­di. Tä­ze bi­na­lar top­lu­myn­da dür­li gör­nüş­li mel­hemlik ot­la­r­dan taý­ýar­la­nyp be­ril­ýän fi­to­bar göz öňün­de tu­tul­dy. Bu ýer­de be­re­ket­li türk­men top­ra­gyn­da ös­ýän der­man­lyk ösüm­lik­le­ri peý­da­lan­mak bi­len, fi­zio­te­ra­pi­ýa usul­la­ry ula­nyl­ýar. Bu ba­ra­da luk­man Arkadagymyzyň «Türk­me­nis­ta­nyň der­man­lyk ösüm­lik­le­ri» at­ly yl­my işin­de giň­den gür­rüň be­ril­ýär.

Şy­pa­ha­na­nyň mi­ne­ral suw içil­ýän bi­na­sy hem do­ly döw­re­bap­laş­dy­ryl­dy. Bu mel­hem su­wy aş­ga­zan-içe­ge ýol­la­ry­nyň do­wam­ly ke­sel­le­rin­de içim­lik, de­ri ke­sel­le­rin­de wan­na we öt ýol­la­ry­nyň do­wam­ly ke­sel­le­rin­de iý­mit siň­di­riş ýol­la­ry­ny ýuw­mak gör­nü­şin­de ula­nyl­ýar.

Döw­re­bap şy­pa­ha­na­lar, sport des­ga­la­ry we sa­gal­dyş mer­kez­le­ri hal­ky­my­zyň be­den taý­dan sag­dyn, ru­hy taý­dan kä­mil bol­ma­gy­ny üp­jün ed­ýär. Çün­ki sag­dyn mil­let güýç­li döw­le­tiň, bag­ty­ýar gel­je­giň we syn­maz kuw­wa­tyň berk bin­ýa­dy­dyr.

Gahryman Arkadagymyz er­tir ak mer­mer­li paý­tag­ty­myz Aş­ga­bat şä­he­rin­de hä­zir­ki za­ma­nyň ta­lap­la­ry­na do­ly la­ýyk gel­ýän Hal­ka­ra on­ko­lo­gi­ýa yl­my-kli­ni­ki mer­ke­zi­niň, Sto­ma­to­lo­gi­ýa mer­ke­zi­niň hem-de Hal­ka­ra pe­diat­ri­ýa mer­ke­zi­niň döw­re­bap bi­na­la­ry­nyň açy­lyp ulan­ma­ga be­ril­jek­di­gi­ni aý­dyp, şeý­le hä­zir­ki za­man şy­pa­ha­na­nyň, döw­re­bap, hal­ka­ra sag­ly­gy go­ra­ýyş mer­kez­le­ri­niň gur­lup ulan­ma­ga be­ril­me­gi bi­len ýur­du­my­zyň ila­ty­na edil­ýän sag­ly­gy go­ra­ýyş hyz­mat­la­ry­nyň hi­li­niň has-da ýo­kar­lan­ýan­dy­gy­ny, tä­ze iş orun­la­ry­nyň dö­re­dil­ýän­di­gi­ni, luk­man­la­ryň iş şert­le­ri­niň has-da go­wu­lan­ýan­dy­gy­ny, mu­nuň bol­sa sag­ly­gy go­ra­ýyş ul­ga­my­ny ös­dür­mek üçin döw­le­ti­miz ta­ra­pyn­dan äh­li müm­kin­çi­lik­le­riň dö­re­dil­ýän­di­gi­ne aý­dyň şa­ýat­lyk ed­ýän­di­gi­ni nyg­ta­dy.

Halk Mas­la­ha­ty­nyň Baş­ly­gy ýur­du­myz­da sag­ly­gy go­ra­ýyş ul­ga­my­nyň mad­dy-en­jam­la­ýyn bin­ýa­dy­ny has-da ber­kit­mek üçin al­nyp ba­ryl­ýan giň ge­rim­li iş­le­riň gel­jek­de hem do­wam et­di­ril­jek­di­gi­ni, ra­ýat­la­ry­my­zyň sag­ly­gy­ny go­ra­ma­ga, sag­lyk aba­dan­çy­ly­gy­ny üp­jün et­mä­ge he­mi­şe uly äh­mi­ýet be­ril­jek­di­gi­ni bel­le­di.

Türk­men hal­ky­nyň Milli Lideri çy­ky­şy­nyň ahy­ryn­da da­ba­ra gat­na­şy­jy­la­ry we sag­ly­gy go­ra­ýyş ul­ga­my­nyň äh­li iş­gär­le­ri­ni hü­när baý­ra­my hem-de «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň ulan­ma­ga be­ril­me­gi bi­len ýe­ne-de bir ge­zek tüýs ýü­rek­den gut­lap, hem­me­le­re berk jan sag­ly­gy­ny, maş­ga­la aba­dan­çy­ly­gy­ny, sag­ly­gy go­ra­ýyş ul­ga­my­nyň iş­gär­le­ri­ne bol­sa yn­san sag­ly­gy­ny go­ra­mak ýa­ly asyl­ly we jo­gap­kär­li iş­le­rin­de tä­ze üs­tün­lik­le­ri ar­zuw et­di.

Gahryman Arkadagymyzyň çy­ky­şy uly ru­hu­be­lent­lik bi­len diň­le­nil­di.

Soň­ra türk­men hal­ky­nyň Milli Lideri da­ba­ra­ly ýag­daý­da «Arç­man» şy­pa­ha­na­sy­nyň tä­ze açyl­ýan 400 orun­lyk bi­na­sy­nyň açy­lyş toý ba­gy­ny kes­di. Şol pur­sat şat­lyk-şow­hun­ly el çar­pyş­ma­lar bi­len aý­dym-sa­zyň ýaň­lan­ma­gyn­da dür­li reňk­dä­ki şar­lar as­ma­na uçu­ryl­dy.

Soň­ra Halk Mas­la­ha­ty­nyň Baş­ly­gy bi­na­da dö­re­di­len şert­ler bi­len ta­nyş­dy.

Dün­ýä stan­dart­la­ry­na la­ýyk gel­ýän bu döw­re­bap şy­pa­ha­na­da dynç al­ýan­lar üçin äh­li amat­lyk­lar göz öňün­de tu­tu­lyp­dyr. Bu be­je­riş mer­ke­zi «Sag­lyk» Döw­let mak­sat­na­ma­sy­nyň esa­sy we­zi­pe­le­ri­ni amala aşyr­mak, ýag­ny ila­tyň sag­ly­gy­ny go­ra­mak, öm­rüň do­wam­ly­ly­gy­ny uzalt­mak we ke­sel­le­riň öňü­ni al­mak üçin ýo­ka­ry de­re­je­li luk­man­çy­lyk kö­me­gi­ni amala aşyr­ýan sag­ly­gy go­ra­ýyş eda­ra­la­ry­nyň bi­ri hök­mün­de hyz­mat ed­ýär.

6 gat­ly öz­bo­luş­ly bi­na­gär­lik keş­bi­ne eýe bo­lan şy­pa­ha­na­da ke­sel­le­ri anyk­la­mak we be­jer­mek iş­le­ri ýe­ri­ne ýe­ti­ril­ýär. Bi­na­nyň anyk­la­ýyş otag­la­ry­nyň äh­li­si hä­zir­ki za­man ta­lap­la­ry­na we ýo­ka­ry hal­ka­ra gör­ke­zi­ji­le­re la­ýyk de­re­je­de en­jam­laş­dy­ry­lyp­dyr. Bö­lüm­ler­de or­naş­dy­ry­lan en­jam­la­ryň dün­ýä­niň öň­de­ba­ry­jy önüm ön­dü­ri­ji­le­ri­niň en­jam­la­ry­dy­gy­ny we ola­ryň se­bit­de iň tä­ze­le­ri­di­gi­ni bel­le­mek ge­rek. Bu ýer­de gal­wa­nik, fi­to­wan­na, SPA-kap­su­la, inf­ra­gy­zyl sau­na, ozo­no­te­ra­pi­ýa, ga­lo­te­ra­pi­ýa, ae­roio­no­te­ra­pi­ýa, pa­ra­fin, UWÇ we şöh­le ar­ka­ly be­jer­gi­ler amala aşy­ryl­ýar.

Be­je­riş iş­le­rin­de te­bi­gy se­riş­de­le­riň we der­man­lyk ösüm­lik­le­riň peý­da­ly hä­si­ýet­le­ri­ne giň orun be­ril­ýär. Mi­ne­ral suw içil­ýän bi­na­da Kö­pet­da­gyň ete­gin­den göz­baş al­ýan 24 mik­roe­le­men­te baý mi­ne­ral suw hö­dür­le­nil­ýär. Onuň bir lit­rin­de 14 — 16 milligrama ba­ra­bar kü­kürt-wo­do­ro­dy bo­lup, mi­ne­ral su­wuň içi­liş ter­ti­bi iý­mit siň­di­riş ul­ga­my­nyň ke­sel­le­rin­de her bir ra­ýa­ta aý­ra­tyn, aş­ga­za­nyň tur­şu­ly­gy­nyň ýag­da­ýy­na gö­rä, luk­man ta­ra­pyn­dan bel­le­nil­ýär.

Şy­pa­ly suw bi­len be­je­riş bi­na­sy­nyň bir wag­tyň özün­de 100 ra­ýa­ty ka­bul et­mä­ge müm­kin­çi­li­gi bar. «Arç­ma­nyň» şy­pa­ly su­wu­nyň esa­syn­da kü­kürt­li-wo­do­rod­ly be­je­riş wan­na­la­ry gan aý­la­ny­şy­gy­ny gowulandyrmakda hem-de de­ri ke­sel­le­rin­de ýaramly bolup, nerw ul­ga­my­nyň iş­jeň­li­gi­ni we be­de­niň umu­my ýag­da­ýy­ny ka­da­laş­dyr­ma­ga ýar­dam ber­ýär. Mun­dan baş­ga-da, şy­pa­ha­na­da der­man­lyk ot­lar bi­len taý­ýar­lan­ýan fi­to­wan­na­lar, aro­ma­te­ra­pi­ýa we in­gal­ýa­si­ýa be­jer­gi­le­ri dem alyş hem-de nerw ul­ga­my­ny ra­hat­lan­dy­ryp, be­de­niň go­rag ukyp­la­ry­ny we im­mu­ni­te­ti­ni ýo­kar­lan­dyr­ýar.

Be­je­riş bö­lü­min­de ow­ka­la­ma, fi­zio­te­ra­pi­ýa, pres­so­te­ra­pi­ýa be­jer­gi­le­ri amala aşy­ryl­ýar. Mu­nuň özi oňur­ga, bo­gun, myş­sa agy­ry­la­ry­ny aýyr­ma­ga, mad­da çal­şy­gy­ny we gan aý­la­ny­şy­gy­ny go­wu­lan­dyr­ma­ga ýar­dam ber­ýär. Şeý­le hem bu ýer­de be­je­riş be­den­ter­bi­ýe­si ota­gy he­re­ket ed­ýär. Dynç al­ýan­lar üçin amat­ly şert­ler dö­re­di­len bir orun­lyk, iki orun­lyk, maş­ga­la üçin ni­ýet­le­nen we lýuks otag­lar göz öňün­de tu­tu­lyp­dyr. Ra­ýat­la­ryň me­de­ni­ýet­li dynç al­mak­la­ry üçin bi­na­da be­je­riş mak­sat­ly otag­lar­dan baş­ga-da, dynç alyş we jem­gy­ýet­çi­lik otag­la­ry hem he­re­ket ed­ýär. Bu ýer­de die­to­log luk­man ta­ra­pyn­dan ýö­ri­te dü­zü­len aý­ry-aý­ry ber­hiz na­har sa­na­wy­ny öz içi­ne al­ýan 400 orun­lyk na­har­ha­na, in­ter­net za­ly, mej­lis­ler za­ly hem-de fi­to­bar ýer­leş­ýär. Fi­to­bar­da myh­man­la­ra Gahryman Arkadagymyzyň «Türk­me­nis­ta­nyň der­man­lyk ösüm­lik­le­ri» at­ly köp jilt­li yl­my-en­sik­lo­pe­dik işin­de be­ýan edi­len ösüm­lik­ler­den taý­ýar­la­nan dür­li çaý­lar we iç­gi­ler hö­dür­le­nil­ýär.

Milli aş­ha­na­myz­da gök ça­ýa aý­ra­tyn orun de­giş­li­dir. Gök çaý adam sag­ly­gy­na ber­ýän peý­da­sy bi­len meş­hur­dyr. Ol ru­hu­be­lent­li­giň we güýç-kuw­wa­tyň çeş­me­si ha­sap­lan­ýar. Ada­ty hem-de halk luk­man­çy­ly­gyn­da gök çaý iý­mit siň­di­riş ul­ga­my­ny go­wu­lan­dyr­mak, be­de­niň ke­sel­le­re gar­şy dur­nuk­ly­ly­gy­ny pug­ta­lan­dyr­mak üçin se­riş­de hök­mün­de ula­nyl­ýar. Gahryman Arkadagymyzyň «Çaý — mel­hem hem yl­ham» at­ly ki­ta­byn­da bel­leý­şi ýa­ly, çaý iç­me­gi ata-ba­ba­la­ry­myz ne­pe­si­ňi dur­la­mak ha­sap edip­dir­ler. Çaý içi­len­de ada­myň şäh­di­niň açy­lyp, onuň on iki süň­ňü­niň yn­ja­lyk tap­ýan­dy­gy­na yna­nyp­dyr­lar. Sä­hel yn­ja­lyk­syz­ly­gy çaý içip ýe­ňip bol­ýan­dy­gy­na bil bag­lap­dyr­lar.

Bi­na­nyň daş-tö­we­re­gin­dä­ki ýa­şyl meý­dan­ça­da ýo­da­lar we te­lär­ler göz öňün­de tu­tu­lyp, ge­ze­lenç üçin goş­ma­ça şert­ler dö­re­di­lip­dir. Mun­dan baş­ga-da, nä­sag­la­ryň wag­ty­ny peý­da­ly ge­çir­mek­le­ri üçin top­lu­myň çä­gin­de sport we oýun meýdançalary hem bar. Şy­pa­ha­na­da dö­re­di­len bu top­lum­la­ýyn şert­ler ra­ýat­la­ryň sag­ly­gy­ny ber­kit­mä­ge, ke­sel­le­riň öňü­ni al­ma­ga döw­let de­re­je­sin­de äh­mi­ýet be­ril­ýän­di­gi­niň no­bat­da­ky be­ýa­ny­dyr.

...Halk Mas­la­ha­ty­nyň Baş­ly­gy, il­ki bi­len, şy­pa­ha­na­nyň anyk­la­ýyş bö­lü­mi­ne bar­dy we onuň Kar­dio­wi­zor ota­gyn­da or­naş­dy­ry­lan luk­man­çy­lyk en­jam­la­ry­nyň aý­ra­tyn­lyk­la­ry bi­len ta­nyş­dy. Luk­man bu ýer­de Gahryman Arkadagymyzy Rus­si­ýa Fe­de­ra­si­ýa­sy­nyň ýo­ka­ry hil­li kar­dio­wi­zor en­ja­my bi­len ta­nyş­dyr­dy. Bel­le­ni­li­şi ýa­ly, bu en­jam ýü­re­giň funk­sio­nal ýag­da­ýy­ny bar­la­mak we ne­ti­je­li ba­ha ber­mek üçin ni­ýet­le­nen­dir. Ýü­rek-da­mar ul­ga­my­nyň ke­sel­le­ri­ni anyk­la­mak­da ula­nyl­ýan bu en­jam sig­na­lyň mik­ros­ko­pik yr­gyl­dy­la­ry­ny sel­jer­mek ar­ka­ly ýü­re­giň aý­dyň üç öl­çeg­li (3D) mo­de­li­ni dö­red­ýär.

Kar­dio­wi­zo­ryň mag­lu­mat be­ri­ji­lik uky­by örän ýo­ka­ry­dyr, hu­su­san-da, ýü­re­giň işe­mi­ýa ke­se­li­ni, in­farkt­dan öň­ki ýag­daý­la­ry ir ýü­ze çy­kar­mak­da, dür­li arit­mi­ýa­la­ryň se­bäp­le­ri­ni anyk­la­mak­da uly äh­mi­ýe­te eýe­dir. Şol bir wag­tyň özün­de, ýü­re­giň 3D şe­ki­lin­de üýt­geş­me­le­riň oja­gy­nyň ni­re­de ýer­leş­ýän­di­gi­ni we nä­hi­li de­re­je­de­di­gi­ni reňk­li gör­nüş­de aň­lad­ýar.

Hü­när­men hä­zir­ki za­man yl­my­nyň soň­ky ga­za­nan­la­ry­nyň esa­syn­da bi­na edi­len tä­ze mer­ke­zi gur­du­ryp be­ren­di­gi üçin hor­mat­ly Prezidentimize we Gahryman Arkadagymyza tüýs ýü­rek­den ho­şal­ly­gy­ny be­ýan et­di.

Soň­ra Halk Mas­la­ha­ty­nyň Baş­ly­gy Gast­roen­dos­ko­pi­ýa ota­gy­na ba­ryp, bu ota­gyň luk­man­çy­lyk en­jam­la­ry­ny syn­la­dy. Bu ýer­de luk­man Ýa­po­ni­ýa­nyň «Fu­ji­film» kom­pa­ni­ýa­sy­nyň en­ja­my bi­len ta­nyş­dyr­dy. En­jam için­de yşyk­lan­dy­ryş we ka­me­ra ul­ga­my bo­lan ýum­şak we ga­ty tur­ba­jyk­lar ar­ka­ly ka­me­ra­dan gel­ýän şe­ki­li uly, aý­dyň edip gör­kez­ýän ýo­ka­ry hil­li mo­ni­tor­lar, iç­ki ag­za­la­ry gi­ňelt­mek üçin ho­wa goý­ber­ýän, ar­tyk­maç su­wuk­lyk­la­ry so­rup al­ýan gur­luş bi­len üp­jün edi­len­dir. Bu en­jam iý­mit siň­di­riş ul­ga­my­nyň ag­za­la­ry­nyň — gy­zy­lö­de­giň, aş­ga­za­nyň we on­ki­bar­mak içe­gä­niň do­ly şe­ki­li­ni, olar­da­ky nä­saz­lyk­la­ry gör­mä­ge, dür­li gan ak­ma­la­ry du­ruz­ma­ga, biop­si­ýa bar­la­gy­ny al­ma­ga müm­kin­çi­lik ber­ýär.

Soň­ra Gahryman Arkadagymyz anyk­la­ýyş bö­lü­mi­niň Asi­do­gast­ro­met­ri­ýa ota­gyn­da or­naş­dy­ry­lan luk­man­çy­lyk en­jam­la­ry­nyň aý­ra­tyn­lyk­la­ry bi­len ta­nyş­dy. Otag­da ABŞ-nyň «Diver­sa­tek Healthcare» kom­pa­ni­ýa­sy­nyň gy­zy­lö­de­giň, aş­ga­za­nyň we on­ki­bar­mak içe­gä­niň tur­şu­lyk de­re­je­si­ni öl­çe­mek üçin ýö­ri­te­leş­di­ri­len luk­man­çy­lyk en­ja­my or­naş­dy­ry­lyp­dyr. Bu en­jam iki bö­lek­den yba­rat bo­lup, 1-nji bö­le­gi ha­sa­ba alyş blo­gy­dyr. Ol al­nan mag­lu­mat­la­ry iş­läp taý­ýar­la­ýar, ek­ran­da gör­kez­ýär we ýat­da sak­la­ýar. 2-nji bö­le­gi pH--zon­dy bo­lup, ol nä­sa­gyň iý­mit siň­di­riş ul­ga­my­na gö­ni gi­ri­zil­ýän bir ýa-da bir­nä­çe elekt­rod­ly ka­te­ter­den yba­rat­dyr. Bu en­ja­myň esa­syn­da ge­çi­ril­ýän bar­lag ke­sel­le­ri ir­ki dö­wür­de anyk­la­mak, bo­lup bil­jek gaý­ra üzül­me­le­riň öňü­ni al­mak üçin uly äh­mi­ýe­te eýe­dir.

Halk Mas­la­ha­ty­nyň Baş­ly­gy soň­ra şy­pa­ha­na­nyň ýa­tym­la­ýyn bö­lü­min­de dö­re­di­len şert­ler we otag­la­ryň en­jam­laş­dy­ry­ly­şy bi­len ta­nyş­dy. Äh­li otag­lar dynç alyş we sa­gal­dyş hyz­ma­ty­nyň dün­ýä stan­dart­la­ry­na la­ýyk de­re­je­de en­jam­laş­dy­ry­lyp, olar­da dynç al­ýan­lar üçin äh­li amat­lyk­lar dö­re­di­lip­dir. Otag­lar ra­hat me­bel­ler, teh­ni­ki en­jam­lar bi­len üp­jün edi­lip, ra­ýat­la­ryň sag­ly­gy­ny di­kelt­mek bi­len bir ha­tar­da, wag­ty­ny peý­da­ly ge­çir­mek­le­ri we me­de­ni­ýet­li dynç al­ma­gy üçin müm­kin­çi­lik­le­ri dö­red­ýär. Mu­nuň özi ýur­du­myz­da «Döw­let adam üçin­dir!» di­ýen baş ýö­rel­gä­niň esa­syn­da hal­ky­my­zyň ýa­şa­ýyş-dur­muş de­re­je­si­ni yzy­gi­der­li ýo­kar­lan­dyr­ma­ga gö­nük­di­ri­len döw­let sy­ýa­sa­ty­nyň üs­tün­lik­li dur­mu­şa ge­çi­ril­ýän­di­gi­niň aý­dyň gü­wä­si­dir.

Soň­ra türk­men hal­ky­nyň Milli Lideri şy­pa­ha­na­nyň na­har­ha­na­sy­na bar­dy we bu ýer­de dö­re­di­len şert­ler bi­len ta­nyş­dy. Na­har­ha­na­nyň en­jam­laş­dy­ry­ly­şy hem-de aras­sa­çy­lyk de­re­je­si hä­zir­ki za­man ta­lap­la­ry­na do­ly la­ýyk gel­ýär. Bu ýer­de luk­man­la­ryň mas­la­hat­la­ry­na la­ýyk­lyk­da taý­ýar­lan­ýan ber­hiz iý­mit­ler bi­len bir ha­tar­da, ýo­kum­ly­ly­gy bi­len ta­pa­wut­lan­ýan türk­men milli ta­gam­la­ry­na hem giň orun ber­lip­dir. Äh­li ta­gam­lar be­re­ket­li türk­men top­ra­gyn­da ös­dü­ri­lip ýe­tiş­di­ri­len, eko­lo­gi­ýa taý­dan aras­sa önüm­ler­den taý­ýar­la­nyl­ýar.

Na­har­ha­na­da na­har taý­ýar­la­mak, azyk önüm­le­ri­ni ta­la­ba­la­ýyk sak­la­mak üçin ýö­ri­te otag­lar, am­mar­lar göz öňün­de tu­tu­lyp­dyr. Döw­re­bap na­har­ha­na­da so­wa­dyş we ýy­la­dyş ul­gam­la­ry, dür­li ta­gam­la­ry taý­ýar­la­mak üçin en­jam­la­ryň kä­mil gör­nüş­le­ri bar. Olar gün­de­lik bi­şi­ril­ýän na­har­la­ryň köp­dür­lü­li­gi­ni üp­jün ed­ýär.

Gahryman Arkadagymyz sag­ly­gy­ny di­keld­ýän­le­riň we dynç al­ýan­la­ryň be­de­ni­ni ber­kit­mek­de iý­mit­le­niş ter­ti­bi­niň örän wa­jyp or­nu­nyň bar­dy­gy­ny bel­läp, bu ugur­da de­ger­li mas­la­hat­la­ry­ny ber­di.

Ta­nyş­lyk­dan soň­ra, Halk Mas­la­ha­ty­nyň Baş­ly­gy şy­pa­ha­na­nyň mej­lis­ler za­ly­na bar­dy. Bu ýer­de «Arç­man» şy­pa­ha­na­sy­nyň goş­ma­ça tä­ze be­je­riş mer­ke­zi­niň bi­na­lar top­lu­my­na hal­ka­ra şahadatnamalary gow­şur­mak da­ba­ra­sy bol­dy.

Il­ki bi­len, «AS­KIN & CO GmbH» we «Med-Lab-GmbH» kom­pa­ni­ýa­la­ry­nyň Baş di­rek­to­ry Ralf Pa­ul Lug­baue­re söz be­ril­di. Ol Gahryman Arkadagymyzy we da­ba­ra gat­na­şy­jy­la­ry mü­bä­rek­läp, «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açy­lyş da­ba­ra­sy­na gat­naş­ma­gy­nyň özi üçin uly hor­mat­dy­gy­ny aýt­dy hem-de şy­pa­ha­na­da iň döw­re­bap luk­man­çy­lyk we be­je­riş en­jam­la­ry­nyň üs­tün­lik­li gur­na­lan­dy­gy­ny we ulan­ma­ga ber­len­di­gi­ni tas­syk­la­ýan Ýo­ka­ry hil şa­ha­dat­na­ma­sy­ny gow­şur­dy.

Soň­ra «H2S in Bal­neo­lo­gy Glo­bal Ini­tia­tive» kom­pa­ni­ýa­sy­nyň esas­lan­dy­ry­jy­sy we prezidenti, Stam­bul uni­wer­si­te­ti­niň luk­man­çy­lyk eko­lo­gi­ýa­sy we gid­rok­li­ma­to­lo­gi­ýa bo­ýun­ça pro­fes­so­ry Mü­fit Ze­ki Ka­ra­gül­le çy­kyş edip, hem­me­le­ri bu şan­ly wa­ka bi­len gut­la­dy hem-de şy­pa­ha­na yl­my hyz­mat­daş­ly­gy, bi­lim we okuw iş­le­ri­ni, yl­my-bar­lag­la­ry hem-de kü­kürt-wo­do­rod­ly bal­neo­lo­gik se­riş­de­le­riň jo­gap­kär­çi­lik­li kli­ni­ki taý­dan öz­leş­di­ril­me­gi­ni ös­dür­mä­ge we gol­da­ma­ga yg­rar­ly­dy­gy­ny tas­syk­la­ýan Res­mi hyz­mat­daş­lyk mer­ke­zi hök­mün­de bel­le­ni­len­di­gi ba­ra­da­ky şa­ha­dat­na­ma­nyň gow­şu­ryl­ýan­dy­gy­ny yg­lan et­di.

«BTL In­dust­ries Li­mi­ted» kom­pa­ni­ýa­sy­nyň Gün­do­gar Ýew­ro­pa we Ýew­ra­zi­ýa ýurt­la­ry bo­ýun­ça se­bit­le­ýin di­rek­to­ry Bair­ta Ber­ma­na söz be­ril­di. Ol bu da­ba­ra gat­naş­ma­gyň özi üçin uly hor­mat­dy­gy­ny bel­läp, ýur­du­my­zyň sag­ly­gy go­ra­ýyş ul­ga­myn­da ga­za­nyl­ýan üs­tün­lik­le­re ýo­ka­ry ba­ha ber­di hem-de we­kil­çi­lik ed­ýän kom­pa­ni­ýa­sy ta­ra­pyn­dan «Arç­man» şy­pa­ha­na­sy­na hal­ka­ra ül­ňü­le­re la­ýyk gel­ýän hä­zir­ki za­man fi­zio­te­ra­pi­ýa bin­ýa­dy­nyň dö­re­di­len­di­gi­ni, BTL teh­no­lo­gi­ýa­la­ry­nyň do­ly in­teg­ra­si­ýa edi­len­di­gi­ni hem-de di­kel­diş kö­me­gi­niň ýo­ka­ry de­re­je­si­ne yg­rar­ly­dy­gy­ny tas­syk­la­ýan şa­ha­dat­na­ma­nyň gow­şu­ryl­ýan­dy­gy­ny aýt­dy.

Soň­ra Bal­neo­lo­gi­ýa we kli­ma­to­lo­gi­ýa aka­de­mi­ýa­sy­nyň prezidenti Kurt fon Ştorh çy­kyş edip, bu şan­ly wa­ka gat­naş­ma­ga dö­re­di­len müm­kin­çi­lik üçin ho­şal­ly­gy­ny be­ýan et­di hem-de şu gün ulan­ma­ga be­ril­ýän sag­ly­gy go­ra­ýyş des­ga­sy­nyň en­jam­laş­dy­ry­ly­şy­na ýo­ka­ry ba­ha be­rip, «Arç­man» şy­pa­ha­na­sy­nyň döw­re­bap­laş­dy­ryl­ma­gy we da­ba­ra­ly açy­ly­şy ug­run­da ga­za­ny­lan üs­tün­lik­le­re, öň­den­gö­rü­ji­lik­li baş­lan­gyç­la­ra we ýo­ka­ry de­re­je­li yh­las­ly zäh­me­te go­ýul­ýan çuň­ňur hor­ma­tyň, min­net­dar­ly­gyň ny­şa­ny hök­mün­de Min­net­dar­lyk şa­ha­dat­na­ma­sy­ny gow­şur­dy.

Hal­ka­ra şahadatnamalary gow­şur­mak da­ba­ra­sy ta­mam­la­nan­dan soň­ra, Halk Mas­la­ha­ty­nyň Baş­ly­gy Hor­mat­ly myh­man­la­ryň ki­ta­byn­da ýa­dy­gär­lik ýaz­gy gal­dyr­dy.

Luk­man Arkadagymyz “Sag­lyk” Döw­let mak­sat­na­ma­sy­nyň ka­bul edi­len döw­rün­den bä­ri milli sag­ly­gy go­ra­ýyş ul­ga­myn­da ägirt uly iş­le­riň amala aşy­ry­lan­dy­gy­ny bel­le­di. Aý­ra­tyn-da, türk­men top­ra­gy­nyň be­je­riş äh­mi­ýet­li te­bi­gy se­riş­de­le­re baý­dy­gy­ny aý­dyp, Gahryman Arkadagymyz ola­ryň ne­ti­je­li peý­da­la­nyl­ma­gyn­da şy­pa­ha­na­la­ra mö­hüm or­nuň de­giş­li­di­gi­ni nyg­ta­dy. Şol bir wag­tyň özün­de, sag­dyn eko­lo­gi­ýa ýag­da­ýy­ny sak­la­mak döw­rüň mö­hüm me­se­le­si­dir di­ýip, luk­man Arkadagymyz bel­le­di we bu ba­bat­da özü­niň öwüt-ne­si­hat­la­ry­ny ber­di.

Soň­ra Halk Mas­la­ha­ty­nyň Baş­ly­gy­na sag­ly­gy go­ra­ýyş iş­gär­le­ri­niň adyn­dan aja­ýyp türk­men ha­ly­sy sow­gat be­ril­di.

Gahryman Arkadagymyz da­ba­ra gat­naş­ýan myh­man­la­ryň ha­ýy­şy bo­ýun­ça olar bi­len ýa­dy­gär­lik su­ra­ta düş­di.

Soň­ra türk­men hal­ky­nyň Milli Lideri «Arç­man» şy­pa­ha­na­sy­nyň iş­gär­le­ri­ne alyp bar­ýan iş­le­rin­de üs­tün­lik­le­ri ar­zuw edip, hor­mat­ly Prezidentimiz Serdar Berdimuhamedowyň adyn­dan şy­pa­ha­na sow­gat be­ril­ýän aw­tou­lag­la­ryň açar­la­ry­ny bu be­je­riş mer­ke­zi­niň baş luk­ma­ny­na gow­şur­dy.

«Arç­man» şy­pa­ha­na­sy­nyň baş luk­ma­ny Şa ser­pa­ýy üçin tüýs ýü­rek­den ho­şal­lyk bil­dir­di hem-de Gahryman Arkadagymyza we döw­let Baş­tu­ta­ny­my­za berk jan sag­lyk, uzak ömür, il-ýurt bäh­bit­li baş­lan­gyç­la­ry­nyň he­mi­şe ro­waç­lyk­la­ra bes­len­me­gi­ni ar­zuw et­di.

Türk­me­nis­ta­nyň Halk Mas­la­ha­ty­nyň Baş­ly­gy «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açyl­ma­gy bi­len hem­me­le­ri ýe­ne-de bir ge­zek gut­la­dy we ola­ra alyp bar­ýan iş­le­rin­de üs­tün­lik­le­ri ar­zuw edip, bu ýer­den ug­ra­dy.

Şeý­le­lik­de, türk­men hal­ky­nyň Milli Lideri, Türk­me­nis­ta­nyň Halk Mas­la­ha­ty­nyň Baş­ly­gy Gahryman Arkadagymyzyň gat­naş­ma­gyn­da «Arç­man» şy­pa­ha­na­syn­da goş­ma­ça tä­ze be­je­riş mer­ke­zi­niň bi­na­lar top­lu­my­nyň açyl­ma­gy ýur­du­myz­da sag­ly­gy go­ra­ýyş ul­ga­my­ny mun­dan beý­läk-de kä­mil­leş­dir­mek bo­ýun­ça dur­mu­şa ge­çi­ril­ýän giň ge­rim­li iş­le­riň üs­tün­lik­le­re bes­len­ýän­di­gi­niň no­bat­da­ky aý­dyň gü­wä­si­ne öw­rül­di.

Soňky habarlar
20.11
Türkmenistanyň Ministrler Kabinetiniň mejlisi
20.11
Ykdysady hyzmatdaşlyk boýunça hökümetara türkmen-rus toparynyň türkmen böleginiň düzümi tassyklanyldy
20.11
Çagalaryň şatlygy — dünýäniň abatlygy
20.11
GDA ýurtlarynyň parlamentara hyzmatdaşlygynyň täze ugurlary kesgitlenildi
19.11
Milli miras — geçmişiň tejribesini, häzirki döwrüň gazananlaryny we geljege tarap ynamly ädimleri baglanyşdyrýan köpri
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Russiýa Federasiýasynyň Federal Ýygnagynyň Federasiýa Geňeşiniň Başlygynyň duşuşygy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz GDA-nyň Baş sekretary bilen duşuşdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Balkan welaýatyna iş saparyny amala aşyrdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň GDA gatnaşyjy döwletleriň parlament ýolbaşçylarynyň öňündäki ÇYKYŞY
19.11
Awaza — dostlugyň we hyzmatdaşlygyň mekany
top-arrow