Baş sahypa
\
Jemgyýet
\
Hazar deňziň kenarynda Raýat jemgyýetiniň forumy öz işine başlady
Jemgyýet
Hazar deňziň kenarynda Raýat jemgyýetiniň forumy öz işine başlady
Çap edildi 04.08.2025
49

Şu gün «Awaza» milli syýahatçylyk zolagynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde Raýat jemgyýetiniň forumy öz işine başlady.

Giň möçberli çärä BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili, Türkmenistanyň Ministrler Kabinetiniň Başlygynyň orunbasary, Kärdeşler arkalaşyklarynyň Milli merkeziniň başlygy, halkara guramalaryň, raýat jemgyýetiniň, deňze çykalgasy bolmadyk ösüp barýan ýurtlaryň ýokary wezipeli wekilleri gatnaşýarlar. 

Bu forum raýat jemgyýetine dünýä ýurtlarynyň hem-de BMG-niň ýokary wezipeli wekilleri we esasy gyzyklanma bildirýän taraplar bilen tejribe alyşmak, çözgütleri teklip etmek hem-de DÇBÖBD üçin Hereketleriň Awaza maksatnamasyny durmuşa geçirmek babatda durnukly ösüş ulgamynda gün tertibini kesgitlemek üçin mümkinçilik açýar. 

Hereketleriň Awaza maksatnamasynyň üstünlikli durmuşa geçirilmegi köptaraplaýyn çemeleşmäni talap edýär. Raýat jemgyýeti innowasion çözgütleri we pikirleri teklip etmek bilen, durnukly ösüşi üpjün etmekde möhüm orun eýeleýär. Şeýle hem raýat jemgyýeti maliýe, söwda, howanyň üýtgemegi ýaly meseleler boýunça ählumumy syýasy gün tertibinde DÇBÖBD-iň ileri tutulýan ugurlarynyň nazara alynmagyna ýardam berýär.

Ýerli guramalardan başlap halkara guramalara çenli raýat jemgyýetiniň subýektleri milli strategiýalary işläp taýýarlamakda we amala aşyrmakda orunlaryň birini eýeleýärler. Deňze çykalgasy bolmadyk ösüp barýan döwletler üçin Hereketleriň Awaza maksatnamasynyň üstünlikli amala aşyrylmagy hem hökümetler we hususy pudak bilen bir hatarda, raýat jemgyýetiniň işjeň gatnaşmagyna bagly bolup durýar.

Raýat jemgyýetine, ylmy jemgyýetçilige, hususy pudaga hem-de döwlet düzümlerine ileri tutulýan ugurlary kesgitlemek hem-de hyzmatdaşlyk gatnaşyklaryny ýola goýmak üçin netijeli meýdança döretmek, DÇBÖBD-de durnukly ösüşe ýardam berýän üstünlikli hyzmatdaşlygyň we strategiýalaryň mysallary bilen tanyşdyrmak, innowasion çözgütleri we öňdebaryjy tejribäni alyşmaga ýardam bermek forumyň esasy maksadydyr.

Soňky habarlar
04.08
«Awaza» milli syýahatçylyk zolagynda Parlament forumy başlady
04.08
Hazar deňziň kenarynda Raýat jemgyýetiniň forumy öz işine başlady
04.08
BMG-niň üçünji maslahatynyň çäklerinde Ýaşlar forumy öz işine başlady
04.08
TDHÇMB-nyň söwdalarynda geleşikleriň jemi bahasy ABŞ-nyň 3 million 709 müň dollaryndan gowrak boldy
03.08
Türkmenistan — BMG: hyzmatdaşlygyň taryhynda täze tapgyr
03.08
Ählumumy abadançylygyň, rowaçlygyň we durnukly ösüşiň bähbidine netijeli hyzmatdaşlyk
03.08
Hazaryň türkmen kenary — giň möçberli halkara forumyň geçirilýän merkezi
02.08
«Arkadagly Ýaşlar» žurnalynyň täze sany çapdan çykdy
01.08
Türkmenistanyň hususy pudagy — innowasiýalara we durnukly ösüşe itergi berýän güýç
01.08
Türkmenistanyň Prezidenti Şweýsariýa Konfederasiýasynyň Prezidentini gutlady
top-arrow