Baş sahypa
\
Syýasat habarlary
\
Türkmenistanyň Prezidenti Pakistan Yslam Respublikasynyň Senatynyň Başlygyny kabul etdi
Syýasat habarlary
Türkmenistanyň Prezidenti Pakistan Yslam Respublikasynyň Senatynyň Başlygyny kabul etdi
Çap edildi 31.05.2025
471

Şu gün hormatly Prezidentimiz Serdar Berdimuhamedow ýurdumyza sapar bilen gelen Pakistan Yslam Respublikasynyň Senatynyň Başlygy Saýed Ýusuf Raza Gilanini kabul etdi.

Myhman duşuşmaga döredilen mümkinçilik üçin hoşallyk bildirip, Pakistanda Türkmenistanyň häzirki döwürde gazanýan üstünliklerine ýokary baha berilýändigini belledi hem-de mümkinçilikden peýdalanyp, hormatly Prezidentimize we Gahryman Arkadagymyza Pakistan Yslam Respublikasynyň Prezidenti Asif Ali Zardariniň hem-de Premýer-ministri Muhammad Şahbaz Şarifiň mähirli salamyny, şeýle-de Türkmenistanyň ähli halkyna abadançylyk baradaky arzuwlaryny ýetirdi.

Saýed Ýusuf Raza Gilani şeýle hem türkmen halkynyň Milli Lideriniň Pakistana amala aşyran saparynyň dowamynda Gahryman Arkadagymyz bilen bolan duşuşygyny ýakymly duýgular bilen ýatlaýandygyny aýtdy.

Döwlet Baştutanymyz myhmany mähirli mübärekläp, Pakistanyň ýolbaşçylaryna iň gowy arzuwlaryny beýan etdi hem-de dostlukly ýurduň Senatynyň Başlygynyň saparynyň netijeleriniň iki ýurduň arasyndaky parlamentara gatnaşyklary ösdürmäge itergi berjekdigine ynam bildirip, bu saparyň üstünlikli geçmegini arzuw etdi.

Duşuşygyň dowamynda bellenilişi ýaly, Türkmenistan bilen Pakistan Yslam Respublikasynyň arasyndaky özara düşünişmäge we birek-birege hormat goýmaga esaslanýan köpýyllyk ikitaraplaýyn gatnaşyklar häzirki wagtda syýasy-diplomatik, söwda-ykdysady, energetika, ulag, bilim we medeni-ynsanperwer ýaly ulgamlarda üstünlikli ösdürilýär. Ýurtlarymyz birek-biregiň netijeli halkara başlangyçlaryny yzygiderli goldaýarlar. Şunuň bilen baglylykda, döwlet Baştutanymyz Türkmenistanyň başlangyjy boýunça BMG-niň Baş Assambleýasynyň kabul eden Kararnamasyna laýyklykda, 2025-nji ýylyň “Halkara parahatçylyk we ynanyşmak ýyly” diýlip yglan edilendigini, bu wakanyň ýurdumyzyň hemişelik Bitaraplyk hukuk ýagdaýynyň şanly 30 ýyllygy bilen gabat gelýändigini we şu mynasybetli ýurdumyzda köp sanly çäreleriň geçirilmeginiň göz öňünde tutulýandygyny belledi hem-de Saýed Ýusuf Raza Gilanini we Pakistanyň Senatynyň agzalaryny bu çärelere işjeň gatnaşmaga çagyrdy.

Bellenilişi ýaly, Türkmenistan iki ýurduň arasyndaky parlamentara gatnaşyklaryň ösdürilmegine aýratyn ähmiýet berýär. Häzirki döwürde parlamentara hyzmatdaşlyk ýurtlaryň arasynda netijeli gatnaşyklary üpjün etmäge, halkara hyzmatdaşlygy pugtalandyrmaga ýardam berýär. Şunuň bilen birlikde, parlamentara dialog döwletara hyzmatdaşlygy ösdürmegiň möhüm düzüm bölegi bolup durýar. Ikitaraplaýyn esasda hereket edýän Parlamentara dostluk toparlary kanun çykaryjylyk işinde we parlament diplomatiýasyny ösdürmekde tejribe alyşmaga mümkinçilikleri döredýär.

Duşuşygyň ahyrynda hormatly Prezidentimiz Serdar Berdimuhamedow hem-de Pakistan Yslam Respublikasynyň Senatynyň Başlygy Saýed Ýusuf Raza Gilani ýurtlarymyzyň arasyndaky däp bolan dostlukly gatnaşyklaryň iki doganlyk halkyň abadançylygynyň bähbidine mundan beýläk-de ugurlaryň giň gerimi boýunça ösdüriljekdigine ynam bildirip, birek-birege iň gowy arzuwlaryny beýan etdiler.

Soňky habarlar
23.06
TDHÇMB-nyň söwdalarynda geleşikleriň jemi bahasy ABŞ-nyň 32 million 994 müň dollaryndan gowrak boldy
22.06
Halkara parahatçylyk we ynanyşmak ýylynyň Medeniýet hepdeligine badalga berildi
22.06
1 million tonnadan gowrak türkmen bugdaýy taýýar
22.06
Hormatly Prezidentimiziň adyna gelen hatlar
22.06
Türkmenistanyň Daşary işler ministri bilen ABŞ-nyň Döwlet departamentiniň ýolbaşçylygynyň arasynda telefon arkaly söhbetdeşlik geçirildi
22.06
Ahal welaýatynda geçirilýän Medeniýet hepdeligine gatnaşyjylara
21.06
Türkmenistanyň barlag-goýberiş nokatlary gije-gündiziň dowamynda işleýärler
21.06
Türkmenistanyň Prezidenti O.Kononenkony doglan güni bilen gutlady
20.06
Türkmenistanyň Ministrler Kabinetiniň mejlisi
20.06
Türkmenistanyň Prezidenti “Türkmenistanda 2026-njy ýylda bugdaýyň bol hasylyny öndürmek hakynda” Karara gol çekdi
top-arrow