Baş sahypa
\
Medeniýet
\
Türkmen we amerikan sazandalarynyň bilelikdäki baýramçylyk konserti
Medeniýet
Türkmen we amerikan sazandalarynyň bilelikdäki baýramçylyk konserti
Çap edildi 22.12.2016
3183

Şu gün Magtymguly adyndaky sazly-drama teatrynda Türkmen milli konserwatoriýasynyň talyplarynyň we mugallymlarynyň belli amerikan sazandalary bilen bilelikdäki konserti geçirildi. Täze ýyl baýramçylyklarynyň öň ýanyndaky bu döredijilik çäresi Türkmenistanyň Medeniýet ministrliginiň hem-de ABŞ-nyň ýurdumyzdaky Ilçihanasynyň ýardam bermeginde guraldy. Türkmen-amerikan konsertini Roždestwo baýramçylygynyň şatlygyny paýlaşmaga gelen dostlar bilen ajaýyp duşuşyk boldy. Teatryň zalyna bu agşam Türkmenistanda işleýän diplomatik wekilhanalaryň işgärleri, paýtagtymyzyň saz ugurly okuw mekldepleriniň mugallymlary we okuwçylary, aýdym-sazyň köpsanly muşdaklary ýygnandylar. Roždestwo günlerinde dostlara sowgat paýlamak däbe öwrüldi. Bu däbe görä, amerikan dirižorlarynyň üçüsi Derek Bekwold, Eýweri Ueýt we Petr Toresen, şeýle hem meşhur wiolonçelçi we skripkaçy Kim Maý Nian aşgabatlylara hem-de paýtagtymyzyň myhmanlaryna saz sowgadyny bagyşladylar. Olar tarapyndan amerikan nusgawy sazlaryna öwrülen häzirki zaman kompozitorlarynyň eserlerinden konsert maksatnamasy düzüldi. Olarda Täze ýyl we Roždestwo baýramçylyklary öz beýanyny tapdy. Türkmen milli konserwatoriýasynyň mugallymlary we sazandalary ýerine ýetirijiler bolup çykyş etdiler. Hususan-da, konserte gatnaşmaga hor, skripkaçylaryň hem-de wiolonçelçileriň topary, şeýle hem Türkmen milli konserwatoriýasynyň simfoniki orkestri çagyryldy. Sahnada Leroý Anderseniň, Aaron Koplendiň, Mark O,Konnoryň, Daren Mitçeliň we beýleki kompozitorlaryň eserleri ýaňlandy. Owazlar maşgala bagtyýarlygynyň hem-de geljegimizi hemişe baglanyşdyrýan Täze ýylymyza röwşen umytlaryň ýyly mähri bolup doldy. Türkmen-amerikan konserti, hakykatdan-da, diňleýjiler, ýerine ýetirijiler we hatda, Amerikadan gelen myhmanlaryň özi üçin hem sowgat boldy. Bilelikdäki taslama gatnaşmaklary ýaş türkmen sazandalaryna özleriniň ýerine ýetirijilik tejribelerini baýlaşdyrmaga mümkinçilik berdi.

Soňky habarlar
20.11
Türkmenistanyň Ministrler Kabinetiniň mejlisi
20.11
Türkmenistanyň Prezidenti Karara gol çekdi
20.11
Çagalaryň şatlygy — dünýäniň abatlygy
20.11
GDA ýurtlarynyň parlamentara hyzmatdaşlygynyň täze ugurlary kesgitlenildi
19.11
Milli miras — geçmişiň tejribesini, häzirki döwrüň gazananlaryny we geljege tarap ynamly ädimleri baglanyşdyrýan köpri
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Russiýa Federasiýasynyň Federal Ýygnagynyň Federasiýa Geňeşiniň Başlygynyň duşuşygy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz GDA-nyň Baş sekretary bilen duşuşdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Balkan welaýatyna iş saparyny amala aşyrdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň GDA gatnaşyjy döwletleriň parlament ýolbaşçylarynyň öňündäki ÇYKYŞY
19.11
Awaza — dostlugyň we hyzmatdaşlygyň mekany
top-arrow