Baş sahypa
\
Syýasat habarlary
\
Türkmenistan Owganystana ynsanperwerlik kömegini iberdi
Syýasat habarlary
Türkmenistan Owganystana ynsanperwerlik kömegini iberdi
Çap edildi 10.10.2023
973

Gahryman Arkadagymyzyň türkmen halkynyň dost-doganlyk, hoşniýetli goňşuçylyk, ynsanperwerlik ýaly asylly ýörelgelerine esaslanýan döwlet syýasaty häzirki wagtda Arkadagly Gahryman Serdarymyz tarapyndan üstünlikli dowam etdirilýär. Owganystanda bolup geçen güýçli ýertitreme zerarly ejir çeken dostlukly döwletiň halkyna Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň goldaw bermeginde we guramagynda ynsanperwerlik kömeginiň iberilmegi hem munuň aýdyň beýanydyr. Ynsanperwerlik ýüki derman we saglygy goraýyş maksatly serişdelerden, dokma, azyk önümlerinden ybaratdyr.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň tagallalary bilen başy başlanan we häzirki döwürde döwlet Baştutanymyz tarapyndan üstünlikli durmuşa geçirilýän Türkmenistanyň daşary syýasatynyň möhüm ugurlarynyň biri goňşy we doganlyk ýurtlar bilen hyzmatdaşlygy çuňlaşdyrmakdan ybaratdyr. Şunda türkmen halkynyň gadymdan gelýän däp-dessurlaryny, ata-babalarymyzyň dost-doganlyk, hoşniýetli goňşuçylyk ýörelgelerini täze mazmun bilen baýlaşdyrmaga, asylly ynsanperwer işleriň oňyn tejribesini dowam etdirmäge aýratyn ähmiýet berilýär.

Kyn günde hemaýat bermek, doganlyk goluny uzatmak türkmen halkynyň asyrlar aşyp gelýän asylly ýörelgeleriniň biridir. Ýurdumyzda ynsanperwerlik, hoşniýetli goňşuçylyk, birek-birege goldaw bermek däpleri häzirki döwrüň ruhuna kybap derejede ösdürilýär. Bu kömek köp sanly adam pidalaryna, şikes ýetmelere we uly weýrançylyklara getiren tebigy betbagtçylyga duçar bolan adamlara ruhy goldawdyr. Munuň özi dostlukly ýurduň halkyna we ýolbaşçylaryna bildirilýän çuňňur hormatyň nobatdaky beýanydyr.

Tebigy hadysa zerarly dörän weýrançylygyň dikeldilýän günlerinde şeýle kömegiň iberilmegi ynsanperwerligiň belent ýörelgeleriniň berkarar bolýandygyny alamatlandyrýar. Häzirki döwürde hormatly Prezidentimiz Serdar Berdimuhamedowyň baştutanlygynda Garaşsyz, Bitarap Türkmenistan halkara gatnaşyklaryny özara hormat goýmak, ynanyşmak ýörelgeleri esasynda üstünlikli ilerledýär. Ejir çekenlere goldaw bermek boýunça gaýragoýulmasyz çäreleriň dessin kabul edilmegi Türkmenistanyň ählumumy derejede parahatçylygyň, durnuklylygyň pugtalandyrylmagyna, ynsanperwer taglymlaryň dabaralanmagyna ygrarlydygynyň nyşanydyr.

Soňky habarlar
22.05
Arkadag şäheri: täzeçil çözgütler we geljekki ösüş mümkinçilikleri
21.05
Ählumumy parahatçylygyň we abadançylygyň bähbidine netijeli hyzmatdaşlygy ilerledip
20.05
Türkmenistanyň Prezidenti iş maslahatyny geçirdi
20.05
Türkmenistanyň Prezidenti Halkara agyr atletika federasiýasynyň ýolbaşçysyny kabul etdi
20.05
Parahatçylyk söýüjilik we döredijilik ýörelgelerine ygrarlylyk
20.05
Wise-premýer B.Annamämmedowyň ýolbaşçylygyndaky ýurdumyzyň wekiliýeti Saud Arabystany Patyşalygynyň Er-Riýad şäherinde gulluk iş saparynda bolar
19.05
Türkmenistanyň Prezidenti Rim Papasyny gutlady
19.05
Gahryman Arkadagymyz bilen Birleşen Arap Emirlikleriniň wise-prezidentiniň arasynda telefon arkaly söhbetdeşlik
19.05
Täze üstünlikleriň we rowaçlyklaryň ýoly bilen
19.05
Türkmenistanda «Parahatçylyk sazy» atly halkara festiwal badalga aldy
top-arrow