Baş sahypa
\
Medeniýet
\
Türkmen sungaty halkara festiwalynyň sahnasynda
Medeniýet
Türkmen sungaty halkara festiwalynyň sahnasynda
Çap edildi 10.11.2016
3040

Kwanju, 10-njy noýabr /TDH/. Şu gün türki medeniýetiň Halkara festiwalynyň çäklerinde Kwanju şäheriniň Aziýa medeni merkeziniň teatrynda Türkmenistanyň we Türkiýe Respublikasynyň medeniýet we sungat ussatlarynyň bilelikdäki konserti boldy. Ozal habar berlişi ýaly, foruma biziň ýurdumyzyň wekiliýeti hem gatnaşýar. Onuň düzüminde estrada aýdymlaryny meşhur ýerine ýetirijiler, görnükli bagşy-sazandalar, “Galkynyş” folklor-tans topary, muzeý işgärleri bar. Kwanju --ýarym adanyň günorta-günbatar böleginde ýerleşen Günorta Koreýanyň iri şäheridir. Konsertiň öň ýanynda geçirilen resmi dabarada çykyş edenler türki dilli ýurtlaryň däp bolan hyzmatdaşlygyny baýlaşdyrmaga, halklaryň taryhy mirasyny, baý milli dessurlaryny wagyz etmäge ýardam bermäge gönükdirilen bu wakanyň ähmiýetini nygtadylar. Dabaraly bölek tamamlanandan soň, uly konsert geçirilip, türkmen we türk artistleriniň çykyşlary onuň maksatnamasyny düzdi. Çykyşlarda halk we döwrebap aýdym-sazlary, folklor kompozisiýalary, milli we dünýäniň saz medeniýetiniň taryhyna ajaýyp sahypalary ýazan kompozitorlaryň eserleri ýaňlandy. Baýramçylyk konserti “Galkynyş” folklor toparynyň “Dost-doganlyk owazy” diýen edebi-çeper kompozisiýasyny görkezen owadan çykyşy bilen açyldy. Türkmen bagşylary jadylaýjy sazyň dili bilen halkymyzyň özboluşly milli däpleri barada gürrüň berdiler. Halk saz gurallarynyň gaýtalanmajak owazy hem-de ýurdumyzyň estradasynyň döwrebap depginli sazlary, aýdymçylaryň ýakymly sesleri hem-de milli öwüşginli tanslar—bularyň ählisi göýä aýdym-sazdan çitilen bir uly halyda utgaşykly jemlenip, tomaşaçylaryň el çarpyşmalary we güler ýüzleri bilen bezeldi. Türkmen folklor sungatynyň ýüzi bolan, tomaşaçylarda egsilmez joşgunly duýgulary döreden gadymy we baky küştdepdi konsertiň hakyky bezegine öwrüldi. Konserte gatnaşyjylaryň ählisiniň ýerine ýetirmeginde we owadan wideoşekilleriň görkezilmegi bilen ýaňlanan “Bitarap Türkmenistan” diýen aýdym dabaranyň jemleýji bölegi bolup ýaňlandy. Onuň joşgunly mukamy hem-de ajaýyp watançylyk sözleri öz milli Lideri Gurbanguly Berdimuhamedowyň ýolbaşçylygynda döredijiligiň we ösüşiň täze sepgitlerine tarap ynamly barýan Garaşsyz, Bitarap Watanymyzyň özboluşly senasyna öwrüldi. Ertir, 11-nji noýabrda medeni çäräniň çäklerinde Koreýa Respublikasynyň Milli muzeýinde gatnaşyjy ýurtlaryň ählisiniň çeper filmleriniň görkezilişi bolar. Ýekşenbe güni, 13-nji noýabrda bu ýerde Türkmenistanyň Güni geçiriler. Onuň maksatnamasy boýunça Türkmenistanyň Döwlet medeniýet merkeziniň Döwlet muzeýiniň hem-de Lebap welaýat taryhy-ülkäni öwreniş muzeýiniň gymmatlyklarynyň sergisi geçiriler. Aşgamara teatr sahnasynda uly konsert berler. Şol ýerde hem döredijiik çäresiniň ýapylyş dabarasy bolar.

Soňky habarlar
20.11
Türkmenistanyň Ministrler Kabinetiniň mejlisi
20.11
Türkmenistanyň Prezidenti Karara gol çekdi
20.11
Çagalaryň şatlygy — dünýäniň abatlygy
20.11
GDA ýurtlarynyň parlamentara hyzmatdaşlygynyň täze ugurlary kesgitlenildi
19.11
Milli miras — geçmişiň tejribesini, häzirki döwrüň gazananlaryny we geljege tarap ynamly ädimleri baglanyşdyrýan köpri
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Russiýa Federasiýasynyň Federal Ýygnagynyň Federasiýa Geňeşiniň Başlygynyň duşuşygy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz GDA-nyň Baş sekretary bilen duşuşdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Balkan welaýatyna iş saparyny amala aşyrdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň GDA gatnaşyjy döwletleriň parlament ýolbaşçylarynyň öňündäki ÇYKYŞY
19.11
Awaza — dostlugyň we hyzmatdaşlygyň mekany
top-arrow