Baş sahypa
\
Jemgyýet
\
“Türkmeniň döwletlilik ýörelgesi” kitabynyň ermeni dilindäki neşiriniň tanyşdyrylyş dabarasy
Jemgyýet
“Türkmeniň döwletlilik ýörelgesi” kitabynyň ermeni dilindäki neşiriniň tanyşdyrylyş dabarasy
Çap edildi 16.03.2022
3229

Şu gün Daşary işler ministrliginiň Halkara gatnaşyklary institutynyň maslahatlar zalynda milli Liderimiz Gurbanguly Berdimuhamedowyň “Türkmeniň döwletlilik ýörelgesi” kitabynyň ermeni dilindäki neşiriniň tanyşdyrylyş dabarasy boldy.

Dabara paýtagtymyzdaky ýokary okuw mekdepleriniň rektorlary, professor-mugallymlary we talyplary, köpçülikleýin habar beriş serişdeleriniň wekilleri, şeýle hem sanly ulgam arkaly Ermenistan Respublikasynyň wekilleri gatnaşdylar.

Çykyşlarda dünýä medeniýetiniň ösüşine saldamly goşant goşan türkmenleriň medeni mirasyny hemmetaraplaýyn öwrenmek we wagyz etmek boýunça alnyp barylýan giň gerimli işler barada aýratyn durlup geçildi. Bellenilişi ýaly, bu filosofik-edebi eser many-mazmuny boýunça türkmen halkynyň köpasyrlyk pähim-parasadynyň we belent ruhy gymmatlyklarynyň jemlenmesidir.

Ermenistan Respublikasynyň Türkmenistandaky Adatdan daşary we Doly ygtyýarly ilçisi Ruben Hazarýan bu günki çäräniň iki ýurduň üstünlikli ösdürilýän dostlukly gatnaşyklarynyň pugtalandyrylmagynyň ýene-de bir aýdyň mysalydygyny belledi. 30 ýyllyk diplomatik gatnaşyklar barada aýtmak bilen, ilçi şu geçen ýyllaryň dowamynda bilelikdäki tagallalar bilen dürli pudaklarda özara hyzmatdaşlygyň ýokary derejesine ýetmegiň başardandygyny we ýurtlarymyzyň arasynda ynanyşmagyň, özara düşünişmegiň pugtalandyrylandygyny nygtady.

Dabara sanly ulgam arkaly gatnaşyjylar milli Liderimiziň “Türkmeniň döwletlilik ýörelgesi” atly eseriniň türkmen halkynyň taryhy ýoluny has giňişleýin öwrenmäge hem-de dünýäniň ylmy-ykdysady, medeni taýdan ösüşine goşýan goşandyna aýdyň düşünmäge we onuň dünýägaraýşynyň aýratynlyklary bilen tanyşmaga mümkinçilik berýändigini nygtadylar.

Çykyş edenler giň okyjylar köpçüligine niýetlenen bu kitabyň medeniýeti öwreniji alymlar üçin türkmen halkynyň ruhy-ahlak gymmatlyklaryna düşünmekde aýratyn ähmiýetli gollanma bolmak bilen, dünýäniň halklaryny ýakynlaşdyrýan dostluk köprüsidigini bellediler.

Tanyşdyrylyş dabarasyna gatnaşyjylar milli Liderimiz Gurbanguly Berdimuhamedowyň adyna Ýüzlenme kabul edip, onda köpugurly işleri, şol sanda halkymyzyň däplerini gorap saklamak boýunça tagallalary hem-de raýatlaryň rowaçlygy we Watanymyzyň gülläp ösmegi baradaky aladalary üçin hoşallyk bildirdiler.

Soňky habarlar
18.09
Paýtagtymyzda Türkmenistanyň ykdysady üstünlikleriniň sergisi öz işine başlady
18.09
Awazada halkara forum geçirilýär
18.09
Birleşen Milletler Guramasynyň Baş Assambleýasynyň 80-nji sessiýasynda Türkmenistanyň ileri tutýan garaýyşlary
18.09
Türkmenistanyň Garaşsyzlygynyň 34 ýyllygy mynasybetli ýurdumyzyň ykdysady üstünlikleriniň sergisine gatnaşyjylara
18.09
Türkmenistanyň maýa goýum forumyna gatnaşyjylara
17.09
Türkmenistanyň Prezidenti çagyryş boýunça harby gullugy geçýän harby gullukçylary harby gullukdan boşatmak we Türkmenistanyň raýatlarynyň harby gulluga nobatdaky çagyrylyşy hakynda Permana gol çekdi
17.09
Täze oba — ýurdumyzyň ykdysady kuwwatynyň nyşany
17.09
Arkadag şäherinde täze ýaşaýyş jaýlaryň açylyş dabarasy boldy
17.09
Ahal welaýatynyň Kaka etrabynyň Gowşut geňeşliginde täze, döwrebap Bagtly zamana obasynyň açylyş dabarasyna gatnaşyjylara
17.09
Türkmenistanyň Prezidenti Russiýa Federasiýasynyň Tatarystan Respublikasynyň saýlanan Baştutanyny gutlady
top-arrow