Onuň Alyhezreti,

Türkmenistanyň Prezidenti

jenap Gurbanguly Berdimuhamedowa

Siziň Alyhezretiňiz!

Yslam Hyzmatdaşlyk Guramasynyň Baş sekretary wezipesine resmi taýdan girişendigim barada Size habar bermek meniň üçin uly hormatdyr.

Bildiren ynamyňyz üçin Siziň Alyhezretiňize buýsanç we hoşallyk duýgularyny beýan edýärin hem-de YHG-nyň agza ýurtlarynyň hem-de tutuş musulman ymmatynyň bähbidine guramany yzygiderli ösdürmek üçin ähli tagallalary etjekdigime ynandyrýaryn. Siziň parasatly maslahatlaryňyzyň bu asylly maksatlara ýetmekde hemişe döredijiligiň çeşmesi bolup hyzmat etjekdigine ynanýaryn.

Siziň Alyhezretiňiziň Yslam Hyzmatdaşlyk Guramasynyň wezipeleriniň oňyn çözülmegine ýardam etjek maksatnamalaryň durmuşa geçirilmegine goldaw bermegine sabyrsyzlyk bilen garaşýaryn.

Siziň Alyhezretiňiz, Size tüýs ýürekden hormat goýýandygym baradaky ynandyrmalarymy kabul etmegiňizi haýyş edýärin!

Husseýn Ibrahim TAHA,

Yslam Hyzmatdaşlyk Guramasynyň Baş sekretary.