Onuň Alyhezreti,
Türkmenistanyň Prezidenti
jenap Gurbanguly Berdimuhamedowa
Gadyrly dostumyz!
Patyşalygyň we Türkmenistanyň arasynda ýola goýlan dostlukly gatnaşyklary saklamak hem-de pugtalandyrmak islegi bilen, biz hormatly hanym Lýusia Uaýldy Beýik Britaniýanyň we Demirgazyk Irlandiýanyň Birleşen Patyşalygynyň Türkmenistandaky Adatdan daşary we Doly ygtyýarly ilçisi wezipesine bellemek kararyna geldik.
Hanym Lýusia Uaýldyň belent şahsy häsiýetleri onuň özüne ynanylan wezipäni Siziň Alyhezretiňiziň makullamagyna we hormatyna mynasyp derejede ýerine ýetirjekdigine ynanmaga esas döredýär. Şunuň bilen baglylykda, hanym Lýusia Uaýldyň biziň adymyzdan aýtjak sözleriniň ählisine, aýratyn-da, iň gowy arzuwlarymyzy hem-de Türkmenistanyň abadançylygyna we rowaçlygyna tüýs ýürekden gyzyklanma bildirýändigimiz baradaky ynandyrmalarymyzy ýetiren mahaly, Siziň oňa doly ynanmagyňyza umyt edýäris.
Goý, Beýik Biribar Sizi öz penasynda aman saklasyn!
Siziň hoşniýetli dostuňyz,
Ýelizaweta II,
Beýik Britaniýanyň we Demirgazyk Irlandiýanyň
Birleşen Patyşalygynyň Şa zenany.