Baş sahypa
\
Sport
\
Türkmen türgeni Aýsoltan Toýçyýewa Daşkentde geçirilýän Aziýa çempionatynda bürünç medallaryň ikisini eýeledi
Sport
Türkmen türgeni Aýsoltan Toýçyýewa Daşkentde geçirilýän Aziýa çempionatynda bürünç medallaryň ikisini eýeledi
Çap edildi 24.04.2021
15257

Marydan sport ussady Aýsoltan Toýçyýewa Daşkentde geçirilýän Aziýa çempionatynda silterläp we iki synanşygyň jemi boýunça bürünç medallaryň ikisini eýeledi. Türkmenistanyň at gazanan tälimçisi Ikram Mätkarimowyň 24 ýaşly şägirdi olimpiýa oýunlarynyň maksatnamasyna  girmeýän 81 kg çenli agramda şeýle netije gazandy, bu agram derejesinde 7 ýurtdan 8 türgen baýrakly orunlar ugrunda bäsleşdi.

Aýsoltan iki synanşykda 218 kg (silterläp – 96 kg, itekläp – 122 kg) netije bilen 4-nji orna düşen Nigora Suwonowadan (Özbegistan) 1 kg artyk  we 2018-nji ýylda Aşgabatda geçirilen dünýä çempionatyndaky netijesinden 1 kg az ştanga  göterdi. Bu agramda Karina Kuzganbaýewa (Gazagystan) 232 kg (104+128 kg) netije bilen kümüş baýraga mynasyp boldy. 236 kg (103+133 kg) ştanga bäs gelen Çan Hýon Çžu (Koreýa Respublikasy)  Aziýanyň çempiony boldy.

Diňe bir medallar däl, eýsem Tokio olimpiadasyna gatnaşmak üçin utuklar gazanylýan Aziýa çempionatynda indi türgenlerimiz Öwez Öwezow (109 kg çenli)  bilen  Hojamuhammet Toýçyýew (109 kg agramdan ýokary agramda) çykyş etmeli.

Soňky habarlar
28.11
Türkmenistanyň Prezidenti Gazagystan Respublikasynyň Premýer-ministrini kabul etdi
28.11
Türkmenistanyň Prezidentiniň Eýran Yslam Respublikasynyň Prezidenti bilen duşuşygy
28.11
Türkmenistanyň Prezidentiniň Pakistan Yslam Respublikasynyň Prezidenti bilen duşuşygy
28.11
Türkmenistanyň Prezidentiniň Täjigistan Respublikasynyň Prezidenti bilen duşuşygy
28.11
Hormatly Prezidentimiz Gurbanguly Berdimuhamedow bilen Prezident Rejep Taýyp Ärdoganyň arasynda gepleşikler geçirildi
28.11
Türkmenistanyň Prezidenti Ykdysady Hyzmatdaşlyk Guramasynyň Baş sekretaryny kabul etdi