Wise-premýer, Türkmenistanyň daşary işler ministri Reşit Meredow Aşgabada iş sapary bilen gelen Türkiýe Respublikasynyň DIM-niň ýolbaşçysy Mewlýut Çawuşoglu bilen duşuşyk geçirdi.

Taraplar türkmen-türk gatnaşyklarynyň möhüm ugurlaryny ara alyp maslahatlaşdylar. Syýasy-diplomatik hyzmatdaşlyga, şol sanda sebit we halkara düzümlerinde hyzmatdaşlyga jikme-jik garaldy.

Türkiýäniň daşary syýasat edarasynyň ýolbaşçysy Türkmensitanyň halkara derejesinde parahatçylykly gatnaşyklary ilerletmekdäki işjeň ornuny belledi, ol Birleşen Milletler Guramasynyň meýdançasynda kabul edilen wajyp başlangyçlarda beýan edildi. Türkmensitanyň Ykdysady hyzmatdaşlyk guramasyna başlyklyk etmeginiň ähmiýeti barada aýdyp, Mewlýut Çawuşoglu türk tarapynyň sebit ykdysady goşulyşmasy üçin ulag-üstaşyr we energetika geçelgelerini giňeltmek boýunça işleri geçirmäge taýýardygyny beýan etdi. Lapis Lazuli geçelgesi üstünlikli hyzmatdaşlygyň mysallarynyň biridir.

Taraplar şeýle hem söwda-ykdysady hyzmatdaşlygyň ugurlaryna, şeýle-de ynsanperwer ulgamda gatnaşyklara we howpsuzlyk babatda hyzmatdaşlyk, şol sanda ekologiýa hyzmatdaşlygy meselelerine garadylar.

Aşgabatda saparda bolmagynyň dowamynda Türkiýe Respublikasynyň DIM-niň ýolbaşçysy Mewlýut Çawuşoglu Türkmenistanyň Garaşsyzlyk Binasyna gül dessesini goýdy.