Türkmenistanyň Prezidenti Gurbanguly Berdimuhamedow “Türkmenistanyň halkara şertnamalary hakyndaky” Türkmenistanyň Kanunyna laýyklykda Buýruga gol çekdi. Resminama laýyklykda, saglygy goraýyş we derman senagaty ministrine “Türkmenistanyň Saglygy goraýyş we derman senagaty ministrligi bilen Birleşen Milletler Guramasynyň Ilat gaznasynyň arasynda “Nesil saglygy babatda ýokary hilli hyzmatlara umumy elýeterliligi gowulandyrmak” atly taslamany ýerine ýetirmegiň 2021-nji ýyl üçin iş meýilnamasyna”; zähmet we ilaty durmuş taýdan goramak ministrine “Türkmenistanyň Zähmet we ilaty durmuş taýdan goramak ministrligi bilen Birleşen Milletler Guramasynyň Çagalar gaznasynyň arasynda 2021-nji ýyl üçin iş meýilnamasyna” türkmen tarapyndan gol çekmäge ygtyýar berildi.