Baş sahypa
\
Medeniýet
\
«Arçabil» topary «Şark taronalari» XII Halkara aýdym-saz gözden geçirilişinde 2-nji orna mynasyp boldy
Medeniýet
«Arçabil» topary «Şark taronalari» XII Halkara aýdym-saz gözden geçirilişinde 2-nji orna mynasyp boldy
Çap edildi 30.08.2019
5055

Samarkantda «Şark taronalari» («Gündogar owazlary») XII Halkara aýdym-saz gözden geçirilişiniň dabaraly ýapylyşynyň dowamynda abraýly bäsleşigiň ýeňijilerine we onda baýrakly orunlary eýelänlere baýraklary gowşurmak dabarasy boldy. Şu ýyl Özbegistanda geçirilen medeniýet forumyna dünýä ýurtlarynyň 72-sinden sungat muşdaklarynyň we köpçülikleýin habar beriş serişdeleriniň wekilleri ýygnandylar, onda 32 döwletden aýdymçylar, tansçylar we sazandalar gözden geçirilişiň baýraklary hem diplomlary ugrunda bäsleşdiler. Samarkant welaýatynyň häkiminiň «Şark taronalari» gözden geçirilişiniň myhmanlaryna hem-de oňa gatnaşyjylara gutlagyndan we özbek estradasynyň ýyldyzlarynyň konsertinden soň, abraýly halkara eminler topary ses berlişigiň netijesini yglan etdiler, onuň hatarynda ildeşimiz, Türkmenistanyň at gazanan artisti, dirižýor, kompozitor we Türkmen Milli konserwatoriýasynyň mugallymy Omar Igamow hem bardy. Aşgabatdan «Arçabil» topary 2-nji orna mynasyp boldy, tomaşaçylar we saz bilermenleri tarapyndan gyzgyn garşylanan topara «Şark taronalari» XII Halkara aýdym-saz gözden geçirilişiniň degişli diplomy, pul baýragy we ýörüte baýragy gowşuryldy. Medeniýet forumynyň baýragyna, şeýle hem Özbegistanyň, Gyrgyzystanyň, Azerbaýjanyň, Mongoliýanyň, Täjigistanyň we Russiýanyň wekilleri mynasyp boldular. Günorta Koreýanyň, Estoniýanyň, Hindistanyň, Gazagystanyň we Eýranyň sungat wekilleri «iň gowy lybas», «özboluşly owazy», «Gündogar sazlaryny ösdürmäge goşan goşandy» we ş.m. ugurlarda höweslendirij baýraklar bilen sylaglandylar. Täsirli sazlary bilen ýerli tomaşaçylaryň söýgüsini gazanan ABŞ-dan «Henhouse Prowlers» toparynyň aristlerine gözden geçirilişiň eminler toparynyň ýörite baýragy berildi. Halkara aýdym-saz gözden geçirilişiniň dabaraly ýapylşynyň ahyrynda Registan meýdançaynyň asmanyna baýramçylyk feýerwerki gözellik çaýdy. Indiki, XIII «Şark taronalari» gözden geçirilişi 2021-nji ýylda geçiriler.

Soňky habarlar
20.11
Türkmenistanyň Ministrler Kabinetiniň mejlisi
20.11
Türkmenistanyň Prezidenti Karara gol çekdi
20.11
Çagalaryň şatlygy — dünýäniň abatlygy
20.11
GDA ýurtlarynyň parlamentara hyzmatdaşlygynyň täze ugurlary kesgitlenildi
19.11
Milli miras — geçmişiň tejribesini, häzirki döwrüň gazananlaryny we geljege tarap ynamly ädimleri baglanyşdyrýan köpri
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň we Russiýa Federasiýasynyň Federal Ýygnagynyň Federasiýa Geňeşiniň Başlygynyň duşuşygy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz GDA-nyň Baş sekretary bilen duşuşdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz Balkan welaýatyna iş saparyny amala aşyrdy
19.11
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň GDA gatnaşyjy döwletleriň parlament ýolbaşçylarynyň öňündäki ÇYKYŞY
19.11
Awaza — dostlugyň we hyzmatdaşlygyň mekany
top-arrow