Türkmenistanyň Prezidenti Gurbanguly Berdimuhamedow ýurdumyzyň halkynyň we Hökümetiniň adyndan, şeýle hem hut öz adyndan Amerikanyň Birleşen Ştatlarynyň Prezidenti Donald Trampa Amerikanyň Birleşen Ştatlarynyň 41-nji Prezidenti Jorj Gerbert Uoker Buşuň aradan çykmagy zerarly gynanç hatyny ýollady. Hatda bellenilişi ýaly, Jorj Gerbert Uoker Buş görnükli syýasatçy we döwlet işgäri bolup, Amerikanyň Birleşen Ştatlarynyň abadançylygy hem-de onuň halkynyň bagtyýar durmuşy ugrunda örän uly işleri bitirdi. Döwlet Baştutanymyz şu agyr pursatda merhumyň dogan-garyndaşlaryna, şeýle hem Amerikanyň dostlukly halkyna ýürekden duýgudaşlyk we medet beriji sözlerini beýan etdi.