1705
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 29-sy hasaba alyndy. Daşary ýurt walýutasyna Birleşen Arap Emirliklerinden gelen telekeçiler Türkmenbaşydaky nebiti gaýtadan işleýän zawodlar toplumynda öndürilen suwuklandyrylan gazy, şeýle hem tehniki uglerody (“Türkmenhimiýa” DK) satyn aldylar. Bulardan başga-da, daşary ýurt walýutasyna arassalanan pagta ýagy, boýalan tüýjümek önümleriň toplumy, nah ýüplükler, pagta süýümi ýerlenildi. Satyn alan ýurtlar: Russiýa, Beýik Britaniýa, Şweýsariýa, Türkiýe, Singapur, Owganystan, Täjigistan we beýlekiler. Geleşikleriň umumy bahasy ABŞ-nyň 36 million 415 müň dollaryndan gowrak boldy. Ýurdumyzyň telekeçileri içerki bazar üçin bahasy 27 müň manatlykdan gowrak bolan awtoulagy satyn aldylar.
