26-njy ýanwarda geçirilen Hökümetiň giňişleýin mejlisinde Türkmenistanyň iň gowy etraby diýen at ugrundaky milli bäsleşigiň jemleri yglan edildi Kärdeşler arkalaşyklarynyň Milli merkeziniň ýolbaşçylyk edýän ýörite topary bäsleşigiň netijelerini jemlände, Oba milli maksatnamasynyň üstünlikli durmuşa geçirilmegini, däne we pagta ýygnap almak boýunça şertnamalaýyn borçnamalarynyň ýerine ýetirilişini, ýaşaýyş-durmuş we medeni maksatly desgalaryň ulanylmaga berlişi ýaly görkezijileri göz öňünde tutdy. Şeýle hem ilaty iş bilen üpjün etmek, ekologiýa howpsuzlygy, ilatyň medeni dynç alşy hem-de bedenterbiýe we sport bilen meşgullanmaga çekilmegi, sagdyn jemgyýeti kemala getirmek ýaly ugurlara üns berildi.

Türkmenistanyň ulag-aragatnaşyk toplumy 2017-nji ýyly ýokary görkezijiler bilen tamamlady. Ministrler Kabinetiniň giňeldilen mejlisinde wise- B.Annameredowyň habar berşi ýaly, 2017-nji ýylda 4 milliard 892 million manatlyk ýük, weýolagçy gatnatmak hyzmatlary ýerine ýetirilip, meýilnama 103 göterim berjaý edildi, ösüş depgini bolsa 105 göterime deň boldy.

Hor­mat­ly Pre­zi­den­ti­miz Gurbanguly Berdimuhamedowyň tab­şy­ry­gy bo­ýun­ça Türk­me­nis­ta­nyň we­ki­li­ýe­ti iki­ta­rap­la­ýyn hyz­mat­daş­ly­gy gi­ňelt­mek, däp bo­lan hyz­mat­daş­lar bi­len öza­ra gat­na­şyk­la­ryň tä­ze usul­la­ry­ny göz­le­mek hem-de gel­je­gi uly türk­men ba­za­ry­na çyk­ma­ga ça­lyş­ýan kom­pa­ni­ýa­lar bi­len işe­wür gat­na­şyk­la­ry ýo­la goý­mak mak­sa­dy bi­len, Be­ýik Bri­ta­ni­ýa­nyň paý­tag­ty­na iş sa­pa­ry­ny ama­la aşyr­dy.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 18-si hasaba alyndy.

Saud Arabystany TOPH gaz geçirijiniň gurluşygyna maýa goýum serişdesini iberýär. Türkmenistanyň Ministrler Kabinetiniň mejlisinde wise-premýer M.Babaýew hormatly Prezidentimiziň Saud Arabystany Patyşalygyna 2016-njy ýylyň maý aýynda bolan resmi saparynyň barşynda gazanylan ylalaşyga laýyklykda, Saud Arabystanynyň ösüş gaznasy tarapyndan berilýän maýa goýumlary barada habar berdi.

31-nji ýanwar – 2-nji fewral aralygynda Söwda-senagat edarasynyň sergiler merkezinde senagat önümleriniň, enjamlarynyň we döwrebap tehnologiýalaryň halkara sergisi geçiriler. Häzirki wagtda gözden geçirilişe daşary ýurtlaryň kompaniýalarynyň wekilleri hem-de ýurdumyzyň ministrlikleriniň we pudak edaralarynyň kärhanalarynyň, Senagatçylar we telekeçiler birleşmesiniň agzalary gatnaşmaga isleg bildirdiler.

Şu hepdede, sişenbe güni Türkmenistandan Akýaýla demir ýol menziliniň üsti bilen Hytaý-Gazagystan-Türkmenistan-Eýran ugry boýunça synag gatnawyny amala aşyrýan düzümleriň tapgyryndan üçünji konteýner ýük düzümi Eýrana ugrady. Ozal habar berlişi ýaly, şu ýol boýunça ilkinji şeýle demir ýol düzümi türkmen-eýran serhedinden 8-nji ýanwarda, şondan birnäçe gün soň, 12-nji ýanwarda ikinjisi geçdi.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 22-si hasaba alyndy.

12-nji ýanwarda geçirilen Hökümetiň mejlisinde wise-premýer M.Aýdogdyýew Ahal welaýatynyň Owadandepe obasynda «Türkmen aýna önümleri» täze kärhanasyny işe girizmäge taýýarlyk görlüşiniň barşy barada hasabat berdi. Bu desga daşary ýurtlardan getirilýän önümleriň ornuny tutýan harytlary öndürmek boýunça döwlet maksatnamasynyň durmuşa geçirilmeginiň çäklerinde amala aşyryldy. Ol dünýäniň esasy önüm öndürijilerinden getirilen enjamlar bilen üpjün edildi. Kärhana gurluşyk aýnalarynyň dürli görnüşlerini hem-de dürli görnüşli çüýşe gaplaryny öndürmäge mümkinçilik berýär. Aýna önümçiligi ulgamynda ýokary hünärli işgärleri taýýarlamak maksady bilen, türkmen hünärmenleri degişli okuwy geçdiler.

Türkmenistan Birleşen Arap Emirlikleriniň Dubaý şäherinde geçiriljek «EKSPO-2020» Bütindünýä sergisine gatnaşmaga taýýarlyk görýär. Ministrler Kabinetiniň mejlisinde wise-premýer O.Gurbannazarowyň habar berşi ýaly, 2020-nji ýylyň 20-nji oktýabryndan 2021-nji ýylyň 10-njy apreli aralygynda “Akyl-paýhasymyzy birleşdirip, geljegi döredýäris” atly mowzuk bilen geçiriljek dünýä derejesindäki gözden geçirilişde milli sergimiz guralar. Ony taýýarlamak üçin «EKSPO-2020»-niň guramaçylyk komiteti bilen gatnaşyklar ýola goýuldy.