Silap Şamyradowiç Welbegowy Türkmenistanyň Statistika baradaky döwlet komitetiniň başlygy wezipesine belläp, ony Türkmenistanyň maliýe we ykdysadyýet ministriniň orunbasary wezipesinden boşatmaly.

Kakabaýew Merdan Maksatowiçi, özüne ynanylan wezipäni oňarmandygy üçin, «Türkmenstandartlary» baş döwlet gullugynyň başlygy wezipesinden boşatmaly.

Gurbanow Halykdurdy Annadurdyýewiçi, işde goýberen kemçilikleri we özüne ynanylan wezipäni oňarmandygy üçin, Türkmenistanyň Statistika baradaky döwlet komitetiniň başlygy wezipesinden boşatmaly.

Şu gün hormatly Prezidentimiz Gurbanguly Berdimuhamedow Ministrler Kabinetiniň giňişleýin mejlisini geçirdi. Onda milli ykdysadyýetimiziň pudaklarynda şu ýylyň birinji ýarymynda ýerine ýetirilen işleriň jemleri jemlenildi. Mejlisde durmuş-ykdysady ösüş maksatnamalarynyň durmuşa geçirilişiniň barşyna baha berildi, hökümetiň, aýry-aýry ministrlikleriň, sebitleriň dolandyryş edaralarynyň işiniň netijelerine, guramaçylyk meselelerine garaldy, ikinji ýarym ýyl üçin ileri tutulýan wezipeler kesgitlenildi.

«Türkmenistanyň Halk Maslahatynyň mejlisini 2019-njy ýylda çagyrmak hakynda» Türkmenistanyň Halk Maslahatynyň 2018-nji ýylyň 25-nji sentýabrynda çykaran 4-nji Kararyny ýerine ýetirmek hem-de Türkmenistanyň Halk Maslahatynyň mejlisini guramaçylykly geçirmek maksady bilen, Türkmenistanyň Prezidenti Karara gol çekdi. Resminama laýyklykda, ministrliklere we pudaklaýyn dolandyryş edaralaryna Türkmenistanyň Halk Maslahatynyň mejlisiniň ýokary derejede guramaçylykly geçirilmegini üpjün etmek tabşyryldy.

Türkmenistanyň Prezidentiniň Karary bilen, Rozygeldi Jumagylyjowiç Allaberdiýew, pensiýa gitmegi sebäpli, Türkmenistanyň Döwlet energetika institutynyň okuw işleri boýunça prorektory wezipesinden boşadyldy.

Hajymämmet Soltanowy, pensiýa gitmegi sebäpli, Türkmenistanyň Döwlet energetika institutynyň rektory wezipesinden boşatmaly.

Serdar Goçakowiç Nazarowy Türkmenistanyň Döwlet energetika institutynyň rektory wezipesine bellemeli.

Türkmenistanyň Prezidentiniň Karary bilen, Işanguly Bakyýew Türkmen döwlet maliýe institutynyň okuw işleri boýunça prorektory wezipesinden boşadyldy.

Şu gün Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow Döwlet howpsuzlyk geňeşiniň nobatdaky mejlisini geçirdi. Onda ýurdumyzyň harby we hukuk goraýjy edaralarynyň 2019-njy ýylyň birinji ýarymynda ýerine ýetirilen işleriniň jemlerine garaldy hem-de olaryň işini mundan beýläk-de kämilleşdirmek boýunça möhüm wezipeler kesgitlenildi.