Şu gün paýtagtymyzda Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli medeniýet we sungat ussatlarynyň baýramçylyk konserti boldy. Oňa hormatly Prezidentimiz Serdar Berdimuhamedow ýurdumyzda guralan halkara çärelerine gatnaşmak üçin gelen daşary ýurtlaryň döwlet we hökümet ýolbaşçylary bilen bilelikde gatnaşdy.

Milll senenamamyzda möhüm orun eýeleýän şanly senäniň hormatyna guralan dabaralar Türkmenistanyň hemişelik Bitaraplygynyň 30 ýyllygy mynasybetli beýik baýramçylyk mynasybetli ýaýbaňlandyrylan çäreleriň many-mazmun taýdan baýlaşmagyny şertlendirdi. Belent ruha beslenen aýdym-sazly çykyşlar ýurdumyzyň abadançylygyny, halkymyzyň bagtyýar durmuşyny giňden wasp etdi.

Baýramçylyk mynasybetli medeniýet we sungat ussatlarynyň, folklor toparlarynyň, teatr artistleriniň taýýarlan baýramçylyk konserti oňa gatnaşyjylarda ýatdan çykmajak täsirler galdyrdy. Baýramçylyk konsertinde milli aýdym-sazlaryň daşyr ýurt aýdymlary bilen utgaşykly ýaňlanmagy tomaşaçylaryň şowhunly el çarpyşmalaryna mynasyp boldy.

Şeýle hem baýramçylyk konsertinde Gahryman Arkadagymyzyň sözlerine, Kerim Berdimuhamedowyň sazyny ýazan “Aşgabat” atly aýdymyň ýaňlanmagy Türkmenistanyň hemişelik Bitaraplygynyň 30 ýyllyk senesi mynasybetli taýýarlanylan konsertiň ähmiýetini we derejesini belende göterdi. Joşgunly aýdymyň ýurdumyzyň belli tans toparlarynyň çykyşlary bilen utgaşmagy has-da täsirli boldy.

Munuň özi ösüşleriň belentliklerine tarap ynamly gadam urýan ýurdumyzyň durmuşynda taryhy ähmiýeti bolan şanly seneleriň medeni maksatnamasynyň taýýarlanmagyna örän jogapkärçilikli we hemmetaraplaýyn esasda çemeleşilýändigini görkezdi. Aýdym-sazly çykyşlaryň ajaýyp sahnanyň monitorlarynda görkezilýän şekiller bilen utgaşmagy baýramçylyk konsertiniň many-mazmun taýdan baýlaşmagyny üpjün etdi.

Türkmenistanyň Bitaraplygynyň 30 ýyllyk toýy ýurdumyzyň ykdysadyýetiň ähli ulgamlarynda gazanylýan ösüşleriň aýdyň nyşanyny özünde jemlemek bilen, baýramçylyk dabaralary köpöwüşginli häsiýete eýe boldy. Munuň özi parahatçylyk, ynsanperwerlik, durnukly ösüş ýaly ýörelgeleri esasy ugur edinýän ýurdumyzda şanly seneleriň häzirki döwrüň ruhuna kybap derejede dabaralandyrylýandygyny alamatlandyrdy.

Mähriban Watanymyzyň hemişelik Bitaraplyk hukuk derejesiniň sebitara we halkara derejesinde parahatçylygy, howpsuzlygy üpjün etmekde ähmiýetli gural hökmünde ykrar edildi. Bu bolsa Türkmenistanyň halkara parahatçylyk we ynanyşmak syýasatynyň dünýä ýüzünde giň goldawa eýe bolýandygyny has aýdyňlygy bilen äşgär edýär.

Soňky ýyllarda dünýäniň sazlaşykly ösüş ýoluna düşen ýurtlarynyň hatarynda öz ornuny pugtalandyrýan Garaşsyz Türkmenistan şu geçen döwürde ähli ugurlar boýunça ýokary netijeleri gazanýar. Şunda halkymyzyň bagtyýar durmuşynyň üpjün edilmegi, ýurdumyzyň abadançylygy bilen baglanyşykly meseleler hormatlyPrezidentimiziň alyp barýan döwlet syýasatynyň ileri tutulýan ugurlarynyň birine öwrüldi.

Ýurdumyzda giňden bellenilýän Türkmenistanyň hemişelik Bitaraplygynyň 30 ýyllyk senesi dünýä jemgyýetçiligi üçin ähmiýetli bolan syýasy wakalara we halkara çärelerine baý boldy.Munuň özi ýurdumyzyň halkara giňişliginde parahatçylygyň ygtybarly guraly hasaplanylýan Bitaraplygynyň şanyna guralýan toýuň köptaraply häsiýete eýe bolandygyny görkezdi.

Şunuň bilen baglylykda, beýik baýramyň hormatyna guralýan aýdym-sazly çykyşlar ýurdumyzda Gahryman Arkadagymyzyň başyny başlan hem-de Berkarar döwletimiziň ösüşine gönükdirilen we hormatly Prezidentimiziň ýolbaşçylygynda amala aşyrylýan asylly işleriň senasy bolup ýaňlandy. Munuň özi ýurdumyzda guralýan tutumly toýlaryň derejesini has-da belende göterýän pursatlara öwrüldi.

Konserte gatnaşyjylaryň şowhunly el çarpyşmalary ýurdumyzyň medeniýt we sungat ussatlarynyň baýramçylyk mynasybetli taýýarlan çykyşlaryna berlen baha hökmünde kabul edildi. Şunda estradaçylaryň, teatr artistleriniň döredijilik äleminde möhüm orun eýeleýän belli tans we folklor toparlarynyň sazlaşykly çykyşlarynyň baýramçylyk konsertine özboluşly öwüşgin çaýandygyny bellemek gerek.

Baýramçylyk konsertinde ýaňlanan toý aýdymlarynda parahatçylygyň we ynanyşmagyň, durnukly ösüşiň berkarar bolýan ýurdynda Gahryman Arkadagymyzyň we Arkadagly Gahryman Serdarymyzyň yzygiderli tagallalary netijesinde amala aşyrylýan beýik işler, ýurdumyzyň sazlaşykly ösüşi we ähli ugurlar boýunça ýetilen sepgitler öz beýanyny tapdy.

Şanly senäniň hormatyna guralýan aýdym-sazly çykyşlarda türkmen halkynyň milli sungatynyň özboluşly ugruny emele getiren we halkara derejesinde ykrar edilen “Küşt depdi” aýdym-sazly we tansly çykyşyny ýaýbalňandyrmak asylly däbe öwrüldi. Bu eseriň joşguny diňe bilen sungat ussatlaryna däl. Eýsem dabara gatnaşýanlary täze belentliklere ruhlandyrýar.

Halkara parahatçylyk we ynanyşmak ýylynyň şanly senesi bolan Bitaraplyk baýramy halkmyzyň bagtyýar durmuşyny, döwletimiziň berkararlygyny düý äşgär eden wakalara baý boldy. Taryhy ähmiýeti bolan pursatlara beslenen Bitaraplyk baýramy halkymyzyň döredijilik dünýäsiniň kämildigini, hormatly Prezidentimiziň ýolbaşçylygynda amala aşyrylýan durmuş ugurly syýasatyň rowaçlyklara beslenýändigini görkezdi.

Gahryman Arkadagymyzyň sözlerine we sazyna döredilen “Öňe, öňe, diňe öňe, jan Watanym Türkmenistan” atly joşgunly aýdym baýramçylyk konsertiniň jemlemesine öwrüldi. Onda konserte gatnaşýanlaryň bilelikde çykyş etmekleri aýdymyň ruhlandyryjy güýjň eýediginiň nobatdaky beýanyna öwrüldi. Umuman, ýurdumyzyň durmuşynda möhüm ähmiýeti bolan şanly senäniň hormatyna guralan baýramçylyk konserti ýakymly pursatlara baý boldy.

***

Ak mermerli Aşgabadyň tyllaýy agşamlarynda asuda asmany ýagtylandyran älemgoşar öwüşginli feýerwerk giňden ýaýbaňlandyrylan baýramçylyk dabaralarynyň özboluşly jemlemesi boldy. Asman giňişliginde emele gelýän şekiller halkymyzyň bagtyýar durmuşyny, ýurdumyzyň abadançylygyny we uly dabaralara beslenen şanly senäni äleme äşgär eden görnüşlere öwrüldi.

Ýurdumyzda Gahryman Arkadagymyzyň başyny başlan we Arkadagly Serdarymyzyň ýolbaşçylygynda üstünlikli durmuşa geçirilýän döwlet syýasaty halkymyzyň bagtyýar durmuşynyň üpjün edilmegini esasy ugur edinýär. Munuň özi ähli ugurlarda amala aşyrylýan giň möçberli işlerde ýurdumyzda parahat we asuda durmuşyň berkarar bolmagyny nazarlaýandygyny alamatlandyrýar.

Köpöwüşginli şekilleriň ajaýyp sazlar bilen utgaşmagy baýramçylyk dabaralaryna gatnaşýan adamlaryň ruhuny belende göterdi. Ýakmyly pursatlaryň şaýady bolýan adamlar we ýaşlar ýurdumyzda abadançylygyň bagtyýar durmuşyň berkidilmegi ugrunda döwlet derejesinde alada edilýändigi üçin Gahryman Arkadagymyza we Arkadagly Gahryman Serdarymyza alkyş sözlerini aýtdylar.

Ýakymly arzuwlaryň şatlykly pursatlar bilen utgaşmagy bagtyýar durmuşyň kepili bolan Bitaraplygyň şanly baýramynyň taryhy wakalara besleýändigini alamatlandyrdy.