Ösüşleriň belentlklerine tarap bedew bady bilen ynamly gadam urýan ýurdumyzyň hemişelik Bitaraplygynyň 30 ýyllyk şanly baýramynyň bellenilýän günlerinde daşary ýurtlaryň ýurdumyzda bellenilýän şanly baýrama gatnaşýan raýatlaryna we Türkmenistanyň homatly ýaşulularyna “Türkmenistanyň Bitaraplygynyň 30 ýyllygyna” atly ýibuleý medalyny we ýadygärlik kümüş naşynlaryny gowşurmak dabarasy boldy.

Türkmen halkynyň Milli Lideri, Türkmenistanyň Halk Maslahytynyň Başlygy Gahryman Arkadagymyzyň gatnaşmagynda geçirilen dabara Bitaraplyk hukuk derejesi BMG-niň Baş Assambleýasynyň degişli Kararnamalary bilen üç gezek ykrar edilen ýurdumyzda guralýan halkara çäreleriniň köpugurly häsiýete eýe bolýandygynyň nobatdaky beýanyna öwrüldi.

Hormatly Prezidentimiziň gol çeken resminamalaryna laýyklykda, daşary ýurt raýatlaryny we ýurdumyzyň hormatly ýaşulularyny sylaglamak dabarasy täsirli pursatlara hem-de ýatda galyjy wakalara baý boldy.

Bu ýerde Koreýa Respublikasynyň “Bütindünýä innowasiýalayr öwreniş” institutynyň başlygy Kim Jin Pýon sylaglanyldy. Ol ýokary sylag üçin türkmen tarapyna tüýs ýürekden hoşallyk bildirdi.

BMG-niň Baş sekretarynyň ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze ýubileý medalyny we degişli nyşany aýratyn hormat bilen kabul edip, onuň öz durmuşynda ýatda galyjy waka öwrülendigin nygtady.

Türkiýäniň ýurdumyz bilen köp ýyllaryň dowamynda netijeli hyzmatdaşlyk edýän “Çalik Holding” kompaniýalar toparynyň dolandyryjylar geňeşiniň başlygy Ahmet Çalyk “Türkmenistanyň Bitaraplygynyň 30 ýyllygyna” atly ýubileý medalynyň we degişli nyşanyň gowşurylmagynyň özi üçin aýratyn hormatdygyny belledi.

Germaniýa Federatiw Respublikasynyň Ludwig Maksimilýan uniwersitet klinikalar toplumynyň Fürstenfeld Bruk ylmy-gözleg klinikasynyň umumy we wiseral hirurgiýa klinikasynyň baş lukmany, doktor Şpelsberg Fris Wilgerm Wolfgang bu sylaglary özüne bildirilen hormat hökmünde kabul edýändigini aýtdy we Gahryman Arkadagymyza tüýs ýürekden çykýan hoşallyk sözlerini beýan etdi.

“Türkmenistanyň Bitaraplygynyň 30 ýyllygyna” atly ýubileý medalyna we degişli nyşanlara mynasyp bolan daşary ýurt raýatlary taryhy ähmiýeti bolan halkara çärelerine gatnaşmaga iberilen çakylyk we özlerine bildirilen ýokary hormat üçin hormatly Prezidentimize we Gahryman Arkadagymyza alkyş sözlerini aýtdylar.

Ýurdumyzda Bitaraplyk baýramy mynasybetli ýaýbaňlandyrylan çärelere gatnaşýan myhmanlar ähli meýilleşdirilen çäreleriň guramaçylyk derejesine ýokary baha berdiler. Olar halkara çärelerini guramaçylykly geçirmek boýunçaoňyn tejribe toplan Türkmenistanyň dünýäniň ösen ýurtlarynyň hatarynda öz ornuny pugtalandyrýandygyny aýratyn nygtadylar

Soňra bu ýerde guralan giň möçberli çäre ýurdumyzyň hormatly ýaşulularyna “Türkmenistanyň Bitaraplygynyň 30 ýyllygyna” atly ýubileý medalyny we ýadygärlik kümüş nyşanyny gowşurmak dabarasy bilen dowam etdi.

Häzirki döwürde ýurdumyzda alnyp barylýan halkara hyzmatdaşlygy dürli ugurlary öz içine alýar. Şunda medeni-ynsanperwer gatnaşyklarynyň halkara hyzmatdaşlygynyň möhüm ugruny emele getirýändigini bellemek gerek. Şunuň bilen baglylykda, oňyn bitaraplyk syýasatyny amala aşyrýan Türkmenistanyň öňe sürýän başlangyçlarynyň Milletler Bileleşigi tarapyndan ykrar edilmegi ýurdumyzyň halkara giňişligindäki abraýynyň belende galmagyny şertlendirýär.

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň Ýaşulular geňeşiniň agzalary hem-de ýurdumyzyň welaýatlaryna wekilçilik edýän ýaşulular “Türkmenistanyň Bitaraplygynyň 30 ýyllygyna” atly ýubileý medalyny we ýadygärlik kümüş nyşanyny ýüzüne sylyp kabul etmek bilen, bildirilen hormat üçin Gahryman Arkadagymyza we Arkadagly Gahryman Serdarymyza tüýs ýürekden hoşallyk bildirdiler.

Bu dabara sebitara we halkara dereejsinde parahatçylygy hem-de durnukly ösüşi üpjün etmegiň ygtybarly kepili bolan Bitaraplyk baýramçylygynyň köpöwüşginli pursatlara beslenýändiginiň aýdyň beýanyna öwrüldi. Munuň özi .aýramçylyk dabaralarynyň halkymyzyň bagtyýar durmuşynyň we ýurdumyzyň abadançlygynyň berkidilmegine gönükdirilen asylly işler bilen utgaşýandygyny has aýdyňlygy bilen äşgär etdi.

Ýokary döwlet sylaglaryny uly býusanç bilen kabul edenler hormatly Prezidentimizi, Gahryman Arkadagymyzy we tutuş türkmen halkyny parahatçylygyň we asudalygyň kepili bolan Bitaraplyk baýramy bilen gutladylar.

Gahryman Arkadagymyz hormatly Prezidentimiziň gol çeken resminamalaryna laýyklykda, “Türkmenistanyň Bitaraplygynyň 30 ýllygyna” atly ýubileý medalyna we degişli nyşanlara mynasyp bolanlary ýokary döwlet sylaglarynyň gowşurylmagy hem-de ýurdumyzda giňden bellenilýän şanly sene bilen gutlady. Şeýle hem Gahryman Arkadagymyz olaryň ählumumy abadançylygyň bähbidine alyp barýan işlerinde uly üstünlikleri arzuw etdi.