Baş sahypa
\
Syýasat habarlary
\
Hormatly Prezidentimiziň adyna gelen hatlar
Syýasat habarlary
Hormatly Prezidentimiziň adyna gelen hatlar
Çap edildi 11.05.2025
644

Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Serdar Gurbangulyýewiç!

Beýik Watançylyk urşunda gazanylan Ýeňşiň 80 ýyllygy mynasybetli iberen gutlaglaryňyz üçin Size hoşallyk bildirýärin. Ýyllar geçdigiçe, şol ýowuz döwrüň wakalary bizden barha daşlaşýar hem-de taryha girýär, beýik edermenligiň janly şaýatlarynyň sany azalýar. Siziň ata-babalarymyzyň faşizme garşy söweşde gazanan ýeňşi baradaky taryhy hakydanyň Türkmenistan bilen Russiýanyň arasyndaky dostlukly gatnaşyklaryň möhüm şertleriniň biri bolup durýandygy baradaky pikiriňize goşulýaryn.

Hormatly Serdar Gurbangulyýewiç, Size berk jan saglyk, abadançylyk, ýokary döwlet wezipäňizde türkmen halkynyň bähbidine alyp barýan işleriňizde üstünlikleri arzuw edýärin!

Size belent hormat goýýandygym baradaky ynandyrmalarymy kabul ediň!

Walentina Matwiýenko,

Russiýa Federasiýasynyň Federal Ýygnagynyň Federasiýa Geňeşiniň Başlygy.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Çuňňur hormatlanylýan Serdar Gurbangulyýewiç!

Size belent hormat goýýandygym baradaky ynandyrmalarymy beýan etmäge hem-de Sizi Beýik Watançylyk urşunda gazanylan Ýeňşiň 80 ýyllygy bilen gutlamaga rugsat ediň! Ýeňiş gününiň ruhy-ahlak ähmiýeti onlarça ýyllar geçse-de, üýtgewsizligine galýar, biziň oňa garaýşymyz bolsa mukaddeslik derejesindedir. Bu şanly senäni bellemek bilen, biziň ata-babalarymyzyň nasizmi ýeňendiklerini hem-de olary ýok edendiklerini ýatlaýarys we buýsanýarys. Köpmilletli sowet halky ata Watanyň azatlygy ugrunda söweşdi. Hemmeler urşuň ýowuz synagyny çekdiler hem-de bilelikde Watany halas etmek ugrunda gaýduwsyzlyk görkezdiler.

Şanly baýram mynasybetli Size hem-de Türkmenistanyň ähli halkyna asuda asman, berk jan saglyk, bagtyýarlyk we abadançylyk arzuw edýärin.

Hormatlamak bilen,

Igor Babuşkin,

Russiýa Federasiýasynyň Astrahan oblastynyň gubernatory.

Soňky habarlar
25.06
Türkmenistanyň Prezidenti Russiýa Federasiýasynyň daşary işler ministrini kabul etdi
25.06
Türkmenistanyň Prezidenti Sloweniýa Respublikasynyň Prezidentini gutlady
24.06
Türkmenistanyň strategik başlangyçlary — ählumumy durnukly ösüşiň bähbidine
24.06
Türkmen zyýaratçylary Watanymyza dolanyp geldiler
24.06
Medeniýet hepdeligi — 2025: üçünji gün
24.06
Türkmenistanyň daşary işler ministriniň ABŞ-nyň Döwlet sekretary bilen telefon arkaly söhbetdeşligi
24.06
Dost-doganlyk gatnaşyklary pugtalandyryp
23.06
Türkmenistanyň Prezidenti sanly ulgam arkaly iş maslahatyny geçirdi
23.06
Türkmenistanyň Prezidenti Aziýanyň ösüş bankynyň wise-prezidentini kabul etdi
23.06
Medeniýet hepdeligi — 2025: ikinji gün
top-arrow