Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy. 

Daşary ýurt puluna Birleşen Arap Emirlikleriniň, Türkiýäniň, Owganystanyň hem-de Özbegistanyň işewür toparlarynyň wekilleri «Türkmennebit» döwlet konserniniň kärhanasynda öndürilen taplanan nebit koksuny, nebit ýol bitumyny, binýatlyk ýagyny, şeýle hem «Türkmenhimiýa» we «Türkmengaz» döwlet konsernleriniň kärhanalarynda öndürilen suwuklandyrylan gazy satyn aldylar. 

Mundan başga-da, daşary ýurt puluna Türkiýäniň, Gyrgyzystanyň telekeçilerine nah ýüplük ýerlenildi. Geleşikleriň jemi bahasy ABŞ-nyň 5 million 710 müň dollaryndan gowrak boldy.

Ýurdumyzyň işewürleri içerki bazar üçin jemi bahasy 6 million 362 müň manatdan gowrak bolan binýatlyk ýagyny, nebit ýol bitumyny («Türkmennebit» döwlet konserni), şeýle hem gabardin matasyny satyn aldylar.