Onuň Alyhezreti,
Türkmenistanyň Prezidenti
jenap Serdar Berdimuhamedowa

Hormatly Serdar Gurbangulyýewiç!

Tatarystanyň halkynyň adyndan we hut öz adymdan Sizi Türkmen bedewiniň milli baýramy mynasybetli tüýs ýürekden gutlaýaryn.

Türkmen halkynyň durmuşynda we medeniýetinde möhüm orun eýeleýän hem-de tutuş dünýäde şöhrata eýe bolan ajaýyp bedewler Türkmenistanyň milli buýsanjydyr. Ahalteke bedewleri naýbaşy atlar bolmak bilen, türkmen halkynyň beýik taryhyna, ata-babalarynyň köpasyrlyk ruhy-medeni mirasyna wepalylygynyň nyşanydyr. Türkmen atşynaslarynyň bu deňsiz-taýsyz atlaryň tohumyny gorap saklamak babatda irginsiz zähmeti, şeýle hem ýurduňyzyň halkynyň behişdi bedewlere bolan çäksiz söýgüsi haýran galdyrýar. Biz Türkmenistanyň doganlyk halky bilen bu baýramyň şatlygyny paýlaşýarys hem-de Size, Siziň ýakynlaryňyza we ýurduňyzyň ähli halkyna berk jan saglyk, bagtyýarlyk, türkmen döwletine bolsa rowaçlyk, abadançylyk arzuw edýäris.

Iň gowy arzuwlar bilen,

Rustam MINNIHANOW,
Russiýa Federasiýasynyň Tatarystan Respublikasynyň Baştutany.