Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Prezident, gadyrly doganym!

Siziň Alyhezretiňizi Oraza baýramy bilen tüýs ýürekden gutlaýaryn. Bu mübärek baýramda Beýik Allatagaladan musulman ymmatyna we tutuş adamzada parahatçylyk, asudalyk, şeýle hem jebisligimiziň we agzybirligimiziň pugtalanmagyny dileýärin.

Türkiýe Respublikasynyň halkynyň adyndan hem-de hut öz adymdan Siziň Alyhezretiňize berk jan saglyk, bagtyýarlyk, Türkmenistanyň doganlyk halkyna bolsa abadançylyk, rowaçlyk arzuw edýärin.

Rejep Taýyp Ärdogan,

Türkiýe Respublikasynyň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Türkmenistanyň Prezidenti!

Siziň Alyhezretiňizi hem-de doganlyk Türkmenistanyň dostlukly halkyny musulman dünýäsiniň mukaddes Oraza baýramy mynasybetli tüýs ýürekden gutlaýaryn. Jebisligi we raýdaşlygy alamatlandyrýan Oraza baýramynyň sahawatynyň parahatçylygy, durnuklylygy pugtalandyrmaga hem-de iki ýurduň arasynda ähli ugurlar boýunça giňeldilýän gatnaşyklaryň yzygiderli ösdürilmegine ýardam berjekdigine ynanýaryn.

Beýik Allatagaladan Siziň Alyhezretiňize berk jan saglyk we üstünlikleri, türkmen halkyna bolsa abadançylyk, rowaçlyk arzuw edýärin.

Masud Pezeşkian,

Eýran Yslam Respublikasynyň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza baýramy mynasybetli Siziň Alyhezretiňize tüýs ýürekden gutlaglarymy we iň gowy arzuwlarymy beýan etmäge şatdyryn. Beýik Allatagaladan Size berk jan saglyk, bagtyýarlyk, doganlyk türkmen halkyna ösüş we abadançylyk, ähli musulman ymmatyna bolsa parahatçylyk, rowaçlyk dileýärin.

Siziň Alyhezretiňize belent hormat goýýandygym baradaky ynandyrmalarymy kabul ediň!

Siziň doganyňyz,

Iki Mukaddesligiň Hyzmatkäri

Salman ben Abdelaziz Al Saud, Saud Arabystanynyň Patyşasy.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňiz!

Sizi Iordaniýa Haşimit Patyşalygynyň halkynyň we Hökümetiniň adyndan, şeýle hem hut öz adymdan mukaddes Oraza baýramy bilen tüýs ýürekden gutlaýaryn. Size berk jan saglyk, bagtyýarlyk, Türkmenistanyň doganlyk halkyna bolsa rowaçlyk we abadançylyk arzuw edýärin.

Abdulla II,

Iordaniýanyň Patyşasy.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňiz!

Oraza baýramy mynasybetli Size hem-de Türkmenistanyň halkyna iň gowy arzuwlarymy beýan edýärin. Oraza ruhy päkligiň, rehim-şepagatyň, raýdaşlygyň baýramydyr.

Somali Federatiw Respublikasy Türkmenistan bilen dostlukly gatnaşyklara ýokary baha berýär. Iki ýurduň halklarynyň bähbidine hyzmatdaşlygymyzyň mundan beýläk-de pugtalandyryljakdygyna ynanýaryn.

Siziň Alyhezretiňize berk jan saglyk, üstünlik arzuw edýärin.

Size belent hormat goýýandygym baradaky ynandyrmalarymy kabul ediň!

Hasan Şeýh Mohamud,

Somali Federatiw Respublikasynyň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza baýramy mynasybetli Owganystanyň Hökümetiniň we halkynyň adyndan Siziň Alyhezretiňizi hem-de Türkmenistanyň doganlyk halkyny tüýs ýürekden gutlaýaryn. Bu mübärek baýram hoşallygy, duýgudaşlygy, doganlygy alamatlandyrýar.

Pursatdan peýdalanyp, ýene bir gezek baýram mynasybetli iň gowy arzuwlarymy beýan etmek bilen, tutan orazalaryňyzyň kabul bolmagyny we Siziň Alyhezretiňize hem-de Türkmenistanyň halkyna abadançylyk, bagtyýarlyk arzuw edýärin.

Size belent hormat goýýandygymy beýan etmek bilen,

Alhaj Molla Mohammad Hasan Ahund,

Owganystanyň Ministrler Kabinetiniň Başlygy.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza baýramy mynasybetli Siziň Alyhezretiňize tüýs ýürekden gutlaglarymy we iň gowy arzuwlarymy beýan etmäge şatdyryn. Gudraty Güýçli Allatagaladan Size berk jan saglyk, bagtyýarlyk, musulman ymmatyna bolsa haýyr-sahawat eçilmegini dileýärin.

Siziň Alyhezretiňize belent hormat goýýandygym baradaky ynandyrmalarymy kabul ediň!

Mohammed bin Salman bin Abdelaziz Al Saud,

Saud Arabystany Patyşalygynyň Mirasdüşer Şazadasy,

Premýer-ministri.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Serdar Gurbangulyýewiç!

Oraza baýramy mynasybetli Size we doganlyk türkmen halkyna tüýs ýürekden gutlaglarymy we iň gowy arzuwlarymy beýan edýärin. Goý, ähli adamlary ýagşy işlere, rehim-şepagatlylyga, parahatçylyga, ylalaşyga hem-de özara düşünişmäge ruhlandyrýan bu nurana baýram biziň doganlyk halklarymyzyň abadançylygynyň we jebisliginiň nyşany bolsun!

Size we Siziň ýakynlaryňyza berk jan saglyk, bagtyýarlyk, abadançylyk, Türkmenistanyň doganlyk halkyna bolsa parahatçylyk, rowaçlyk arzuw edýärin.

Hormatlamak bilen,

Olžas Bektenow,

Gazagystan Respublikasynyň Premýer-ministri.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Prezident!

Oraza baýramy mynasybetli Siziň Alyhezretiňize we Türkmenistanyň doganlyk halkyna tüýs ýürekden gutlaglarymy beýan edýärin. Goý, bu baýram biziň doganlyk gatnaşyklarymyzy mundan beýläk-de ösdürmäge we pugtalandyrmaga ýardam bersin!

Siziň Alyhezretiňize belent hormat goýýandygym baradaky ynandyrmalarymy kabul ediň!

Binali Ýyldyrym,

Türki Döwletleriň Guramasynyň Ýaşulular geňeşiniň başlygy.