Baş sahypa
\
Ykdysadyýet
\
Türkmen telekeçileri – ýurduň altyn gaznasy
Ykdysadyýet
Türkmen telekeçileri – ýurduň altyn gaznasy
Çap edildi 15.03.2025
639

Şu ýylyň 17 — 19-njy mart aralygynda Türkmenistanyň Senagatçylar we telekeçiler birleşmesiniň döredilmeginiň 17 ýyllygy mynasybetli sergi hem-de «Türkmenistanyň geljegine maýa goýumlar» atly halkara forum geçiriler.

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň saýasynda Türkmenistanyň Senagatçylar we telekeçiler birleşmesi döwrümiziň belent maksatlaryna ýetmekde, döwletiň ösüş maksatnamalaryny durmuşa geçirmekde uly işleri alyp barýar. Geçen 17 ýylyň dowamynda birleşmäniň agzalarynyň sanynyň ep-esli artmagy, hususy başlangyçlaryň rowaçlanmagy, telekeçileriň alyp barýan işleriniň geriminiň has-da giňemegi bu ugurdaky syýasatyň ajaýyp miweleridir.

Serginiň çäklerinde Türkmenistanyň Senagatçylar we telekeçiler birleşmesiniň agzalarynyň täze önümleriniň mahabat-tanyşdyryş çäreleri guralar. Bu giň gerimli sergide 2025-nji ýylda öndürilen täze önümlere we ýola goýlan hyzmatlara hem uly orun berler.

Ýeri gelende bellesek, TSTB-niň döredilmeginiň 17 ýyllygy mynasybetli sergi bilen ugurdaşlykda «Türkmenistanyň geljegine maýa goýumlar» atly hususy pudaga maýa goýumlary çekmek boýunça halkara forum hem geçiriler.

Döwlet tarapyndan döredilýän şertlerden peýdalanyp, döwrebap tehnologiýalar bilen üpjün edilen kärhanalarda öndürilen ýokary hilli, daşary ýurt bazarlarynda bäsdeşlige ukyply önümleriň eksportyny yzygiderli artdyrmak arkaly halkara söwda-ykdysady hyzmatdaşlygy ösdürmekde guwandyryjy netijeleri gazanýan türkmen hususyýetçileriniň üstünliklerini giň jemgyýetçilige ýaýbaňlandyrmakda özboluşly meýdança öwrüljek bu sergi üç günläp dowam eder. Onuň jemleýji gününde — 19-njy martda sergä gatnaşyjylara diplomlary gowşurmak dabarasynyň geçirilmegi meýilleşdirilýär.

Soňky habarlar
24.04
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz!
24.04
Türkmenistanyň Prezidenti Buýruga gol çekdi
24.04
Milli sportumyzyň nobatdaky üstünligi
24.04
Gahryman Arkadagymyzyň Özbegistan Respublikasyna dostlukly sapary
24.04
Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Özbegistan Respublikasynyň ýokary döwlet sylagy bilen sylaglanyş dabarasyndaky çykyşy
23.04
Türkmenistanyň Prezidenti Hindistan Respublikasynyň ýolbaşçylaryna gynanç bildirdi
23.04
Türkmenistanyň Prezidentiniň Permany
23.04
Halkara ahalteke atçylyk assosiasiýasynyň XV mejlisi
23.04
Türkmenistanda Horwatiýa Respublikasynyň Adatdan daşary we Doly ygtyýarly ilçisi işe başlady
23.04
Gahryman Arkadagymyzyň Gyrgyz Respublikasyna dostlukly sapary
top-arrow