Onuň Alyhezreti,

Türkmenistanyň Prezidenti

jenap Serdar Berdimuhamedowa

Hormatly Türkmenistanyň Prezidenti!

Siziň Alyhezretiňizi we Türkmenistanyň dostlukly halkyny Allatagalanyň rehmetiniň hem sahawatynyň aýy bolan mukaddes Remezan aýynyň ýetip gelmegi mynasybetli tüýs ýürekden gutlaýaryn. Remezan aýy adamzadyň we dünýäniň ýaradylyşy barada oýlanmagyň, Biribaryň emirlerini berjaý etmegiň, howandarlyga mätäçlere hemaýat etmegiň aýydyr. Bu mübärek aýyň berekedi hem-de bilelikdäki tagallalaryň netijesinde musulman ymmatynyň arasyndaky hyzmatdaşlygyň has-da pugtalandyryljakdygyna ynanýaryn.

Beýik Allatagaladan Size we ähli musulman ymmatyna rowaçlyk, abadançylyk dileýärin.

Masud Pezeşkian,

Eýran Yslam Respublikasynyň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Oraza aýy mynasybetli Siziň Alyhezretiňize tüýs ýürekden gutlaglarymy beýan etmäge şatdyryn. Siziň Alyhezretiňize bagtyýarlyk, abadançylyk, Türkmenistanyň dostlukly halkyna bolsa mundan beýläk-de ösüş hem-de rowaçlyk arzuw edýärin.

Gudraty Güýçli Allatagaladan ähli musulman ymmatyna rysgal-bereket dileýärin.

Haýsam bin Tarik,

Omanyň Soltany.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Siziň Alyhezretiňiz!

Ysraýyl Döwletiniň we onuň raýatlarynyň adyndan Remezan aýy mynasybetli Size we ýakynlaryňyza, şeýle hem Türkmenistanyň halkyna gutlaglarymy kabul ediň! Remezan aýynyň biziň parahatçylyga, rowaçlyga, raýdaşlyga ygrarlydygymyzy tassyklamaga mümkinçilik berjekdigine ynanýaryn. Goý, bu mukaddes aý hemmämize abadançylyk getirsin!

Size we Türkmenistanyň dostlukly halkyna iň gowy arzuwlarymy beýan etmäge şatdyryn.

Hormatlamak bilen,

Ishak Gersog,

Ysraýyl Döwletiniň Prezidenti.

***

Onuň Alyhezreti,

Türkmenistanyň Prezidenti

jenap Serdar Berdimuhamedowa

Mukaddes Remezan aýy mynasybetli Size iň gowy arzuwlarymy beýan edýärin.

Mohammed VI,

Marokkonyň Patyşasy.