Onuň Alyhezreti

Fransiýa Respublikasynyň Prezidenti 

jenap Emmanuel MAKRON

Siziň Alyhezretiňiz,

Hormatly jenap Prezident!

Size şu hat bilen ýüzlenmek we Sizi we Fransiýa Respublikasynyň dostlukly halkyny tüýs ýürekden mübäreklemek mende uly kanagatlanma duýgusyny döredýär.

2025-nji ýylyň 19-20-nji ýanwarynda knýaz maşgalasynyň çagyrmagy boýunça men Monako Knýazlygynda saparda boldum. Nissanyň howa menziline gelenimde, meni Fransiýanyň häkimiýetleri ýokary hormat bilen garşyladylar. Fransiýanyň sebitleriniň ýokary derejeli wekilleri meni we ýanymdaky wekiliýeti mähirli garşylap, hormat goýýandyklaryny we üns berýändiklerini görkezdiler. Men muňa biziň ýurtlarymyzyň arasyndaky mizemez dostlugyň we berk hyzmatdaşlygyň nyşany hökmünde baha berýärin.

Şunuň bilen baglylykda, fransuz topragynda görkezilen myhmansöýerlik we berlen üns üçin, tüýs ýürekden minnetdarlyk bildirýärin. Bu bolsa, Türkmenistan bilen Fransiýanyň arasyndaky gatnaşyklaryň aýratyn ähmiýete eýedigini görkezýär.

2024-nji ýylyň dekabr aýynyň başynda «One Water Summit» atly sammitiň çäklerinde biziň Er-Riýaddaky duşuşygymyzy aýratyn ýakymly duýgular bilen ýatlaýaryn. Netijeli pikir alşylmagy ikitaraplaýyn hyzmatdaşlygy mundan beýläk-de ösdürmegiň mümkinçiliklerini görkezdi.

Şunuň bilen baglylykda, Türkmenistanyň Siziň ýurduňyz bilen köpugurly gatnaşyklary mundan beýläk-de gyşarnyksyz giňeltmäge we berkitmäge, bu gatnaşyklara täze depgin we many-mazmun bermäge çalyşýandygyny we taýýardygyny tassyklamak isleýärin. Iki ýurduň özara gatnaşyklaryndaky bar bolan düşünişmegiň we ynanyşmagyň Türkmenistana we Fransiýa ikitaraplaýyn özara hyzmatdaşlygyň ähli ugurlary boýunça netijeli gepleşikleri alyp barmaga mümkinçilik berýändigine ynanýaryn.

Siziň Alyhezretiňiz, jan saglyk, abadançylyk we üstünlikieri gazanmak baradaky iň gowy arzuwlarymy kabul ediň.

Sizi tüýs ýürekden hormatlamak bilen,

Türkmen halkynyň Milli Lideri,

Türkmenistanyň Halk Maslahatynyň Başlygy

Gurbanguly BERDIMUHAMEDOW