Baş sahypa
\
Syýasat habarlary
\
Türkmenistanyň Prezidenti “Wozroždeniýe” taslama-gurluşyk kompaniýalar toparynyň ýolbaşçysyny kabul etdi
Syýasat habarlary
Türkmenistanyň Prezidenti “Wozroždeniýe” taslama-gurluşyk kompaniýalar toparynyň ýolbaşçysyny kabul etdi
Çap edildi 12.12.2024
1115

Şu gün hormatly Prezidentimiz Serdar Berdimuhamedow Russiýa Federasiýasynyň “Wozroždeniýe” taslama-gurluşyk kompaniýalar toparynyň ýolbaşçysy Igor Bukatony kabul etdi.

Işewür duşuşmaga wagt tapyp kabul edilendigi üçin hoşallyk bildirip, döwlet Baştutanymyzy we ähli türkmen halkyny Türkmenistanyň hemişelik Bitaraplygynyň 29 ýyllygy bilen gutlady, şeýle hem Gahryman Arkadagymyza iň gowy arzuwlaryny beýan etdi.

Hormatly Prezidentimiz Russiýanyň iri kompaniýasynyň ýolbaşçysyna gutlaglar üçin minnetdarlyk bildirip, alnyp barylýan hyzmatdaşlygyň netijeliligini kanagatlanma bilen belledi. “Wozroždeniýe” kompaniýasynyň köp ýyllaryň dowamynda Türkmenistanda möhüm taslamalary durmuşa geçirip gelýändigi nygtaldy. Ol özüni ýurdumyzyň gurluşyk we senagat mümkinçiliklerini pugtalandyrmaga işjeň gatnaşýan ygtybarly hyzmatdaş hökmünde görkezdi.

Häzirki wagtda Aşgabatda şäher infrastrukturasyny ösdürmek boýunça giň möçberli maksatnama amala aşyrylýar. Paýtagtymyzy dünýäniň iň gözel we ýaşamak üçin amatly şäherleriň birine öwürmek şol maksatnamanyň esasy wezipesidir diýip, döwlet Baştutanymyz aýtdy. Bu maksatnama ugurlaryň giň gerimini, şol sanda döwrebap ýaşaýyş jaýlaryny gurmak, ulag infrastrukturasyny ösdürmek, ekologik ýagdaýy mundan beýläk-de gowulandyrmak ýaly ugurlary öz içine alýar. Strategiýanyň çäklerinde bilim, medeniýet edaralary hem işjeň ösdürilýär. Munuň özi işlemek, bilim we dynç almak üçin amatly şertleri döretmäge ýardam berýär. Bu ugurdaky tagallalaryň ählisi özünde gözelligi, täzeçilligi, ýaşaýjylardyr myhmanlar üçin ýokary derejeli durmuş şertlerini jemleýän şäheri döretmäge gönükdirilendir diýip, döwlet Baştutanymyz sözüni dowam etdi hem-de Türkmenistanyň ýokary önümçilik kuwwaty bolan kompaniýalar bilen hyzmatdaşlygy ösdürmäge taýýardygyny tassyklady. “Wozroždeniýe” kompaniýasy hem şolaryň hataryndadyr.

Hormatly Prezidentimiz Serdar Berdimuhamedow özara bähbitli hyzmatdaşlygy dowam etdirmek üçin uly mümkinçilikleriň bardygyny belläp, türkmen tarapynyň hyzmatdaşlygy mundan beýläk-de ösdürmek boýunça anyk tekliplere seretmäge taýýardygyny beýan etdi.

Igor Bukato bildirilýän ynam we goldaw üçin hoşallygyny beýan edip, ýolbaşçylyk edýän kompaniýasynyň netijeli hyzmatdaşlygy dowam etdirmäge gyzyklanma bildirýändigini tassyklady hem-de “Wozroždeniýe” kompaniýasynyň öz üstüne alan borçnamalaryny ýokary hilli, öz wagtynda ýerine ýetirmek we Türkmenistanyň ykdysady ösüşine mynasyp goşant goşmak üçin ähli tagallalary etjekdigine ynandyrdy.

Soňky habarlar
08.06
Türkmenistanyň Prezidenti Serdar BERDIMUHAMEDOW: — Biziň esasy wezipämiz halkymyzyň ýaşaýyş-durmuş derejesini has-da gowulandyrmakdan ybaratdyr
08.06
Hormatly Prezidentimiziň adyna gelen hatlar
08.06
Türkmenistanda Gurban baýramy bellenilýär
06.06
Hormatly Prezidentimiziň adyna gelen hatlar
06.06
Garaşsyz, hemişelik Bitarap Türkmenistanyň halkyna
06.06
Türkmenistanyň Prezidenti hormatly Serdar Berdimuhamedowa
06.06
Türkmenistanyň Prezidenti hormatly Serdar Berdimuhamedowa
05.06
Türkmenistanyň Döwlet howpsuzlyk geňeşiniň mejlisi
05.06
Türkmenistanyň Prezidenti bilen Eýran Yslam Respublikasynyň Prezidentiniň arasynda telefon arkaly söhbetdeşlik
05.06
Hormatly Prezidentimiziň adyna gelen hatlar
top-arrow